Daniel 9:2 - Katɔti Ɔku Kedee

² Na nwuna lɛga bɔdi lɛkwa lideedi kemmo ni, líbo ḿbanu lɛ́ti na kenye bediene ala ani na bénweni bése bɔka kemmo ka Unwoti ɔ́su Kenye Udiene Yeremia úse ɔnini, “Bekisine badubo Yerusalem bɔbwɛ na ɔsɔ uwi ukpludi akwa liti ku aavlanyɔ.”

Daniel 9:2 ပူးပေါင်းရင်းမြစ်များ

Ala Alɛdi 2 36:21

Na uwi ɔni na ɔgbankpi ɔmɛni úbo kalɔ kammɔ ƒui lɛlɔ na basɔ balátuma-ka ni, kalɔ kammɔ kákɛ kana bɔnwuna lɛkwa aani lɛnwunameyi kalɛ útédu akwa liti ku aavlanyɔ ani na Unwoti ɔ́sia nwuna kenye údie Yeremia lɛlɔ ɔ́su úse.

Esra 1:1

Na Persia kalɔ Ɔga Kores lɛga bɔdi lɛkwa lideedi kemmo ni, Unwoti úti ɔ́sia-nwu kayi ka ute bɔti bɔdi na nwuna kalɛkɛ lɛlɔ ƒui kalɛ na Yeremia kenye kani na ɔ́su kebo-nwu kemmo na ɔ́ya na bénweni lɛla lɛmmɔ bése.

Kɔgya 119:24

Ƒula ala ani na aatina-mi mɔɔyɔ́-mi kaƒɔ. Na anya mɔɔlɛ-mi lɛnɔ.

Yesaia 64:10

Ƒula lɛma linengudi lɛni na áƒuna ése sɛsɛɛ ƒui línwini ketele kalɔ kakwiidi. Sion únwini kalɔ kakwiidi na Yerusalem ɔsɔ ɔɔɔdi kesii kani madia lɛla lɛdi bɔbla.

Yeremia 1:1

Hilkia ubidi Yeremia ɔni ndi Katɔti bakpane akɔ unwi na ɔ́si Anatos ɔma kemmo na Benyamin kalɛkɛ lɛlɔ etemila na adi mɛni.

Yeremia 25:18

Na líse kalɔ lɛ́si Yerusalem lɛlɔ ku lɛma lɛni na Yuda kalɔ lɛlɔ. Na sɔsɔ békpeli baga bammɔ ku bana lɛku batine ƒui bébo kalɔ ɔ́siku bana kunyekɔ ku agaboku lɛlɔ ku kɔƒa. Na ukyuli biala ɔda-ma lɛnyi ku lɛma na kesi kesii na beeti-ma anyi teewida bekyuli ka bana ɔgbankpi ɔmmɔ udu ɔdubɔlɛku bekyuli bani na beeyuda mmɔ.

Yeremia 26:18

“Kuuku uwi ɔni kemmo na Hesekia útaadi lɛga na Yuda kalɔ lɛlɔ ni, Katɔti kenye udiene ɔdi baalɔ banii Mika ɔ́kya na ɔ́si ɔma ɔnii baalɔ banii Moreset kemmo. Anwu násu ɔnini, ‘Ami Unwoti Katɔti Ɔyikune Ƒui mɔɔsu ka bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.’ ”

Yeremia 26:6

ndubo kakpakɔ kamɛni bɔbwɛ aani kalɛ na lɛ́bwɛ Siloa ɔma. Mmɔ mina kevo kedee kénye dii. Na Yerusalem ɔdubunwini kesii kani na ukyuli biala ɔdubɔkpali uwida ɔnii ɔdubɔlɛku-ɔ aani Yerusalem.’ ”

Yeremia 29:10

“Na si uwi ɔni na Babilonƒuɔ bábla bana ɔyikun ala ka badi betulone na kadi bekyuli ƒui ɔsu báwɔlɔ akwa liti ku aavlanyɔ kama ni, ndubɔbla-mii lɛƒɔndia na lɛya na bɛsɔ binwini bibo Yerusalem kalɛ kani na líse-mii kenye líse.

Yeremia 7:34

Na si uwi ɔni na lɛ́wɔlɔku bina kalɔ lɛni lɛ́wɔlɔ ni, mmɔ kadubo bɔba mana mana aani kekpine na kesii kani na líbile lɛla biala na Yerusalem mmɔ ku Yuda lɛma lɛmmɔ ƒui kemmo. Na lɛlɔyɔ kɔku kɔdi kɔsɔ kulakya mmɔ iye limeyi bɔdi ku beleku buti ablala adi lɛnɔ asɔ alakya mmɔ.’ ”

Kɔnyana Buwulo 1:1

Aanu kalɛ na ɔma unengudi ɔmmɔ ɔ́ƒɔ lɛlɔ uwi ukpludi. Ɔma ɔni na nka bekyuli báƒɔ-nwu kemmo pii dii, ɔƒɛni amu ɔ́ta ɔ́bla aani ukpinele. Nka anwu náƒɔ lɛnyi dii na kadi bekyuli akɔ. Anwu ɔni na nka úse aani beleku ɔga na kɔlɔ kɔni na amadɔ mmɔ ƒui akɔ ɔƒɛni amu únwini bekyuli bamba kabla ɔblane.

Esekiel 29:11

Na ukyuli ɔyawine iye ebuo ɔdi muedi ulése kayi ɔnii ɔɔsia Egyipte kalɔ kemmo mmɔ ɔlɛ, ɔsika na akwa aavlene kemmo ƒui ni, lɛla lɛdi lɛɛɛdubo bɔtina aani si ngba lɛla lɛdi lɛkya kalɔ kammɔ kemmo.

Daniel 9:3

Na kalɛ na lɛla lɛmɛni líkpoku-mi ɔsu ni, línyimi kenye na nda ala ani mɔɔtina ka muuwulo kɔnyana. Na lɛ́yu lɛ́tɛ ntɔ akɔ, na lídie mina alaekpidi kalɔ.

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Sakaria 1:12

Ka únu kenye kammɔ ni, ɔtu ɔmmɔ údie kenye ɔnini, “Unwoti Ɔyikune Ƒui, akwa liti ku aavlanyɔ mɛni ka éti kɔnyi ákya Yerusalem ku Yuda lɛma lɛmmɔ ƒui. Na uwi ɔmani geen na adubo-ma kɔnyana bɔnu?”

Mateo 24:15

“Na bɛdubɔnu lɛla lɛni na Katɔti uukisi na liisé lɛlɔ ka unye nwuna likpo kedee kalɛ na Katɔti Kenye Udiene Daniel únweni úse. Na amii bani mɔɔká ɔku ɔmmɔ ni, biduo-nwu kemmo kaduɛ na binu-nwu kalɔ.

Marko 13:14

“Na mɛni ni, bise atu kaduɛ na binu kalɔ. Si bɛ́nu ala ani udu na Katɔti ukisi ka álɛ na nwuna kakpakɔ kedee ni, bekyuli bani nkya Yuda bekeli besie batábɛ na abi lɛlɔ.

Batalane Kabla 8:34

Amu na unengu ɔmmɔ úye Ƒilipo ɔnini, “Yesaia ni, anwu ɔlati lɛlɔ na uutemi taasiku, munuu ukyuli bamba ɔdi lɛlɔ na uutemi taasiku?”

Timoteo 1 4:13

Nye kpakplaa na ataaka Katɔti litemi lɛmmɔ na ataakɔ-ni lɛsa teete baƒɔtaadine ƒui. Na eteedie-ni kalɔ na ataatina-ma ala ammɔ wetédu uwi ɔni na mebo.

Budie Taatina 1:3

Lɛlɔ lɛdubɔyɔ ukyuli ɔni mɔɔká ɔku ɔmɛni teete bekyuli. Na lɛlɔ lɛdubɔyɔ bekyuli bani muunú Katɔti linyese etemila amɛni na balábla atuɔkplu na lɛla lɛni na línweni lɛ́kya ɔku ɔmɛni kemmo lɛlɔ. Ɔsika uwi ɔni na ala amɛni ƒui adubo bɔlɛ úude.