Daniel 9:18 - Katɔti Ɔku Kedee

¹⁸ Buvele, nu ƒula ɔma ɔƒunadi ɔmɛni kɔnyana ɔɔɔdi ɔni na abu bɔ́manku ɔsu mmomu na ƒula lɛƒɔndia bonwu lɛni ebo ete bekyuli ɔsu.

Daniel 9:18 ပူးပေါင်းရင်းမြစ်များ

Baga 1 8:29

Buvele nda-a, ya na ƒula anumi asia kakpakɔ kamɛni lɛlɔ usien ku ɔƒɛ, kesii kani na ásu anini, ‘Mina lɛnyi lɛdubɔkya mmɔ’ kalɛ na enu ƒula kabla ɔblane bɔkpali si ɔ́kpali-ɔ na mɛni.

Baga 2 19:16

O Unwoti, se atu na enu, na ebimi anumi na anu. Nu etemila ani na Sanaherib ɔku ɔni na úti úmene-mi ɔdanku, na uudumi awɔ Katɔti ɔni nli ngba.

Kɔgya 116:1

Mɔɔyɔ́ Unwoti, ɔsika únu-mi lɛla lɛni na muuwulo teevele-nwu.

Kɔgya 25:6

O Unwoti, kali nu ƒula lɛƒɔndia ku bɔyɔ bɔni naaavumana kudii. Ɔsika lɛni na aabla teete-mi ɔ́si kukuuku.

Israelƒuɔ Bɔlɛ 3:7

Amu na Unwoti ɔ́su Mose ɔnini, “Lɛ́nu kalɛ na Egyipteƒuɔ bakya baanya Israelƒuɔ taakya ku kalɛ báya na beebó abi. Na muunú bana keku kani beewulo taawia ukyuli ɔni mekpo maƒɔ-ma malɛku bana lɛbibo kemmo.

Yesaia 37:17

O Unwoti, se atu na enu, na ebimi anumi na anu. Nu etemila ani na Sanaherib ɔku ɔni na úti úmene, na uudumi awɔ Katɔti ɔni nli ngba ɔdanku.

Yesaia 43:7

Ɔsika mina bekyuli na badi, na lídie-ma kalɛ na beti ɔbu bete mina lɛnyi.’

Yesaia 64:12

Ati, ala ani ƒui na awɔ ɔlati aanu mɛni kama ni, bulie na adubɔsɔ elie kpoo ataanu na alakya-bu kenye? Na ani-bu kɔtu mmomu avili?

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.

Yeremia 14:7

Ɔdi litemi geen ka bula alaekpidi bonwu ani bɔɔbla adubɔkana na aya na ani-bu kɔtu. Nsu si édie-bu ni, Unwoti, ukyuli biala ɔdubo bɔnu kalɛ na ébo.

Yeremia 14:9

Bɔsu na ada anii aaagyi eeese asa na ɔgbankpi ɔmɛni ɔ́lɛku-bu? Munuu ukpone ɔni na bényimi-nwu enu na adi? Awɔ náƒuna-bu na ƒula kakpakɔ kakya-bu kudɔ mɛni, anwuɔsu teni-bu!

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Yeremia 25:29

Ukyuli biala ɔdubo abi bubo na kekpo kani ndubo mmɔ ɔsu na ɔdubuse kalɔ ɔsi mina kadi bekyuli lɛlɔ na Yerusalem. Anwuɔsu lɛɛɛdubo bɔya na ɔdi ɔkɛ kuƒi kɔdi ukeli na lɛbibo lɛmɛni kenye na lɛla lɛdi lilákɛku-nwu.”

Yeremia 36:7

Ɔƒɛni kalɛ si bénu lɛla lɛni na Unwoti ɔ́su ka wabla-ma na bana ekpidi ɔsu ni, badubo bunwini na bevele Unwoti banii uti bana bɔƒiɔ ɔkyiɛ-ma, ɔsika úti kɔnyi geen.”

Yeremia 37:20

Buvele nda-a, tasɔku-mi tatákya ɔtɔ na Yonatan kesii mmɔ. Si ɔɔɔdi lɛni ni, ndubo bukpi.”

Esekiel 36:22

Anwuɔsu su Israelƒuɔ lɛla lɛni na mɔɔsu-ɔ mɛni anini, ‘Bɛ́kya-mi lɛnyi lɛni muukeye kɔƒa na kadi bamba bekyuli bani akɔ na bili mɛni akɔ. Anwuɔsu bítamanku lɛla lɛni na mɔɔwia ka lɛbla lite-mii mɛni munu munu. Ndubo-mii bɔkpanku busienku ɔma na bekyuli babu-mi lɛnyi.

Esekiel 36:32

Israel kadi bekyuli, ɔɔɔdi amii ɔsu na mɔɔbla ala amɛni, ɔsika bɛ́bla alaekpidi bítuloku lɛlɔ. Na ɔlɛka nka bina anumi ewi kalɔ na kɔƒa kukpo-mii lɛnɔ geen na ala ani na bɛ́bla ɔsu. Ami Unwoti násu.’

Daniel 9:7

“Bula Unwoti, lɛla biala na ábla lɛdia, nsu bula anumi eewi kalɔ na bekyuli ƒui anumi, ɔsika bɔ́lɛ ƒula litemi kama na bɔ́bla alaekpidi. Na abu Yudaƒuɔ ku Yerusalemƒuɔ ku Israelƒuɔ ƒui bani nde mɛni ku bani na bakya kaƒɔ ɔlɔgyu ƒui nábla ala amɛni udu. Na bani lɛnɔ na áya na bákpanku bátɔlɔku bésienku kɔlɔ bamba kemmo lɛnɔ bábla ala amɛni.

Bumomo Bɔka 6:27

“Anwuɔsu badubɔkpali-mi lɛnyi bete Israelƒuɔ kusɛ kusɛ na ɔdububo-nwu kemmo lɛni.”

Korintoƒuɔ 1 1:2

Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.