Daniel 9:16 - Katɔti Ɔku Kedee

¹⁶ Uwi ɔni návi kemmo ni, ábla-bu lɛƒɔndia geen lɛni náya na bɔɔnu taati na buuvele-ɔ ɔmwi ka ada kɔnyi kpakplaa kɔni na éti ákya Yerusalem mɛni buti taakya-bu aya. Ɔsika ina bi na abu ku bula bati kuuku bɔ́bla na bula anumi éwi kalɔ na kadi ƒui anumi muedi ni, ƒula ɔma ɔni na áƒuna na áya na bátu-nwu bálɛ ƒula kɔbi kedee lili lɛnɔ na ɔdi.

Daniel 9:16 ပူးပေါင်းရင်းမြစ်များ

Nehemia 9:8

Awɔ nánu ka nwuna kayi kése siin. Ɔmmɔ ɔsu ényimiku-nwu na éti Kanaanƒuɔ ku Hetiƒuɔ ku Girgasiƒuɔ kalɔ éte nwuna kaba bekyuli. Na ádi ƒula linyese lɛlɔ, ɔsika ese siin.

Kɔgya 143:1

Unwoti Katɔti, ka ese siin na asia ƒula litemi kama ɔsu ni, se atu na enu mina bɔkpali ku mina buvele. Na aya na linu lɛla lɛdi lɛsiku-ɔ kudɔ.

Kɔgya 31:1

Unwoti, awɔ na líkeli ḿbatamiku. Taya na kɔƒa kukpo-mi. Muuvele-ɔ nnii die-mi, ɔsika ese siin.

Kɔgya 41:13

Bɛya na bumwi Unwoti ɔni ndi Israel Katɔti. Bɛya na bumwi-nwu ɔ́si ɔƒɛni úsela ƒui. Ɔsia lɛni na ɔsɔ ɔsia lɛni.

Kɔgya 71:2

Ka ese siin ɔsu ni, die-mi na enu-mi buvele na aƒɔ-mi.

Kɔgya 79:4

Ɔmmɔ ɔsu kadi bamba bekyuli bani na bula amadɔ ƒui balánu-bu taakya lɛla lɛdi kemmo na beedumi-bu na baamá-bu.

Kɔgya 85:4

O Katɔti, awɔ ndi bula ngba bɔƒɔ. Buuvele-ɔ ka ada-bu kɔnyi buti bɔkya aya na asɔku-bu eboku bula uwi ɔbuni kemmo.

Kɔgya 89:51

Ƒula bekisine beedumi-mi kesi kesii na nkɛ, Ami ƒula kabla ɔblane ɔni ndi ɔga ɔni na áƒuna.

Israelƒuɔ Bɔlɛ 20:5

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo, na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Yesaia 5:25

Ɔmmɔ ɔsu na Unwoti uuti kɔnyi kpakplaa taakya nwuna bekyuli. Na ɔ́talaku kɔnu katɔ ka ɔƒiɛmi-ma ɔva kalɔ. Abi ƒui ákunku, na bani nékpi ƒui ɔlɔna uwi lilu lɛlɔ aani alakpi. Nsu ɔmmɔ ƒui útayɔ tɔ Unwoti kaƒɔ. Ɔsika ɔ́mu ɔ́tala kɔnu unye.

Yeremia 24:9

Ndubo bɔya na ɔgbankpi bonwu ɔdi ubo-ma lɛlɔ na liti lɛni-ma kɔtu. Na lɛlɔ litaatɔ ukyuli biala menu lɛla lɛmmɔ ku lɛlɔ bɔtɔ ku bɔyia geen. Na ndubo Yudaƒuɔ lɛlɔ bunye na batɔlɔ beteesie kalɔ bamba lɛlɔ na kaƒɔ kesii kani na badubo-ma buteeyuda na beteedumi-ma lɛlɔ.

Esekiel 22:4

Ekpidi ammɔ áya na áƒiɔ baadú-ɔ kɔtɔ. Na baƒiɔ bammɔ lɛnɔ báya na asɔ átamanku ka bada-a bakya-a lɛlɔ. Anwuɔsu na ɔlɛka bani-ɔ kɔtu na kawɔlɔkɔ kamɛni. Kadi bamba bekyuli badubo-ɔ bɔma na bataalɔ-ɔ anyikpi.

Esekiel 5:14

“Ukyuli biala ndubɔsi mmɔ ɔlɛ ɔdubo-mii bɔma na kalɛ na lɛ́yila-mii udu ɔsu. Na kadi bamba bekyuli

Daniel 11:45

Na ɔmmɔ kama ni, ɔdubɔbla keliekɔ na Ɛpu Ubendi ku Sion Kɔbi ntɛ. Nsu kawɔlɔkɔ ni, badubo-nwu udu bɔyila na ukyuli biala ulakana-nwu bɔƒɔ.”

Daniel 9:20

Mmu nnye muudie mina alaekpidi kalɔ ku Israel adi ƒui teete Unwoti Katɔti, na muuvele kalɛ na lɛla biala lɛtɛ lite Yerusalem,

Yoel 3:17

“Ami ndi Unwoti bina Katɔti na bɛdubo bɔnu bɔti ka nli Sion Kɔbi kedee lɛlɔ. Na baƒɔ bekpone badi basɔ baaadubo Yerusalem butuku, ɔsika use kedee.

Sakaria 8:3

“Ndubɔsɔ linwini lisie Yerusalem na ntélie Sion Kɔbi kedee lɛlɔ. Na bekyuli ƒui badubɔnu Yerusalem bati aani mina ɔma ɔni nsiaku-mi kama siin. Na basu ka Sion ndi mina kɔbi kedee.

Tesalonikaƒuɔ 2 1:6

Katɔti ɔdubɔtɛ litemi na ulu lɛlɔ. Na ɔdubɔni bani muukpóku-mii ƒui kɔtu.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Samuel 1 2:7

Unwoti muute lɛkɛ. Na anwu kani mɔɔyá kɔwaba kɔɔda ukyuli. Anwu mɔɔkɔliku ukyuli katɔ. Na anwu kani muuboku ukyuli kalɔ.