Daniel 9:12 - Katɔti Ɔku Kedee

¹² Álɛ abu ku bula batɔnkune ése kpakplaa ka ɔgbankpi ɔni udu nétebo tɔ kudii ɔdubo Yerusalem bɔlɛku. Na lɛla lɛni bɔlɛ na álɛ-bu ese kpakplaa mmɔ geen, na áya na lɛɛlɛ́ku-bu ɔƒaani.

Daniel 9:12 ပူးပေါင်းရင်းမြစ်များ

Baga 1 3:9

Anwuɔsu te ami ƒula kabla ɔblane kayi kani na liti lɛda ƒula bekyuli bamɛni na lɛnu lɛbuni ku likpidi lɛti. Ɔsika si átabla ɔmɛni ni, ɔma ndubɔkana ƒula bekyuli pii bamɛni udu bɔda?”

Baga 2 22:16

ɔsika lɛni na Unwoti ɔɔsu ɔnini, “Ndubo Yerusalem ku bekyuli bani nkya mmɔ bɔkyula aani kalɛ na bénweni bákya ɔku ɔni na ɔga ɔmmɔ ɔ́ka kemmo.

Hiob 12:17

“Unwoti ɔɔyila kadi benengu kasusu betene udu, na ɔɔyá na bana etemila batɛne beenwíni badɔlɔdi.

Kɔgya 148:11

Kalɔ lɛlɔ baga ku bekyuli ƒui ku lɛlɔ badine ku kalɔ lɛlɔ litemi batɛne

Kɔgya 2:10

Ɔmɛni ɔsu ni, amii kalɔ kamɛni lɛlɔ badine bani mɔɔdi kayawi lɛlɔ ni, binu bɔlɛ bɔmɛni kaduɛ na bɛda anu na litemi lɛmɛni lɛlɔ!

Agba 8:16

Ɔkɛnku-mi lɛlɔ na bagadine baadi bekyuli lɛlɔ ku babune bani mɔɔtɔnku bekyuli ulu lɛlɔ siin.

Yesaia 43:28

Ɔmmɔ ɔsu nsɔ ńtete kuƒi ka bina bakpane babla-mi kabla. Mmomu lɛ́ya na bákyula Israel kadi na bákya bina bekyuli kɔƒa.”

Yesaia 44:26

Ndubɔya na mina kenye bediene ala ani básu banini, ‘Bekyuli badubo bumomo na baƒɔ Yerusalem ƒui na Unwoti ɔsɔku ɔma ɔmmɔ ɔda ubo-nwu kemmo.’

Yeremia 30:7

Mina kadi bekyuli, blii kani nébu na bɛdubo abi bubo geen butulo ala ani náalɛku-mii ábavi. Nsu ndubo-mii budie ƒui.

Yeremia 32:23

“Nsu ka kalɔ kamɛni kétuku bula bati kuuku lɛkɔkɔ ni, bétenu ƒula litemi na badi-ni lɛlɔ. Na ɔƒaani ni, áni Israel kalɔ kemodi kammɔ kɔtu ku ɔgbankpi lidu.

Yeremia 39:16

Ebedmelek ɔni ndi Kusni ɔmmɔ ɔnini, “Ami ndi Unwoti Ɔyikune Ƒui, Israel Katɔti. Na mɔɔlɛ ɔdi biala kpakplaa ka ndubo bɔya na ɔgbankpi ubo ɔma ɔmɛni lɛlɔ na ɔɔɔdi keyi kayɔdi ku kubiti. Na ɔƒaani ni, uwi ɔsɔ uletu ndubo lɛla lɛni na lɛ́su bɔbla na ɔdi biala ɔnu ka lɛ́lɛ sɔsɔ.

Yeremia 44:23

Ɔgbankpi ɔmɛni úbo-mii lɛlɔ, ɔsika bɛ́kpa baƒiɔ bamba na bɛ́ta bínye Unwoti lɛlɔ na bíni bɛnii bilenu-nwu litemi na bɛsiaku nwuna ɔda bubo ku ala ani na ɔɔtina lɛlɔ ɔsu.”

Kɔnyana Buwulo 1:12

“Amii bani mɔɔví, bɛɛɛdaku-ni? Bɛnu si ɔdi ɔsɔ uubó bula abi amɛni udu. Lɛbibo lɛni kemmo na Unwoti ɔ́ya na líduo na nwuna kɔnyi kpakplaa ɔsu.

Kɔnyana Buwulo 2:13

Sion, dɛ na ndubɔkana-a kɔnu bɔsia na ƒula lɛbibo bonwu lɛmɛni kemmo? O Yerusalem, ɔma unengudi ɔbuni, bi na ndubɔkana na lɛsu lɛsiku-ɔ lɛlɔ? Na dɛ na ndubɔkana-a budie bɔlɛku kesii kani gbion aani ɛpu mɛni kemmo?

Kɔnyana Buwulo 2:17

Lɛla lɛni na Unwoti ɔ́su úse kuuku ka wabla ni, ɔ́bla-ni lɛni kani, na ɔ́yila-a udu ɔni na útanu-ɔ kanyana, na ɔ́ya na ƒula bekisine baakun lɛmɛnɛ ka bana ɔyikun udu ɔdi ɔsɔ uuubo.

Kɔnyana Buwulo 4:6

Unwoti ɔ́ni mina kalɔ bekyuli kɔtu útulo kalɛ na ɔ́ni Sodom ɔma unengudi ɔmmɔ bekyuli kɔtu, na ɔ́ya na bábwɛ-ma ɔma uwi klukwii ɔdi kemmo kani, na ɔdi uuubo na ubunku-nwu.

Esekiel 13:6

Kenye bediene bammɔ baanyi ɔkɔ taasu ka mina lɛnyi kemmo na baasu etemila, nsu ɔɔɔdi ami náƒuna-ma muedi. Na baakali ka bana etemila ammɔ adububo-nwu kemmo ete-ma kalɛ na básu.

Esekiel 5:9

na bina alaekpidi ɔsu. Na bina kɔtu bɔni bɔmmɔ bɔdubo ɔkplu bɔyu geen na butulo lɛla biala na lɛ́ɛbla ḿbavi iye lɛni na nsɔ mabla lɛnɔ uwi ɔni mebo ƒui kemmo na uladia bɔnu.

Daniel 12:1

“Uwi ɔmmɔ kemmo ni, ƒula kadi bekyuli ɔgyumanane unengu ƒui, Mikael ɔni na Katɔti ɔdubɔtala ni, ɔdubɔta ubo. Na lɛbibo kpakplaa lɛni udu nétebo tɔ kudii ɔ́si kalɔ kesekɔ lɛdubɔlɛ. Na ukyuli biala ɔni na nwuna lɛnyi lɛkya ngba ɔku kemmo ni, ɔdubo-nwu bɔgyumana.

Yoel 2:2

Na limeyi lɛmmɔ lɛdubo bɔbla suu, na liƒlukutu suu lɛdi lɛƒɔ kayaa ku abi lɛlɔ. Na bekpone lisu bonwu lɛdi lɛdubɔda lɛlɛ bani udu nétedie tɔ lɛlɔ kudii na badi lɛnɔ basɔ belebo kudii.

Amos 3:2

Amii kani na lɛ́ƒuna na kayawi kadi bekyuli ƒui akɔ, anwuɔsu na ndubo-mii kɔtu bɔni na bina alaekpidi ɔsu.”

Sakaria 1:6

Nsu ka béni mina etemila ku bɔlɛ bɔni na mina kenye bediene bálɛ-ma ɔsu ni, básiaku lɛla lɛni na baawia. Anwuɔsu bénwini bébevele-mi banini, “Unwoti Ɔyikune Ƒui, áni-bu kɔtu kɔni námanku bula ekpidi ani na bɔ́bla aani kalɛ na ásu ése.”

Sakaria 1:8

Usien ɔmmɔ ni, lɛ́nu ka ukyuli ɔdi ulie ɔpɔnkɔ ugyiedi ɔdi lɛlɔ na kɔwɛ lɛku lɛdi kemmo. Na babambadi badi lɛnɔ belie bapɔnkɔ begyiedi ku bani nse ƒuƒuu ku baƒualadi bamba lɛlɔ na nwuna kama.

Mateo 24:21

Ɔ́si kayawi kalɔ kesekɔ ni, lɛbibo libendi lɛmɛni udu lítebo tɔ kudii. Na nina udu ɔdi lɛnɔ ɔsɔ ulebo kudii.

Mateo 5:18

Na mɔɔyá na bɛti geen ka ni, na katɔ ku kalɔ anumi ni, balada lɛla linwi ina dɛ na lise blii suɛ muedi beledie na ɔda bubo bɔmmɔ kemmo wetédu ka ala ani na ɔda bubo bɔmmɔ bɔɔtina búbo búte lɛni.

Marko 13:19

Ɔsika lɛbibo lɛni ndubo uwi ɔmmɔ kemmo ni, lɛdubo bubomo butulo lɛdi biala lɛni udu na kayawi kamɛni káanu dii ɔ́si kana kalɔ kesekɔ úti úbedu ɔmwi limeyi. Na lɛbibo lɛmɛni udu lɛdi lɛsɔ lilebo lɛnɔ kudii.

Luka 21:22

Ɔsika uwi ɔmmɔ kemmo ndi kɔtu bɔni emeyi ani nálɛ ka ebo aani kalɛ na Bunweni Kedee Ɔku kemmo etemila átina kalɛ.

Romaƒuɔ 15:8

Ɔsika mɔɔsu-mii nwaa nnii Kristo únwini Yudaƒuɔ ubunkune kalɛ na udie ɔtina ka kenye kani na Katɔti ɔ́su Yudaƒuɔ ɔtɔ eƒi benengu úse ni, ɔ́di-ka lɛlɔ na kébo kete lɛni sɔsɔ.