Daniel 8:24 - Katɔti Ɔku Kedee

²⁴ Ɔdubo ɔyikun bɔkɛ geen, nsu ɔɔɔdi anwu ɔlati ɔyikun na ɔdi. Na ɔdubo ala bubile geen. Na ɔdubo batɔnkune bayikune udu bɔyila na kalɔ kammɔ lɛlɔ úbunku Katɔti bekyuli muedi.

Daniel 8:24 ပူးပေါင်းရင်းမြစ်များ

Kɔgya 37:35

Lɛ́ɛnu dii kalɛ na ukyuli ukpidi ɔni mbo kalala ɔ́kɛ lɛlɔ aani kugyii kɔni nákɛ kenyekɔ buni na kalɔ buni lɛlɔ na kuudie kɔgba.

Daniel 11:23

Na ɔdubo lɛla lɛdi bunyimiku-ma, nsu ɔkɔ ala bɔbla na adi, na ɔdubo bunyimi bɔmmɔ bubile ina ka nkyuli ɛlɛɛ badi kani na ndubo-nwu kama bɔsiaku.

Daniel 12:7

Amu na Katɔti ɔtu ɔmmɔ ɔ́kɔliku nwuna enu anyɔ katɔ na ɔ́su ɔnini, “Na Katɔti ɔni nli ngba uwi ƒui lɛnyi kemmo ni, muusé kenye kpakplaa ka lɛkwa linwi ku akwa anyɔ ku kakɛ. Na lɛla biala lɛdububo kawɔlɔkɔ uwi ɔni na Katɔti bekyuli lɛbibo lɛmmɔ lɛdubɔsa.”

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Daniel 8:10

Na ɔ́kɛ ɔyikun geen ɔni na úkpoku ayabi ani ndi kayaa bekpone ƒui lɛnɔ, na úti-ma pii úbewi kalɔ lɛlɔ, na ɔ́kɔ ɔ́nya-ma lɛlɔ úsusu ɔ́vi.

Daniel 8:11

Úwi kayaa bekpone bammɔ anumi kalɔ, na údie ɔbu ƒui na bana ɔtɔnkune ɔgabi ɔmmɔ lɛlɔ, na úwi-nwu anumi kalɔ na uwi ɔni na útile-nwu kuƒi na nwuna limeyi ndi limeyi akpala bɔbla lɛlɔ. Na geen ni, lɛla lɛmɛni kanukɔ kátadia bɔnu munu munu. Na úbile kakpakɔ kammɔ ekisila ƒui, na kásɔ kátamanku ka bataabla lɛkpa geen lɛmmɔ, na ɔ́kɛ kuƒi na ɔ́bla lɛla biala na ɔɔyɔ́ na mmɔ.

Daniel 8:23

“Na uwi ɔni na baga bamɛni likyulikpi ala bɔbla bɔ́kɔ katɔ geen bútédu kesii kani na ɔlɛka bɔwɔ ni, bana ɔyiku kenye kadubo bukulo na ɔga ukpidi ɔdi ubenye-ma kenye ɔni na bekyuli beleti bana anu balasia-nwu lɛlɔ munu munu.

Budie Taatina 16:6

Bekyuli bamɛni nádu ƒula bekyuli ku kenye bediene. Anwuɔsu na éte-ma ubugya ukpidi ɔmɛni na báni. Lɛla lɛni námanku-ma na baaƒɔ́!”

Budie Taatina 17:17

Ɔsika Katɔti úti ɔ́kya-ma kayi kemmo kalɛ babla lɛla lɛni na anwu Katɔti ɔɔwia. Na bénu lɛlɔ kalɔ ka beti bana ɔyikun bete eƒiebuo ɔmmɔ na ɔdi lɛga uti utédu ka Katɔti etemila ani na ɔ́su úse ébo-nwu kemmo lɛni.

Budie Taatina 17:6

Amu na lɛ́nu ka uleku ɔmmɔ úkpi ntɛ na Katɔti bekyuli bani ubugya na ɔ́ni ku bani na ɔ́du ɔsika benye Yesu kama kpakplaa ɔsu. Uwi ɔni na lɛ́nu-nwu ni, ɔ́bla-mi kalɛ kadi.

Budie Taatina 19:2

Ɔsika nwuna litemi bɔtɛ buse siin. Na nwuna etemila adi litemi geen. Ɔma ɔni nébile kayawi ku nwuna alaekpidi bɔbla aani ɔyalɛ ni, Katɔti nátɛku-nwu litemi. Na Katɔti kabla bablane bani ubugya na béwi kalɔ ni, údie ɔma ɔmɛni bekyuli kasi na ubugya ɔmmɔ ɔsu.”