Daniel 8:23 - Katɔti Ɔku Kedee

²³ “Na uwi ɔni na baga bamɛni likyulikpi ala bɔbla bɔ́kɔ katɔ geen bútédu kesii kani na ɔlɛka bɔwɔ ni, bana ɔyiku kenye kadubo bukulo na ɔga ukpidi ɔdi ubenye-ma kenye ɔni na bekyuli beleti bana anu balasia-nwu lɛlɔ munu munu.

Daniel 8:23 ပူးပေါင်းရင်းမြစ်များ

Ala Kalɔ Buse 15:16

Uwi ɔni na ƒula bawɔ mmɔ bulie búdu akwa ammɔ ni, badubɔsɔ benwini bebo mɛni. Ɔsika Amoriƒuɔ ekpidi ani baabla ni, étedu tɔ kesii kani na lɛni-ma kɔtu kɔni meduku-ma.”

Agba 1:6

Na benu agba ku kenwini etemila kalɔ na benu banundane agyolo ku kekuma atɛ kalɔ.

Esekiel 38:16

Na adubo mina bekyuli bukpo aani liƒlukutu ku ɔƒɛƒɛɛ bonwu ɔni muutile kayaa. Na ndubo kuƒi bute na ekpo mina kadi bekyuli Israelƒuɔ kalɛ na kadi ƒui bekyuli na kalɔ lɛlɔ banu bati ka ami Unwoti nse kedee.’ ”

Esekiel 38:8

Ɔsika na akwa alɛɛ adi kama ni, ndubo lɛdi budie bute-ɔ na etékpo Israel kadi bekyuli bani na kekpo kábwɛ-ma lɛma ƒui. Báyii udu na bekyuli bédie-ma atu uwi gyɔlɔɔ ɔdi mɛni. Nsu bekyuli bammɔ bási baƒɔ kɔlɔ kɔni lɛlɔ na bélie dii mmɔ bénwini bébo ɔma bébo beli bana kalɔ lɛlɔ. Beli ku keyi buɛɛ na ama alati bana kalɔ kemmo na abi lɛlɔ.

Daniel 10:14

Na ɔƒaani ni, líbo mɛni kalɛ na lɛsɔ mbedie lɛla lɛni ndubo ƒula bekyuli bɔlɛku uwi ɔni ndubo kemmo lɛtina-a.”

Daniel 11:21

“Ɔga ɔni na badubo buse na katɔ kakɛ mmɔ na udeedi kenye ni, ɔdubɔbla ukyuli ukpidi ɔni nátamanku útete lɛla lɛdi bɔbla. Na útasi baga liku lɛnɔ. Nsu ɔdubo bɔda bɔlɛ kɔnakunwi ku kenyemini ku katɔlɔ na ɔdi lɛlɔ na lɛga kadikɔ kammɔ kemmo.

Daniel 11:24

Na tati tese kemmo ni, ɔdubo kɔlɛkɛ kɔni kemmo na lɛlakɛ lɛkya kaduɛ lɛlɔ bɔdi, na ɔmɛni ɔdi lɛla lɛni na nwuna bati kuuku bátabla kudii. Na ɔdubuti lɛkɛ ku bana ala ƒui ule ute nwuna kama basiakune. Nsu ala amɛni adi biala aaadubo uwi butu.

Daniel 7:11

Amu na nnye mɔɔnu kpakplaa lɛla lɛni ndubo bɔlɛku lise libliidi lɛni na lɛ́nu ka lɛ́da lɛ́lɛ kebweyi kammɔ lili mmɔ na lɛmɛnɛ bɔkun etemila ani na ɔ́kya útaasu ɔsu. Kɔnakunwi na mina anumi lɛlɔ mmɔ ni, kebweyi kenedi kammɔ kékpi na ogya ɔ́kyula-ka ƒui.

Daniel 7:20

Na lɛnɔ ni, mɔɔwia ka lɛti lɛla lɛni na ese leevu ammɔ enye ete. Na ɔni na utulo ƒui ndi lise libliidi lɛni nábaƒɔ ese atɛ amɛni kunyekɔ ku anumi ani nlɛ-ni lɛlɔ ku lɛla lɛni ɔsu na ɔɔtɛmi ku lɛmɛnɛ bɔkun lɛni aani si butulo na utulo bakladi ƒui.

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Daniel 7:8

Uwi ɔni na nnye mɔɔbla kasusu taasiku ese amɛni lɛlɔ kani na lise blii lɛdi lɛ́kɔ lɛ́lɛ. Na kɔnakunwi ni, ese atɛ ágyu álɛ ana kunyekɔ na éte libliidi lɛmɛni kuƒi. Na bekyuli anumi alɛ lise blii lɛmɛni lɛlɔ ku kenye kani muutemi ku lɛmɛnɛ bɔkun pii geen.

Daniel 8:22

Na uwi ɔni na lise lɛmɛni lɛ́ƒɛ ni, lɛga kɔdikɔ ine bamba badubo, nsu ama baaadubo ɔyikun bɔkɛ aani udeedi kalɛ.

Daniel 8:24

Ɔdubo ɔyikun bɔkɛ geen, nsu ɔɔɔdi anwu ɔlati ɔyikun na ɔdi. Na ɔdubo ala bubile geen. Na ɔdubo batɔnkune bayikune udu bɔyila na kalɔ kammɔ lɛlɔ úbunku Katɔti bekyuli muedi.

Daniel 8:25

Na ɔkɔ ɔni na ɔdubo butaanyi taatɔlɔ bekyuli ɔdubɔya na ɔdi lɛlɔ na ɔƒɔ lɛnyi geen. Ɔdubo bekyuli pii bɔdu kɔnakunwi na ukpoku Katɔti kayawi ƒui lɛlɔ ɔdine utulone ƒui. Nsu Katɔti ɔdubo-nwu lɛlɔ bɔdi na ususu-nwu ɔbla kpɛtɛ kpɛtɛ.

Bumomo Bɔka 24:24

Lɛkɔlɔ libendi lɛdubɔsia Kittim Ɛpu kɔtu na badi Asiriaƒuɔ ku Eberƒuɔ lɛlɔ. Nsu ama lɛnɔ badubɔyila-ma udu.”

Mateo 23:32

Anwuɔsu ni, bisie anumi na bɛwɔlɔ lɛla lɛni na bina bati kuuku bése kalɔ.

Lɛkpa Ulu 28:50

Na bekyuli bammɔ badubɔbla lili ɔkplu na balanu ukyuli biala kɔnyana, unengu ɔdi o-o iye ɔnamu ɔdi o-o, balanu-nwu kɔnyana.

Tesalonikaƒuɔ 1 2:16

Béti básia lɛlɔ banii butasu bani naaadi Yudaƒuɔ litemi buni lɛmɛni kalɛ na bakɛ ngba ƒui. Na baatɛ ekpidi etila taasia ekpidi kama teete lɛlɔ ani nédu kesii kani na Katɔti kɔtu bɔni bubo-ma lɛlɔ.

Timoteo 1 4:1

Katɔti Kɔyu kuudie taasu-bu nwaa ka ni, asa na emeyi ekplodi adubudu ni, bekyuli badi badubɔlɛ bɔƒɔtaadi litemi geen lɛmɛni kama na basiaku ayu ekpidi katɔlɔ ku bani néti lɛlɔ béte ukisine ɔmmɔ ala bɔtina kama.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.