Daniel 8:21 - Katɔti Ɔku Kedee

²¹ Na ketukpa kammɔ ndi Grikiƒuɔ lɛga kadikɔ. Na lise lɛni nlɛ-nwu anumi ntɛ na libo ɔyikun mmɔ ndi ɔga udeedi na nwuna baga bammɔ akɔ.

Daniel 8:21 ပူးပေါင်းရင်းမြစ်များ

Daniel 10:20

Amu na Katɔti ɔtu ɔmmɔ úye ɔnii, “Énu lɛla lɛni ɔsu na líbo mɛni kalɔ? Ndubo bɔtɔlɔ uwi klukwii kemmo ntékpoku Persiaƒuɔ kadi ɔtu. Na si uwi ɔni na lɛ́di-nwu lɛlɔ lɛ́wɔlɔ ni, Grikiƒuɔ kadi ɔtu lɛnɔ ɔdubo-mi bukpoku.

Daniel 11:2

“Lɛla lɛni na ndubo-ɔ bɔsu mɛni lɛdi lɛla lɛni nsia ulu lɛdubo, na lɛdubo bɔlɛ na lɛla lɛdi liletile-ni kuƒi. Baga ine badi badubo lɛga bɔdi na Persia kalɔ lɛlɔ atɔ asia, nsu unedi ɔdubo lɛkɛ bɔkɛ butulo bani ntɔ-nwu ƒui. Na geen ni, na nwuna lɛkɛ ɔsu ɔdubo ɔyikun bɔkɛ geen, na ɔya na bekyuli ƒui bata benye Grikiƒuɔ lɛga kadikɔ lɛlɔ.

Daniel 11:3

Na ɔga ɔyikune ɔdi ɔdubo ubelie liboku lɛlɔ, na mmɔ na anwu utaabla lɛla lɛni mɔɔyɔ́ ɔga ɔlakɛne ɔmɛni kaƒɔ.

Daniel 2:39

Na si uwi ɔni na ƒula uwi ɔ́sa ni, lɛga kadikɔ bamba kadubo-ɔ kama bɔsia, nsu lɛga kadikɔ kammɔ kaaadubo ɔkplu bɔyu aani ƒula kadi. Na ɔmmɔ kama ni, lɛga kadikɔ bamba lɛnɔ kasɔ kadubo kani ndi abuala egyiedi kadi, na ɔdubo kayawi ƒui lɛlɔ bɔdi.

Daniel 7:6

Na kebweyi katɛdi kese aani ebuoƒuala. Na ubo avwi ene na nwuna kama aani aasɛ kalɛ, na eli atɛ alɛ-nwu. Na béte-nwu kenyekɔ ɔyikun ka ɔdi lɛlɔ.

Daniel 8:20

Koƒonu kɔgyani kɔmmɔ ese anyɔ ani nlɛ-ku lɛlɔ ni, anya ndi Media ku Persia baga.

Daniel 8:22

Na uwi ɔni na lise lɛmɛni lɛ́ƒɛ ni, lɛga kɔdikɔ ine bamba badubo, nsu ama baaadubo ɔyikun bɔkɛ aani udeedi kalɛ.

Sakaria 9:13

Na ndubuti Yuda lɛbla aani mina kataminta na liti Israel lɛbla atula. Na ndubuti Sion bekyuli lɛbla aani mina kewii na likpoku Grikiƒuɔ.”