Daniel 8:19 - Katɔti Ɔku Kedee

¹⁹ Na ɔ́su ɔnini, “Se kɔtu na enu, na ndubɔsu-ɔ lɛla lɛni ndubo libalɛ na kayawi kawɔlɔkɔ kani na Katɔti ɔ́ƒuna úse ka udie nwuna kɔnyi keyi.

Daniel 8:19 ပူးပေါင်းရင်းမြစ်များ

Kɔgya 102:13

Adubɔnu Sion kɔnyana ɔƒɛni amu. Ɔsika uwi ɔmmɔ údu na anwu na ɔdi mɛni.

Daniel 11:27

“Baga inyɔ bamɛni badubulie likpo linwi basala eli, nsu likyulikpi ku ɔkɔ sɔɔn na badubo bɔnyi bute lɛlɔ. Na bana kɔkwɛ ku kasusu ƒui kadi kalálɛ kɔsia kɔdi, ɔsika lɛla biala na ndubo libalɛ ni, Katɔti ɔ́ɔlɛ-ni ugyii úse.

Daniel 12:4

“Na ɔƒaani ni, Daniel, muubo-ɔ ɔda ka abɛla linyesia lɛni na ɔku ɔmɛni ɔdanku uti utédu uwi ɔmɛni kawɔlɔkɔ, ina ka bekyuli pii badubɔsia ulu biala lɛlɔ na kesi kesii banii baawia bati lɛla lɛni nkya ɔku ɔmmɔ kemmo.”

Daniel 8:23

“Na uwi ɔni na baga bamɛni likyulikpi ala bɔbla bɔ́kɔ katɔ geen bútédu kesii kani na ɔlɛka bɔwɔ ni, bana ɔyiku kenye kadubo bukulo na ɔga ukpidi ɔdi ubenye-ma kenye ɔni na bekyuli beleti bana anu balasia-nwu lɛlɔ munu munu.

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Luka 21:23

Ɔdubɔyu ɔkplu geen ute beleku bani nda kaƒɔ ku bebi beni bani muute bebi lɛnyi. Lɛbibo bonwu lɛdi lɛdubo kalɔ kamɛni lɛlɔ. Na Katɔti kɔtu bɔni bɔdubo bekyuli bamɛni lɛlɔ.

Budie Taatina 1:1

Ɔku ɔmɛni ndi ala ani na Katɔti údie ɔ́tina nwuna kabla bablane ɔkɛnku Yesu Kristo lɛlɔ ka adubo bɔlɛ na uwi klukui kemmo. Báti ɔmɛni ɔkɛnku Katɔti ɔtu ɔni na Kristo ɔ́tala ɔ́kya nwuna kabla ɔblane Yohane na ala ani na údie ɔ́tina-nwu kemmo.

Budie Taatina 10:7

Kabla kabɛdi kani na ɔ́su nwuna kenye bediene bani ndi nwuna kabla bablane ka kadubɔlɛ ni, kadubo kete lɛni si Katɔti ɔtu maatɛdi ɔmmɔ ɔ́vwi nwuna kakpɛɛ.”

Budie Taatina 11:18

Bekyuli bani ƒui nátaƒɔ-ɔ bátadi ni, béti kɔnyi. Anwuɔsu ƒula kɔtu bɔni kúbo-ma lɛlɔ. Ɔsika uwi údu ka atɛku bekyuli bekpine litemi. Ɔdi uwi ɔni na adubɔƒɔ kayu kabuni ete ƒula kabla bablane ku kenye bediene ku ƒula bekyuli ƒui. Na benengu ku banamu bani ƒui mɔɔbu-ɔ ni, adubɔƒɔ-ma kayu kabuni. Na adubɔkyula bekyuli bekpidi bani nádu ƒula bekyuli na kalɔ lɛlɔ!”

Budie Taatina 15:1

Na lɛ́sɔ lɛ́nu akɔla budie taatina bonwu bɔbambadi na katɔ bɔni nábla-mi kalɛ kadi. Lɛ́nu batu maatɛ ka bada lɛbibo maatɛ lɛni ndi lɛbibo maatɛ likplodi. Ɔsika ɔmɛni kemmo na Katɔti kɔnyi kúdu kɔ́wɔlɔ.

Budie Taatina 17:17

Ɔsika Katɔti úti ɔ́kya-ma kayi kemmo kalɛ babla lɛla lɛni na anwu Katɔti ɔɔwia. Na bénu lɛlɔ kalɔ ka beti bana ɔyikun bete eƒiebuo ɔmmɔ na ɔdi lɛga uti utédu ka Katɔti etemila ani na ɔ́su úse ébo-nwu kemmo lɛni.