Daniel 8:17 - Katɔti Ɔku Kedee

¹⁷ Amu na Gabriel ɔ́ni úde-mi na lɛ́yu líbi kalɔ ku bɔyia geen. Na ɔ́su-mi ɔnini, “Ukyuli ɔyawine adi, nsu ɔdi ka enu ala bɔnu bɔmɛni kalɔ ka adanku kayawi kawɔlɔkɔ kammɔ.”

Daniel 8:17 ပူးပေါင်းရင်းမြစ်များ

Ala Kalɔ Buse 17:3

Mmɔ ni, Abram ɔ́yu úbi kalɔ na Katɔti ɔ́su-nwu ɔnini,

Esekiel 1:28

na uudie kunweni lidu lidu aani kalɛ na kɔdigye kɔɔlɛ́ na ɔƒɛƒɛɛ ɔdi bukpo kama. Na lɛ́nu lɛ́ti ka Unwoti bukeye ɔsu na mɔɔnu mmɔ nwaa ƒui lɛni! Ɔmmɔ ɔsu líboku lɛlɔ kalɔ buɛɛ lɛ́yu líbi anumi kalɔ. Na kɔnakunwi ni, línu ka lɛdi lɛdi lɛɛtɛmiku-mi.

Esekiel 2:1

Na lɛdi lɛmmɔ lɛ́kpali-mi lɛnini, “Esekiel, ɔyawine ubi, ta nye na ese atu na enu.”

Esekiel 44:4

Ɔmmɔ kama ni, ɔnana ɔmmɔ útiku-mi na bútásia ɔban kayakun kani na katɔ kakɛ na kakpakɔ anumi mmɔ. Na lɛ́nu kalɛ na Unwoti uukeye na bukeye bɔmmɔ bɔ́ƒɔ kakpakɔ mmɔ ƒui. Kɔnakunwi ni, líbo kalɔ na líti mina anumi líbi kalɔ.

Esekiel 6:2

“Esekiel, ɔyawine ubi, nwini anumi tina Israel abi lɛlɔ na asu-ma anii,

Daniel 10:11

Na ɔ́su-mi ɔnini, “Daniel, ƒula Katɔti ɔɔbla-a lɛlɔ kasusu kenengudi geen na anwu nátala-mi. Anwuɔsu ta nye, na enu lɛla lɛni na ndubo-ɔ bɔsu.” Mmɔ na lɛ́ta línye na lɛlɔ lɛɛtɔ́-mi kpakpaakpa.

Daniel 10:16

Ɔmmɔ kama údie lɛlɔ nwaa aani ukyuli ɔyawine na útuku-mi enyekuli. Mmɔ na lɛ́su-nwu nnini, “Ati, ƒula ala budie taatina bɔmɛni bɔ́ya na muunú ɔlɛ geen, na mina kayi kemmo na ɔyikun biala ɔsɔ uuubo-mi lɛlɔ kemmo lɛnɔ.

Daniel 11:27

“Baga inyɔ bamɛni badubulie likpo linwi basala eli, nsu likyulikpi ku ɔkɔ sɔɔn na badubo bɔnyi bute lɛlɔ. Na bana kɔkwɛ ku kasusu ƒui kadi kalálɛ kɔsia kɔdi, ɔsika lɛla biala na ndubo libalɛ ni, Katɔti ɔ́ɔlɛ-ni ugyii úse.

Daniel 11:40

“Na kawɔlɔkɔ uwi ɔmmɔ lɛlɔ ni, ɔga ɔni nkya kada kakɛ ɔdubɔta na utékpoku ɔga ɔni nkya katɔ kakɛ. Nsu ɔga ɔmmɔ ɔdubɔlɛ ubasiaku-nwu aani ɔƒɛƒɛɛ ku nwuna kekpo kɛɛkɛ pii ku bekpone bapɔnkɔ beliene ku lɛkɔlɔ. Na geen ni, nwuna bekpone badubɔsia kɔlɔ kɔlɔ kemmo bɔlɛ aani kalɛ na ketu keeyi taagba na badi-ma lɛlɔ.

Daniel 12:13

“Anwuɔsu ni, Daniel, siaku ƒula Katɔti kama siin na talɛ-nwu kama uti utédu kawɔlɔkɔ! Adubo bɔnwuna na asɔ ata alɛ kekpine abáƒɔ ƒula lɛyuƒɔla.”

Daniel 12:4

“Na ɔƒaani ni, Daniel, muubo-ɔ ɔda ka abɛla linyesia lɛni na ɔku ɔmɛni ɔdanku uti utédu uwi ɔmɛni kawɔlɔkɔ, ina ka bekyuli pii badubɔsia ulu biala lɛlɔ na kesi kesii banii baawia bati lɛla lɛni nkya ɔku ɔmmɔ kemmo.”

Daniel 2:46

Amu na Ɔga Nebukadnesar úboku lɛlɔ kalɔ na ɔ́kya Daniel lili kalɔ, na úmwi-nwu na údie lɛdi úte nwuna kabla bablane ɔnii beti oloƒui beboku na bakyula, na babla edula ebi etela lɛkpa beti bete Daniel ɔbu.

Daniel 7:16

Anwuɔsu líye bekyuli bani nnye mmɔ akɔ unwi lɛla lɛni mɔɔlɛ́. Mmɔ na údie ala ammɔ kalɔ ku etemila amɛni ɔnini,

Daniel 8:15

Ami Daniel nnye muukpóku lɛlɔ ka linu ala bɔnu bɔmmɔ kalɔ asa na ukyuli ɔdi ɔ́da ɔ́lɛ-mi kamadɔ mmɔ.

Daniel 8:19

Na ɔ́su ɔnini, “Se kɔtu na enu, na ndubɔsu-ɔ lɛla lɛni ndubo libalɛ na kayawi kawɔlɔkɔ kani na Katɔti ɔ́ƒuna úse ka udie nwuna kɔnyi keyi.

Daniel 8:27

Amu na ala amɛni ƒui kama ni, lɛlɔ líse lítu-mi geen na lɛ́bla kpɛtɛ kpɛtɛ ɔni na bɔtɛ kani na mɔɔtɛ na ńsɔ ńtakana mina ɔga ɔmmɔ kabla kadi bɔta bɔbla uwi gyɔlɔɔ ɔdi kemmo. Na ala ani na lɛ́nu mmɔ ékpoku-mi geen, nsu eeebo-mi kalɔ bunu bɔdi nwaa lɛni.

Daniel 9:23

Katɔti uuti-ɔ lɛlɔ kasusu geen, anwuɔsu uwi ɔni kani na ése kalɔ aakpali-nwu kani na ɔ́tala-mi ka libo mbedie ala ammɔ kalɔ lite-ɔ.

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Mateo 17:8

Amu ka bákɔliku anumi katɔ ni, bátanu ukyuli ɔdi ntu Yesu kani.

Budie Taatina 1:17

Ka lɛ́nu-nwu ni, líbuli ńtáyu kalɔ aani ukpine na nwuna anumi. Nsu ukyuli ɔmɛni úti nwuna kɔdianu ɔ́sia-mi lɛlɔ na ɔ́su-mi ɔnini, “Sɔ tayia! Ami ndi Udeedi ku Ukplodi.

Budie Taatina 22:8

Ami Yohane ni, ami ndi ukyuli ɔni nénu na lɛ́nu ala amɛni ƒui. Na uwi ɔni na línu na lɛ́nu-nya ni, lɛ́yu líbi kalɔ na Katɔti ɔtu ɔni nédie ala amɛni ɔ́tina-mi lɛgba akɔ na límwi-nwu aani Katɔti.