Daniel 8:16 - Katɔti Ɔku Kedee

¹⁶ Na lɛdi lɛdi lɛ́si Ulai Ketu kɔtu mmɔ aani ukyuli lɛdi na lɛ́su lɛnini, “Gabriel, bunku-nwu na edie ala bɔnu bɔmmɔ kalɔ atina-nwu.”

Daniel 8:16 ပူးပေါင်းရင်းမြစ်များ

Daniel 10:14

Na ɔƒaani ni, líbo mɛni kalɛ na lɛsɔ mbedie lɛla lɛni ndubo ƒula bekyuli bɔlɛku uwi ɔni ndubo kemmo lɛtina-a.”

Daniel 10:21

Nsu kudeedi ni, ndubo-ɔ bɔsu lɛla lɛni na bénweni bákya Litemi Geen Ɔku ɔmmɔ kemmo. Na litemi lɛmmɔ lɛɛtina ka ukyuli ɔdi uuubo na unye-mi kama si ɔɔɔdi Mikael ɔni ndi Israel kadi ɔtu kani.”

Daniel 7:16

Anwuɔsu líye bekyuli bani nnye mmɔ akɔ unwi lɛla lɛni mɔɔlɛ́. Mmɔ na údie ala ammɔ kalɔ ku etemila amɛni ɔnini,

Daniel 8:2

na ami Daniel nkya Babilon kalɛkɛ kani baalɔ Elam kemmo na bana ɔma unengudi ɔni baalɔ banii Susa kemmo. Na mmɔ kede Ulai Ketu.

Sakaria 1:9

Na Katɔti ɔtu ɔdi unye mmɔ kalɛ na udie ala kalɔ ute-mi. Anwuɔsu líye-nwu nnini, “Ati, ɔma bene ndi bapɔnkɔ beliene bamɛni?” Mmɔ na ɔtu ɔmɛni údie kenye ɔnini, “Ndubo-ɔ bɔsu.”

Sakaria 2:4

na ɔ́su-nwu ɔnini, “Babla na asu ukyuli ɔni nda kabuli kammɔ anii ɔmii ɔdi biala ɔɔɔdubo Yerusalem bɔsia, ɔsika bekyuli ku bebuo badubo bumomo butulo-nwu ɔni na awodu muedi aaadubo bɔdia bɔtu bɔmana-nwu.

Luka 1:19

Amu na ɔtu ɔmɛni údie kenye ɔnini, “Ami ndi Gabriel ɔni muunye Katɔti anumi. Anwu nátala-mi ɔnii mbasu-ɔ kenye kabuni kamɛni.

Luka 1:26

Na Elisabet kaƒɔ bɔda kɔbuli kɔkundi kemmo ni, Katɔti ɔ́tala nwuna ɔtu Gabriel ɔnii usie ɔma ɔni baalɔ Nasaret na Galilea kalɔ lɛlɔ.

Batalane Kabla 10:13

Amu na únu ka lɛdi lɛdi lɛɛsu-nwu lɛnini, “Petro, ta, na adu akun.”

Batalane Kabla 9:7

Amu na bekyuli bani na ama ku Saulo bakɛ mmɔ bágyini. Bénu butemi bɔmɛni, nsu bátanu ukyuli ɔdi.

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Budie Taatina 1:12

Amu ka lɛ́tu línwini nnii mɔɔnu ukyuli ɔni mɔɔtɛmiku-mi ni, lɛ́nu sika ugyiedi ligyii maatɛ lɛni lɛlɔ na asogya ɔɔsia.

Budie Taatina 22:16

“Ami Yesu nátala mina ɔtu lɛ́kya-a nnii ubedie ala amɛni kenye ute awɔ, Yohane, kalɛ na eti asu baƒɔtaadine akpa ammɔ ƒui. Ami ndi Kugyii Ugyiitu ɔmmɔ ɔni ndi Ɔga Dawid kaba kemmo ubi. Ami ndi ɔtanta lɛyabi lɛni muukeye mmɔ.”