Daniel 8:13 - Katɔti Ɔku Kedee

¹³ Amu na Katɔti batu kedee bammɔ akɔ unwi úye nwuna ɔkpana ɔnini, “Limeyi lɛmani na kuƒi kɔdubɔsɔ kɔtɛ na bataabla limeyi ndi limeyi akpala ammɔ? Na kalɛ na kebweyi kamɛni káta kénye ayabi amɛni lɛlɔ kpakplaa na ɔɔda liƒu mɛni ni, uwi ɔmani na kadubɔda-ma lɛlɔ bɔkɔ taanya teesusu-ma lɛgba taakya lɛti akɔ bɔya?”

Daniel 8:13 ပူးပေါင်းရင်းမြစ်များ

Kɔgya 74:10

Katɔti, adubunye ataanu na bula bekisine bataama-a na beteebile-ɔ lɛnyi uwi ƒui?

Kɔgya 74:9

Na bɔsɔ bulánu akɔla ala budie taatina adi, na ƒula kenye bediene badi lɛnɔ basɔ beeebo. Na bula akɔ ɔdi ɔɔɔgyi uwi ɛlɛ ɔni na ɔmɛni ɔdubuse lɛni utédu.

Kɔgya 79:5

O Unwoti, adubuti kɔnyi akya-bu ƒui na ɔ́sa? Na eteekpo-bu lɛlɔ kogyulo lɛni?

Yesaia 28:18

Na lɛla lɛni na bínyimi ku kukpi ku kaƒiɔtɔ mmɔ ƒui ɔbla kekeeke. Na si kawɔlɔkɔ lɛbibo kpakplaa lɛmmɔ lídu ni, lɛdubo-mii bubo bɔva kalɔ.

Yesaia 6:11

Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?” Amu na údie kenye ɔnini, “Úti útédu uwi ɔni na ndubɔya na lɛma linengudi ƒui lɛbwɛ lɛyii udu, na bekyuli basɔ balakya-ni kemmo, na lɛtɔ lɛsɔ linye ukpludi, na kalɔ kemodi kammɔ ƒui kebie.

Yesaia 63:18

Keliekɔ kedee kani na éte-bu ni, uwi klukwii ɔdi kani na búlie mmɔ asa na bekisine bébebile mmɔ báyila-ka udu.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yeremia 12:10

“Mina kalɔ kabuni kammɔ kébie aani kalɛ na baƒonu badane baakpanku bana bebuo na besusu kemo kadi ku kana edula ƒui na asɔ alanu lɛdila lɛdi.

Daniel 11:31

“Na ɔdubo bekpone bɔtala na besie na betébile kakpakɔ kammɔ ekisila ku kagyumanakɔ na bada limeyi ndi limeyi akpala bɔbla baya. Na ɔdubɔya na beti lɛla lɛni na Katɔti uukisi na liisé lɛlɔ bebese mmɔ.

Daniel 12:11

“Na ɔ́si uwi ɔni na badubo bɔda limeyi ndi limeyi akpala bɔbla baya útédu uwi ɔni na badubuti lɛla lɛni na Katɔti uukisi na liisé lɛlɔ bebese mmɔ ni, ɔdubɔbla emeyi apim unwi ku emeyi eti alɔ ku aavlene (1,290).

Daniel 12:8

Línu lɛla lɛni na Katɔti ɔtu ɔmmɔ ɔ́su, nsu ńtenu-ni kalɔ. Anwuɔsu líye-nwu nnini, “Ati dɛ na ala ammɔ adubo bɔlɛ?”

Daniel 4:10

Na mina kɔna bugye kemmo ni, lɛ́nu kugyii kangyaa kɔdi ka kunye kayawi kammɔ ntɛntɛ.

Daniel 4:13

“Na uwi ɔni na ntɛ muugyé kɔna kɔmɛni ni, Katɔti ɔtu kedee ɔdi na lɛ́nu ka ɔ́yu ɔ́si katɔ ɔdubo.

Daniel 4:23

“Na ɔmmɔ kama ánu Katɔti ɔtu kedee ɔdi ka ɔ́yu ɔ́si katɔ úbo na ɔ́su ɔnini, ‘Bɛda kugyii kɔmmɔ bɛva kalɔ na bɛyila-ku udu! Nsu kuna ligyukui ani liteenye na nwuna ligyiitu lɛda kalɔ. Na beti abuala kpakplaa ku abuala egyiedi bebo-nwu lɛkpu na lɛku kemmo alakpi akɔ mmɔ. Na ɔ́sɔ unye mmɔ akwa maatɛ ku alakpi akɔ bebuo bamba na kayaa amii aƒɔ-nwu lɛlɔ ƒui.’

Daniel 7:16

Anwuɔsu líye bekyuli bani nnye mmɔ akɔ unwi lɛla lɛni mɔɔlɛ́. Mmɔ na údie ala ammɔ kalɔ ku etemila amɛni ɔnini,

Daniel 7:23

Mmɔ na ukyuli ɔni nnye mmɔ ɔ́su-mi ɔnini, “Kebweyi kenedi kammɔ ndi lɛga kadikɔ kenedi kani ndubo kalɔ kammɔ lɛlɔ bɔkya na ɔdubo bɔvumana ku lɛga kɔdikɔ kɔni néebo kúbavi ƒui. Anwu ɔdubo busie bɔvi kalɔ kammɔ ƒui lɛlɔ na utu-ka ugyingya kpɛtɛ kpɛtɛ.

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Sakaria 1:19

Na ɔtu ɔni na Katɔti ɔ́tala ka ubedie ala ammɔ kalɔ unye mmɔ. Anwuɔsu líye-nwu nnini, “Ala ani na mɔɔnu mɛni kalɔ ndi bi?” Amu na údie kenye ɔnini, “Ese amɛni enye ete kadi bekyuli bani négyingya Yuda ku Israel ku Yerusalem bekyuli na báya na basɔ beeebo keyi buɛɛ kadi.” Ɔmmɔ kama ni, Unwoti údie ala bakywɛne ine badi ɔ́tina-mi na líye-nwu nnini, “Bi na ama badubo bɔbla?” Údie kenye ɔnini, “Badubo ese ammɔ liƒu bɔkya na bebo-nya babwɛ na bebile bekisine bammɔ ɔyikun ƒui.”

Sakaria 14:5

Na bɛdubukeli bɛsia kɔwɛ kɔmmɔ kemmo útédu Asal. Na bɛdubɔwia kasiakɔ kesii biala aani kalɛ na ɔ́bla uwi ɔni na kalɔ kákunku na Yudaƒuɔ Ɔga Usia uwi. Na ɔmmɔ kama ni, Unwoti Katɔti ɔdubɔda ɔlɛ ku nwuna batu.

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Mateo 24:15

“Na bɛdubɔnu lɛla lɛni na Katɔti uukisi na liisé lɛlɔ ka unye nwuna likpo kedee kalɛ na Katɔti Kenye Udiene Daniel únweni úse. Na amii bani mɔɔká ɔku ɔmmɔ ni, biduo-nwu kemmo kaduɛ na binu-nwu kalɔ.

Marko 13:14

“Na mɛni ni, bise atu kaduɛ na binu kalɔ. Si bɛ́nu ala ani udu na Katɔti ukisi ka álɛ na nwuna kakpakɔ kedee ni, bekyuli bani nkya Yuda bekeli besie batábɛ na abi lɛlɔ.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Luka 21:20

“Si uwi ɔni na bɛ́nu ka bekpone báka bámana Yerusalem ni, bɛdubɔti ka ɔma ɔmmɔ bɔbwɛ uwi údu.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Lɛkpa Ulu 33:2

“Unwoti ɔ́si Sinai kɔbi lɛlɔ. Na nwuna bukeye bɔ́lɛ aani kalɛ na ɔƒɛ ɔ́tu ɔ́si Seir na úkeye ɔ́si Paran Kɔbi uwi nwuna bekyuli. Na ka ɔdubo ni, katɔ batu mpim leevu básiaku-nwu. Na nwuna kɔdianu kɔɔda ani ogya.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Hebriƒuɔ 10:29

Bekyuli bani manu Kristo ubugya aani lɛla lɛni neeese kedee ni, bɔgyi ka Katɔti ɔdubo-ma kɔtu bɔni geen! Ɔsika beedumi Katɔti Kɔyu kɔni mɔɔbla-bu lɛƒɔndia na baanu Katɔti Ubidi aani ɔɔɔdi lɛla lɛdi. Nsu ubugya ɔmmɔ na Katɔti úti ɔ́ƒɔ ekpidi údie-ma lɛlɔ, na ubugya ɔmmɔ kani na úti úse bunyimi bɔmmɔ likpo.

Petro 1 1:12

Katɔti údie ɔ́tina kenye bediene bammɔ ka etemila ani na baasu mɛni aaadi bana uwi lɛlɔ litemi, mmomu ɔdi bina ɔdi. Na ala ani na básu mmɔ ni, abu ndi nwuna batalane na bɔdanku litemi buni lɛmmɔ bɔɔkɔ́ lɛsa teete-mii nwaa. Na bɔɔsu ala amɛni ɔkɛnku Katɔti Kɔyu kɔni na ɔ́tala ɔ́kya-bu ɔyikun kemmo. Na anumi eegyie ayu muedi ka nka beduo ala amɛni kemmo bati.

Yuda 1:14

Bekyuli bamɛni lɛlɔ litemi geen na Henok ɔni ndi kaba maatɛdi ubi ɔ́si Adam lɛlɔ ɔ́su úse ɔnini, “Katɔti ku nwuna batu ƒui bumomo báyu bébo kalɔ lɛlɔ.

Budie Taatina 11:2

Nsu takɔku keyi, ɔsika béti mmɔ béte bekyuli bani naaadi Yudaƒuɔ. Badubo mmɔ ku ɔma ɔmmɔ ƒui lɛgba butu bɔvi abuli aavlene-anyɔ.

Budie Taatina 6:10

Ayu amɛni áva ku lɛdi momoomo anini, “Blɔti, ala ƒui lɛlɔ ɔdine, awɔ nse kedee na ƒula etemila lɛnɔ adi litemi geen. Uwi ɛlɛ sɔɔn na adubunye etédu asa na bekyuli bani nádu-bu na kalɔ kamɛni lɛlɔ ni, atɛku-ma litemi na ani-ma kɔtu?”

Litemi Batɛne 13:18

Na ɔtu ɔmmɔ údie kenye ɔnini, “Bi ɔsu na aawia mina lɛnyi ati? Ɔmmɔ uuubo kalɔ bunu.”