Daniel 8:11 - Katɔti Ɔku Kedee

^11-12 Úwi kayaa bekpone bammɔ anumi kalɔ, na údie ɔbu ƒui na bana ɔtɔnkune ɔgabi ɔmmɔ lɛlɔ, na úwi-nwu anumi kalɔ na uwi ɔni na útile-nwu kuƒi na nwuna limeyi ndi limeyi akpala bɔbla lɛlɔ. Na geen ni, lɛla lɛmɛni kanukɔ kátadia bɔnu munu munu. Na úbile kakpakɔ kammɔ ekisila ƒui, na kásɔ kátamanku ka bataabla lɛkpa geen lɛmmɔ, na ɔ́kɛ kuƒi na ɔ́bla lɛla biala na ɔɔyɔ́ na mmɔ.

Daniel 8:11 ပူးပေါင်းရင်းမြစ်များ

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Yesaia 37:29

Na ka áta ásiaku-mi ku kɔnyi, ku ƒula ukyuli tabu bɔni na línu ku mina atu ɔsu ni, ndubɔkya-a ɔdaliwa enwu, na liti kenye kabuli lɛbala-a kenye, na lɛya na enwini asia ulu ɔni lɛlɔ na ásia ébo.

Yeremia 48:26

Moab kadi bekyuli, bɛɛsu taatina ka bibo ɔyikun bitulo-mi. Nsu ɔƒɛni ni, ndubo kadi bamba bekyuli bɔsu na bete-mii ntɛ na bɛni bikpi. Na bataama-mi si uwi ɔni na ntɛ bɔmmɔ bútulo-mii na biibuli taatɛ amii alati bina kɔdala kemmo.

Yeremia 48:42

Amii ɔdi ɔ́sa aani kadi bekyuli kalɛ, ɔsika bɛ́wia bɛnii bɛɛta binye bɛsiaku-mi ami Unwoti.

Esekiel 46:14

Na ɔdi ka beti ɔlaaƒɔ akɔkɔ leevu bebunku nnɔ ɔsii unwi. Na ɔda bubo bɔmmɔ bulavumana úti úsela uwi ƒui.

Daniel 11:22

Na ɔdubo bekpone lɛlɔ bɔdi na ɔda Katɔti ɔkpane unengudi ɔƒunadi muedi udie nwuna kenyekɔ.

Daniel 11:31

“Na ɔdubo bekpone bɔtala na besie na betébile kakpakɔ kammɔ ekisila ku kagyumanakɔ na bada limeyi ndi limeyi akpala bɔbla baya. Na ɔdubɔya na beti lɛla lɛni na Katɔti uukisi na liisé lɛlɔ bebese mmɔ.

Daniel 12:11

“Na ɔ́si uwi ɔni na badubo bɔda limeyi ndi limeyi akpala bɔbla baya útédu uwi ɔni na badubuti lɛla lɛni na Katɔti uukisi na liisé lɛlɔ bebese mmɔ ni, ɔdubɔbla emeyi apim unwi ku emeyi eti alɔ ku aavlene (1,290).

Daniel 5:23

Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Daniel 8:24

Ɔdubo ɔyikun bɔkɛ geen, nsu ɔɔɔdi anwu ɔlati ɔyikun na ɔdi. Na ɔdubo ala bubile geen. Na ɔdubo batɔnkune bayikune udu bɔyila na kalɔ kammɔ lɛlɔ úbunku Katɔti bekyuli muedi.

Daniel 8:25

Na ɔkɔ ɔni na ɔdubo butaanyi taatɔlɔ bekyuli ɔdubɔya na ɔdi lɛlɔ na ɔƒɔ lɛnyi geen. Ɔdubo bekyuli pii bɔdu kɔnakunwi na ukpoku Katɔti kayawi ƒui lɛlɔ ɔdine utulone ƒui. Nsu Katɔti ɔdubo-nwu lɛlɔ bɔdi na ususu-nwu ɔbla kpɛtɛ kpɛtɛ.

Daniel 9:25

“Na ɔlɛka anu ati ka uwi ɔni na bébo ɔda ka basɔku Yerusalem batu úti útédu uwi ɔni na Ukyuli Ɔƒunadi ɔmmɔ webo ni, ɔdubɔbla akwa maatɛ ku liti ku leevu-inyɔ akpa maatɛ. Badubo lɛblɔnu budie bɔvinku Yerusalem ɔma ɔmmɔ kemmo, na babla kenyekɔ kani na benye bagyumana ɔma ɔmmɔ bamana-nwu, nsu uwi ɔmmɔ ɔdubɔbla uwi kpakplaa geen.

Bumomo Bɔka 28:3

“Na akpala amɛni na ɔlɛka biteeti taabla limeyi ndi limeyi akpala teete ami Unwoti. Bɛwia baƒonu bagyani inyɔ bani náakɛ lɛkwa linwi limeyi ndi limeyi na bɔsɔ bɔdi buuubo-ma lɛlɔ.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Tesalonikaƒuɔ 2 2:4

Na ɔdubɔta unye utile kɔyu ɔyikun biala ulu na ɔtina ka anwu lɛti ndi ayu ƒui utulone. Na ɔdubo bɔta muedi butélie Katɔti kakpakɔ na ɔbla lɛlɔ aani anwu ndi Katɔti ɔmmɔ.

Hebriƒuɔ 2:10

Ɔdi lɛla lɛni na Katɔti ɔni nédie ala ƒui na ɔɔnu-nya lɛlɔ ɔ́nu ka lɛdia ka ukyuli ɔni mɔɔtɔnku bekyuli pii teeduoku bukeye kemmo ni, ɔka abi bubo kalɛ na ɔwɔlɔ nwuna kabla na ɔƒɔ-ma.

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”