Daniel 7:28 - Katɔti Ɔku Kedee

²⁸ Ala ani na lɛ́nu na línu lɛnɔ kawɔlɔkɔ mɛni. Na ɔ́bla-mi dɛye dɛye ku liƒu, na ɔkya-mi kasusu kemmo kpoo.

Daniel 7:28 ပူးပေါင်းရင်းမြစ်များ

Ala Kalɔ Buse 37:10

Ka útásu ɔti lɛnɔ kɔna kɔni na úgye na nwuna banwani anumi ni, ɔti ɔ́dɔnku-nwu na ɔ́su-nwu ɔnini, “Bi kɔna na égye mɛni. Litemi geen na lɛdi mɛni ka ƒ'ini ku ƒula banwani ku ami ɔlati bɔdubo lili kalɔ bɔkya bute-ɔ?”

Ala Kalɔ Buse 37:11

Ɔmmɔ ɔsu nwuna lɛlɔ líbo liigyie nwuna banwani anumi, nsu ɔti úti litemi lɛmɛni ɔ́kya kasusu kemmo.

Daniel 10:16

Ɔmmɔ kama údie lɛlɔ nwaa aani ukyuli ɔyawine na útuku-mi enyekuli. Mmɔ na lɛ́su-nwu nnini, “Ati, ƒula ala budie taatina bɔmɛni bɔ́ya na muunú ɔlɛ geen, na mina kayi kemmo na ɔyikun biala ɔsɔ uuubo-mi lɛlɔ kemmo lɛnɔ.

Daniel 10:8

Na ami lɛti kani nánu budie taatina bɔmɛni. Na lɛ́bla kpɛtɛ kpɛtɛ, na mina anumi ábla ƒuƒuu.

Daniel 11:27

“Baga inyɔ bamɛni badubulie likpo linwi basala eli, nsu likyulikpi ku ɔkɔ sɔɔn na badubo bɔnyi bute lɛlɔ. Na bana kɔkwɛ ku kasusu ƒui kadi kalálɛ kɔsia kɔdi, ɔsika lɛla biala na ndubo libalɛ ni, Katɔti ɔ́ɔlɛ-ni ugyii úse.

Daniel 12:13

“Anwuɔsu ni, Daniel, siaku ƒula Katɔti kama siin na talɛ-nwu kama uti utédu kawɔlɔkɔ! Adubo bɔnwuna na asɔ ata alɛ kekpine abáƒɔ ƒula lɛyuƒɔla.”

Daniel 12:9

Mmɔ na údie kenye ɔnini, “Daniel, sie anumi na enye ataabla ƒula kabla, ɔsika linyesia lɛmɛni kalɔ bunu bɔdubɔbla lɛbɛla uti utédu uwi ɔmmɔ kawɔlɔkɔ.

Daniel 4:16

Na ete-nwu alakpi akɔ bebuo kasusu na ɔkya udu ɔmmɔ kemmo akwa maatɛ.

Daniel 4:19

Amu na uwi klukui ɔdi kemmo ni, Daniel kasusu kéƒu-nwu na kayi lɛnɔ kákpulu-nwu na kasusu kani na ɔɔbla taasiku kɔna kɔmɛni lɛlɔ ɔsu. Nsu Ɔga ɔ́su-nwu ɔnini, “Beltesasar kasusu ketekpoku-ɔ, na kayi lɛnɔ katakpulu-ɔ na kɔna kɔmɛni ɔsu, iye lɛla lɛni na kuna kalɔ budie bɔdanku lɛlɔ.” Mmɔ na Daniel údie kenye ɔnini, “Ɔga Ɔbune, si nka ƒula bekisine lɛlɔ na égye kɔna kɔmɛni udu ni, nka kaƒɔ kadubɔyɔ-mi!

Daniel 5:6

Ɔga ɔmɛni ɔ́yia geen na nwuna anumi ávumana ábla aani ɔlɛne kukuuku ɔdi, na akɔnkɔ aatɔ́-nwu, na nwuna lɛgba ƒui lɛ́bla kpɛtɛ kpɛtɛ.

Daniel 7:15

Ala amɛni bɔnu bɔ́ya na liƒu lɛ́da ami Daniel geen, na nsɔ lɛɛɛgyi lɛla lɛni na mina kasusu kaatina-mi.

Daniel 8:1

Uwi ɔni na Ɔga Belsasar ɔɔdi lɛga na Babilon kalɔ lɛlɔ lɛkwa lɛtɛdi kemmo ni,

Daniel 8:17

Amu na Gabriel ɔ́ni úde-mi na lɛ́yu líbi kalɔ ku bɔyia geen. Na ɔ́su-mi ɔnini, “Ukyuli ɔyawine adi, nsu ɔdi ka enu ala bɔnu bɔmɛni kalɔ ka adanku kayawi kawɔlɔkɔ kammɔ.”

Daniel 8:19

Na ɔ́su ɔnini, “Se kɔtu na enu, na ndubɔsu-ɔ lɛla lɛni ndubo libalɛ na kayawi kawɔlɔkɔ kani na Katɔti ɔ́ƒuna úse ka udie nwuna kɔnyi keyi.

Daniel 8:27

Amu na ala amɛni ƒui kama ni, lɛlɔ líse lítu-mi geen na lɛ́bla kpɛtɛ kpɛtɛ ɔni na bɔtɛ kani na mɔɔtɛ na ńsɔ ńtakana mina ɔga ɔmmɔ kabla kadi bɔta bɔbla uwi gyɔlɔɔ ɔdi kemmo. Na ala ani na lɛ́nu mmɔ ékpoku-mi geen, nsu eeebo-mi kalɔ bunu bɔdi nwaa lɛni.

Marko 9:15

Ka bekyuli bammɔ ƒui bánu ka Yesu ɔdubo ni, ɔ́bla-ma yaa, na békeli bátasiaku-nwu na bakya-nwu kenye.

Luka 2:19

Nsu Maria únyimo ala amɛni ƒui, na úti-nya lɛlɔ kasusu úsie ɔgyu.

Luka 2:51

Amu na Yesu ɔ́siaku-ma na bátɔlɔ bésie Nasaret, na úboku lɛlɔ kalɔ úte-ma. Na ala amɛni ƒui éduo uni kasusu kemmo úsie ɔgyu.

Luka 9:44

“Bitayiƒala lɛla lɛni na líse kalɔ ndaku-mii bɔsu! Badubo Ukyuli Ɔyawine Ubi buti bɔkya bekyuli enu kemmo.”