Daniel 7:27 - Katɔti Ɔku Kedee

²⁷ Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Daniel 7:27 ပူးပေါင်းရင်းမြစ်များ

Kɔgya 145:13

Na ƒula lɛga kadikɔ kammɔ keeebo kawɔlɔkɔ na awɔ kani ndubɔdi lɛga buteesie uwi ƒui. Unwoti ɔɔdi nwuna linyese lɛlɔ na ubo lɛƒɔndia na nwuna ablala ƒui kemmo.

Kɔgya 22:27

Kayawi kadi bekyuli ƒui badubo bunyimo na benwini batásiaku Unwoti. Na kayawi bekyuli ƒui badubo-nwu bɔkpa.

Kɔgya 72:11

Na baga ƒui bakya lili kalɔ bete-nwu. Na kadi ƒui babla-nwu kabla.

Kɔgya 86:9

Kadi bekyuli bani ƒui na édie badubo babalɛ akɔnkɔ kalɔ bakpa-a batina kalɛ na eekeye.

Yesaia 14:2

Na kadi bamba bekyuli ndubo-ma butiku na beti-ma besienku bana kalɔ lɛlɔ. Na Israelƒuɔ beti-ma benwini bana banana ku beleku kabla bablane na Unwoti kalɔ kammɔ lɛlɔ. Na kadi bani néƒie-ma bátɔlɔku na bénye-ma lɛlɔ na baabla bana kabla ni, Israelƒuɔ mmomu badubo bunwini bunye-ma lɛlɔ na bataabla-ma kabla.

Yesaia 54:3

Amii ku bina bawɔ ndubɔƒɔ kadi bamba bekyuli bammɔ kɔlɔ, na kunwini bina kɔdi. Na bana lɛma lɛni nábwɛ mmɔ linwini bina kuliekɔ.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Daniel 4:34

Na uwi ɔni bése kawɔlɔkɔ ni, lɛ́kpali Katɔti lívele-nwu na mina kasusu kásɔ kénwini kébo-mi na ɔ́bla-mi nwaa. Mmɔ na lɛ́su nnini, “Muumwi Katɔti Ɔni Ntulo Ƒui, na mɔɔbu-nwu. Anwu nli ngba uwi ƒui.” Nwuna lɛga kadikɔ kese késela uwi ƒui. Na kadubuse ɔ́si kaba úsie kaba.

Daniel 6:26

“Muute amii bani nkya mina lɛga kadikɔ kemmo bɔti ka ɔdi biala utaakya lili kalɔ teete Daniel Katɔti, na uteeti ɔbu teete-nwu. “Ɔsika anwu ndi Katɔti ɔni nli ngba na nwuna uwi use úsela ƒui na nwuna lɛga kadikɔ kalayii udu na kalɛ na ɔɔdi ala ƒui lɛlɔ ku ɔyiku ɔɔɔdubo bɔsa kudii.

Daniel 7:14

Na bébi-nwu kagabwa bése-nwu lɛga, na béte-nwu ɔyikun na uukeye. Na bani nási kadi ƒui akɔ ku adi ƒui batɛmine na kalɔ biala lɛlɔ bákya-nwu lili kalɔ. Ɔdubo lɛga bɔdi uwi ƒui, na nwuna lɛga kadikɔ kalása kudii, na ɔdi lɛnɔ ulakana-ka lɛlɔ bɔdi.

Daniel 7:18

Nsu Katɔti ɔni ntulo ƒui ɔdubo nwuna lɛga kadikɔ buti bute bekyuli bani na ɔ́ƒuna na kenwini ama kadi úsela uwi ƒui.”

Daniel 7:22

Amu na Unwoti ɔni ntulo ƒui na ɔdi Katɔti ɔni nli uwi ƒui mɛni úbo na úbatɛ litemi na úte nwuna bekyuli baƒunadi bamɛni ubo, ɔsika uwi ɔni na beti lɛga kadikɔ kammɔ bete-ma údu.

Obadia 1:21

Na bani Unwoti ɔ́ƒɔ mmɔ badubɔkya Sion Kɔbi lɛlɔ na badi Edom lɛlɔ. Na lɛga kadikɔ kammɔ ƒui kenwini Unwoti kadi.

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Luka 1:33

Na ɔdubo lɛga bɔdi na Yakob kaba kemmo uwi ƒui. Na nwuna lɛga kadikɔ kalása kudii.”

Yohane 12:34

Amu na bekyuli lisu lɛmmɔ básu banini, “Na Bunweni Kedee Ɔku kemmo ni, básu ka Ukyuli Ɔƒunadi ɔmmɔ ɔdubɔsɔ ɔkya ngba uwi ƒui. Na dɛ na ɔ́bla na aasu ka bekyuli badubɔkɔliku Ukyuli Ɔyawine Ubi ɔmmɔ katɔ lɛni? Ɔma ndi Ukyuli Ɔyawine Ubi ɔmmɔ?”

Korintoƒuɔ 1 15:24

Ɔmmɔ kama ni, kawɔlɔkɔ kammɔ kadububo. Na Kristo ɔdubɔyila bayikune ku kenyekɔ ku ɔyikun ƒui udu. Na Kristo ɔdubuti lɛga kadikɔ kammɔ ɔkya Katɔti ɔni ndi Ɔti enu kemmo.

Budie Taatina 11:1

Ɔmmɔ kama ni, Katɔti úti ugyii ɔdi úte-mi ɔni nse aani lɛkɔkula. Na ɔ́su-mi ɔnini, “Sie na atákɔku mina kakpakɔ ku lɛbi lɛni lɛlɔ na baakpá na katɔ mmɔ, na aka bekyuli bani ƒui nkya mmɔ beemwi-mi.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”

Budie Taatina 19:16

Na bénweni lɛnyi lɛdi básia nwuna awu lɛlɔ ku nwuna libuili kakɛ banii BAGA ƑUI ƆGA KU BATI ƑUI ƆTI

Budie Taatina 20:4

Na ɔmɛni kama ni, lɛ́nu agaboku adi. Na bekyuli bani na Katɔti úte ɔyikun ka batɛku bekyuli litemi ni, belie-nya lɛlɔ. Na lɛ́nu bekyuli babambadi ayu. Ama ndi bani nédie Blɔti Yesu kenye na básu Katɔti litemi. Anwuɔsu kayawi bekyuli békulo-ma eli. Ama ndi bani nétemwi eƒiebuo ɔmmɔ iye eƒiebuo ɔmmɔ baƒiɔ bani bése béte lɛlɔ ka bataakpa. Na bátasia-ma nwuna likpose lɛdi na bana atɛntɛ iye enu lɛlɔ. Bekyuli bamɛni básɔ báta bébelie ngba na bádiku Kristo lɛga akwa apim unwi.

Budie Taatina 22:5

Lɛdisa lɛsɔ lilakya mmɔ. Na baláwia bukeye bɔdi taasiku asogya iye ɔƒɛ kudɔ, ɔsika Unwoti Katɔti ɔlati ndi bana bukeye na badubɔdi lɛga usela uwi ƒui.