Daniel 7:18 - Katɔti Ɔku Kedee

¹⁸ Nsu Katɔti ɔni ntulo ƒui ɔdubo nwuna lɛga kadikɔ buti bute bekyuli bani na ɔ́ƒuna na kenwini ama kadi úsela uwi ƒui.”

Daniel 7:18 ပူးပေါင်းရင်းမြစ်များ

Kɔgya 45:16

O Ɔga, ƒula bebi bananabi ndubunye ƒula bati kuuku kenyekɔ. Na adubɔbla-ma baga na kɔlɔ bamba ƒui lɛlɔ.

Kɔgya 49:14

Bese aani baƒonu bani na kukpi ndanku-ma utádu ɔkya kaƒiɔtɔ kemmo. Na benwini adila bete-nwu. Na bekyuli bani nse siin badubo busie bɔvi-ma lɛlɔ. Na bana bɔdia bɔyii udu na kaƒiɔtɔ kemmo na bana kɔduli bonwu bonwu kɔmmɔ kɔsɔ kuwi ukpludi.

Yesaia 14:2

Na kadi bamba bekyuli ndubo-ma butiku na beti-ma besienku bana kalɔ lɛlɔ. Na Israelƒuɔ beti-ma benwini bana banana ku beleku kabla bablane na Unwoti kalɔ kammɔ lɛlɔ. Na kadi bani néƒie-ma bátɔlɔku na bénye-ma lɛlɔ na baabla bana kabla ni, Israelƒuɔ mmomu badubo bunwini bunye-ma lɛlɔ na bataabla-ma kabla.

Daniel 7:14

Na bébi-nwu kagabwa bése-nwu lɛga, na béte-nwu ɔyikun na uukeye. Na bani nási kadi ƒui akɔ ku adi ƒui batɛmine na kalɔ biala lɛlɔ bákya-nwu lili kalɔ. Ɔdubo lɛga bɔdi uwi ƒui, na nwuna lɛga kadikɔ kalása kudii, na ɔdi lɛnɔ ulakana-ka lɛlɔ bɔdi.

Daniel 7:17

“Bebweyi ine bani na ánu ni, ama ndi lɛga kɔdikɔ ine kɔni nkya kalɔ lɛlɔ.

Daniel 7:22

Amu na Unwoti ɔni ntulo ƒui na ɔdi Katɔti ɔni nli uwi ƒui mɛni úbo na úbatɛ litemi na úte nwuna bekyuli baƒunadi bamɛni ubo, ɔsika uwi ɔni na beti lɛga kadikɔ kammɔ bete-ma údu.

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Daniel 7:27

Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Obadia 1:17

Na Unwoti bekyuli bani ndubɔlɛ ɔgbankpi ɔmmɔ kemmo badubulie Sion Kɔbi kedee lɛlɔ. Na Yakob kaba kemmo bebi bammɔ badubɔsɔ baƒɔ bana kalɔ kani na nka kadi bana ɔdi mmɔ basiku bekyuli bani néƒie-ka báƒɔ mmɔ kudɔ.

Luka 1:33

Na ɔdubo lɛga bɔdi na Yakob kaba kemmo uwi ƒui. Na nwuna lɛga kadikɔ kalása kudii.”

Korintoƒuɔ 1 6:2

Bɛgyi ka Katɔti bekyuli ndubɔtɛku kayawi bekyuli litemi. Na si bɛgyi ka amii ndubɔtɛku kayawi bekyuli litemi ni, ɔdi ka bɛkana na bɛtɛ etemila wɛlɛ wɛlɛ.

Eƒesoƒuɔ 1:3

Bɔɔgyá Katɔti ɔni ndi Blɔti Yesu Kristo Ɔti enu. Anwu muute-bu kɔyu kemmo kusɛ kusɛ ƒui ɔ́siku katɔ mmɔ ɔkɛnku Kristo lɛlɔ.

Eƒesoƒuɔ 6:12

Ɔsika ɔɔɔdi abu ku bekyuli muukpó. Mmomu abu ku bayikune ku kenyekɔ biala ku kayawi kamɛni lɛdisa ku kayaa bayikune bekpidi ƒui muukpó.

Budie Taatina 20:4

Na ɔmɛni kama ni, lɛ́nu agaboku adi. Na bekyuli bani na Katɔti úte ɔyikun ka batɛku bekyuli litemi ni, belie-nya lɛlɔ. Na lɛ́nu bekyuli babambadi ayu. Ama ndi bani nédie Blɔti Yesu kenye na básu Katɔti litemi. Anwuɔsu kayawi bekyuli békulo-ma eli. Ama ndi bani nétemwi eƒiebuo ɔmmɔ iye eƒiebuo ɔmmɔ baƒiɔ bani bése béte lɛlɔ ka bataakpa. Na bátasia-ma nwuna likpose lɛdi na bana atɛntɛ iye enu lɛlɔ. Bekyuli bamɛni básɔ báta bébelie ngba na bádiku Kristo lɛga akwa apim unwi.

Budie Taatina 22:5

Lɛdisa lɛsɔ lilakya mmɔ. Na baláwia bukeye bɔdi taasiku asogya iye ɔƒɛ kudɔ, ɔsika Unwoti Katɔti ɔlati ndi bana bukeye na badubɔdi lɛga usela uwi ƒui.

Budie Taatina 3:21

“Anwu ɔni madi ekpidi lɛlɔ ni, ndubute-nwu kuƒi na ulie-mi kudɔ na lɛgaboku lɛlɔ aani kalɛ na lɛ́di lɛlɔ na nli mina Ɔti kudɔ na lɛgaboku lɛlɔ.

Budie Taatina 5:10

Awɔ nábla-ma bénwini baga ku bakpane bani mɔɔkpanku bekyuli teeboku bula Katɔti. Na badubɔdi lɛga na kalɔ lɛlɔ.”