Daniel 7:13 - Katɔti Ɔku Kedee

¹³ Ntɛ mɔɔnu ala ani ƒui mɔɔlɛ́ usien ɔmmɔ, na lɛ́nu ukyuli ɔdi ɔni nse aani ɔyawine ubi na ɔ́si ɔdubo na ulɔyɔ kemmo na kayaa. Na bébeti-nwu bétényene Katɔti ɔni nli uwi ƒui anumi.

Daniel 7:13 ပူးပေါင်းရင်းမြစ်များ

Kɔgya 110:2

Unwoti ɔdubɔya na adi lɛga asi Sion avia ƒula bekisine kalɔ lɛlɔ muedi.

Kɔgya 2:8

Awɔ, vele-mi na ndubuti kayawi kadi bekyuli ƒui lite-ɔ na eti kayawi ƒui abla ƒula kadikɔ.

Kɔgya 47:5

Katɔti ɔ́kɔ úsie uli nwuna lɛgaboku lɛlɔ na katɔ na lɛlɔyɔ kɔvanu kɔda momoomo. Na kɔkpɛɛ lɛnɔ kɔda ka ɔ́kɔ úsela katɔ.

Yeremia 49:19

“Ndubo awɔ Edom bukpoku aani kalɛ na gyata ɔɔsí lɛku kemmo teebekpoku baƒonu bani nnye kadikɔ na Yordan kɔtu. Na ulaƒɔ uwi ɔdi asa na baƒonu bammɔ beekeli taatɔlɔ na bada kalɔ kammɔ bese ukpludi. Ɔma na ndubo bɔƒuna na ukpoku-ɔ? Ami ɔlati ndubo-ɔ bukpoku! Ɔsika ɔdi ulakana-mi bunye bɔsiaku na kekpokɔ iye ɔbɔku-mi na likeli lɛtɔlɔ.

Esekiel 1:26

Na ɔmmɔ kama lɛ́nu lɛla lɛdi aani lɛgaboku lɛni nse aani liseebi buni lɛni náƒɔ kuye na liikeye aani ɛpu ntu na baalɔ-ni Saƒira, na lɛ́nu aani si ukyuli na ɔdi nli-ni lɛlɔ.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Daniel 7:12

Na bebweyi ɛtɛ bakladi ama ni, béƒie bana kenyekɔ ɔyikun ɔni na nka béte-ma mmɔ báƒɔ, nsu béte kuƒi ka basɔ belie uwi klukui ɔdi bebu.

Daniel 7:22

Amu na Unwoti ɔni ntulo ƒui na ɔdi Katɔti ɔni nli uwi ƒui mɛni úbo na úbatɛ litemi na úte nwuna bekyuli baƒunadi bamɛni ubo, ɔsika uwi ɔni na beti lɛga kadikɔ kammɔ bete-ma údu.

Daniel 7:9

Nnye mɔɔnu, na bése agaboku adi. Na Katɔti ɔni nli uwi ƒui úsie útélie kalɔ. Na nwuna adala áƒuala ƒututuu aani etubankɛ. Na nwuna lili linwini lise ƒuala ƒuala aani unwo. Na nwuna lɛgaboku lɛmmɔ lɛɛbwɛ ogya. Na lɛgba lɛni nkya liboku lɛmmɔ kalɔ, liidie ogya unyemi.

Daniel 8:15

Ami Daniel nnye muukpóku lɛlɔ ka linu ala bɔnu bɔmmɔ kalɔ asa na ukyuli ɔdi ɔ́da ɔ́lɛ-mi kamadɔ mmɔ.

Mateo 13:41

Ami, Ukyuli Ɔyawine Ubi, ndubɔtala mina batu na babɔku ala ani mɔɔyá na baabla ekpidi ku ekpidi bablane ƒui bedie Katɔti lɛga kadikɔ.

Mateo 24:30

“Ala adi adubɔlɛ na kayaa ani mɔɔtina ka Ukyuli Ɔyawine Ubi ɔdubo. Na kayawi bekyuli ƒui badubuwulo na bana ekpidi ɔsu uwi ɔni na badubɔnu ka Ukyuli Ɔyawine Ubi ɔkɛ ulɔyɔ kemmo ɔ́yu ɔ́si kayaa ɔdubo na bukeye bonwu ku ɔyikun kemmo.

Mateo 25:31

“Uwi ɔni na Ukyuli Ɔyawine Ubi ɔmmɔ ɔdububo na nwuna lɛga bɔdi kemmo ni, Katɔti batu ƒui badubɔka bamana-nwu. Na ɔdubo ubelie nwuna lɛgaboku lɛlɔ.

Mateo 26:64

Amu na Yesu údie kenye ɔnini, “Ɛɛn. Awɔ násu, na use lɛni sɔsɔ. Na mɔɔsu-mii nnii uwi klukui kemmo ni, bɛdubɔnu Ukyuli Ɔyawine Ubi ɔmmɔ ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Mateo 28:18

Amu na Yesu ɔ́kpɛ úde-ma na ɔ́su-ma ɔnini, “Katɔti úti katɔ ku kalɔ ɔyikun ƒui úte-mi.

Mateo 8:20

Amu na Yesu ɔ́su-nwu ɔnini, “Beƒiebuo bebo libu lɛni kemmo na baatɛ, na baasɛ bebo ayu. Nsu Ukyuli Ɔyawine Ubi ni, anwu uuubo katɛnkɔ muedi.”

Marko 13:26

“Amu na bekyuli badubɔnu ami, ɔni ndi Ukyuli Ɔyawine Ubi, ka ndubɔda lɛlɛ kayaa na kemmo. Na ndububo ku Katɔti ɔyikun ku bukeye bonwu.

Luka 21:27

Ɔmmɔ kama ni, ami Ukyuli Ɔyawine Ubi ndubɔda lɛlɛ kayaa na kemmo na mina ɔyikun bonwu ku bukeye kemmo.

Luka 21:36

Anwuɔsu binye kagyumana na bitaakpali katɔ uwi biala kalɛ na bɛkɛ ɔyikun na bɛlɛ sɛɛn na ala ani ƒui ndubɔlɛ mɛni kemmo ku kalɛ na bɛkana ami, Ukyuli Ɔyawine Ubi, litemi bɔtɛ kenye bunye.”

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.

Yohane 12:34

Amu na bekyuli lisu lɛmmɔ básu banini, “Na Bunweni Kedee Ɔku kemmo ni, básu ka Ukyuli Ɔƒunadi ɔmmɔ ɔdubɔsɔ ɔkya ngba uwi ƒui. Na dɛ na ɔ́bla na aasu ka bekyuli badubɔkɔliku Ukyuli Ɔyawine Ubi ɔmmɔ katɔ lɛni? Ɔma ndi Ukyuli Ɔyawine Ubi ɔmmɔ?”

Yohane 3:13

Ukyuli ɔdi útesie katɔ utatáwia ala amɛni udu ntu ami Ukyuli Ɔyawine Ubi kani. Na ami kani nási katɔ líbo kayawi kamɛni lɛlɔ.

Yohane 5:27

Na úte-mi ɔyikun ɔni na lɛtɛku kayawi ƒui litemi, ɔsika ami ndi Ukyuli Ɔyawine Ubi.

Batalane Kabla 7:56

Amu na ɔ́su-ma ɔnini, “Bɛnu! Mɔɔnu ka katɔ kébimi na Ukyuli Ɔyawine Ubi unye Katɔti kɔdianu!”

Tesalonikaƒuɔ 1 4:17

Ɔmɛni kama ni, Katɔti ɔdubutiku abu bani nébu buli ngba na uti-bu utásalaku bekyuli bani náta na butásiaku Blɔti na kayaa. Na bɔdubulieku Blɔti uwi ƒui.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Hebriƒuɔ 2:14

Ka bekyuli bamɛni badi ɔlɔna ku ubugya ɔsu ni, anwu lɛnɔ úti ukyuli udu kalɛ na ɔkɛnku nwuna kukpi lɛlɔ ni, na wadi ukyuli ɔni nda kukpi ɔyikun lɛlɔ. Na ukyuli ɔmɛni ndi ukisine ɔmmɔ.

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.

Budie Taatina 1:13

Na ligyii lɛmmɔ akɔ ni, lɛla lɛdi linye aani ukyuli kalɛ. Na ɔkya awu gyɔlɔɔ ɔni néne útédu-nwu kanintɔ. Na sika ugyiedi kabuli káda kámana-nwu kayi.

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.

Budie Taatina 14:14

Ɔmmɔ kama ni, lɛ́nu ƒututuu ɔdi. Na lɛ́nu ka ukyuli ɔni nálɛ Ukyuli Ɔyawine Ubi ulie ɔmmɔ lɛlɔ, na sika ugyiedi kagabwa kebi-nwu lili. Na ɔda lɛsaka.