Daniel 6:8 - Katɔti Ɔku Kedee

⁸ Die lɛdi na benweni ɔmɛni, na akya ƒula kɔnu bunweni bɔmmɔ kalɔ kalɛ na balakana ɔmɛni bɔvumana kudii aani kalɛ kani na balavumana Mediaƒuɔ iye Persiaƒuɔ ɔda bubo bɔdi kalɛ.”

Daniel 6:8 ပူးပေါင်းရင်းမြစ်များ

Ester 1:19

“Anwuɔsu si ami ku-mii kasusu kadubɔbla unwi ni, na ɔga ɔya na bunyimi ɔda bubo kpakplaa bɔdi, na basɔ balavumana-mu lɛnɔ kudii. Na bakɔ-mu lɛsa bete kadi ƒui banii Beleku Ɔga Wasti ɔsɔ uuubo kuƒi na ɔsɔ ɔda ɔlɛ bula ɔga anumi kudii lɛnɔ ɔ́si ɔmwi limeyi lɛmɛni lɛlɔ. Na ɔga ɔƒɔ-nwu kenyekɔ kammɔ ute uleku bamba ɔni na ɔdia utulo-nwu ƒui.

Ester 3:12

Na bana kɔbuli kudeedi kɔni ndi Nisan limeyi leevu-lɛtɛdi lɛlɔ ni, Haman ɔ́lɔ ɔga lɛku benwenine ƒui, na úbo-ma ɔda ɔnii benweni lɛku na kɔlɛkɛ kɔmmɔ ƒui adi butemi ku bunweni kemmo. Anwuɔsu bénweni-ni na ɔga lɛnyi kemmo na bétu-ni kɔnu bɔsia likpose kakwɛnimi na béti bémene kɔlɛkɛ kɔmmɔ lɛlɔ badine ku aban bagadine benengu ƒui na Ahasweros lɛga kadikɔ ƒui.

Ester 8:10

Mordekai ɔ́ya na bénweni lɛku lɛmmɔ na Ɔga Ahasweros lɛnyi kemmo, na bétu ɔku ɔmmɔ ku nwuna kakwɛnimi. Na batu bani ngyi kalɛ na beelie bapɔnkɔ bani na bátumini béte ɔga, na beekeli usi momoomo geen na ɔ́ya na béti lɛku lɛmmɔ bésienku kɔlɛkɛ kɔmmɔ ƒui.

Ester 8:3

Ester ɔ́sɔ úsie Ɔga Ahasweros kudɔ na ɔmmɔ kama, na útayu úwi-nwu lɛgba kalɔ ku keku na úvele-nwu ɔnini, “Buvele geen na nda-a mɔɔyɔ́ ka abla lɛla lɛdi asiku Haman, Ɔga Agag kaba kemmo ubi, ɔmmɔ kasusu kekpidi kani na úboku na Yudaƒuɔ kadi bekyuli lɛlɔ mmɔ lɛlɔ.”

Ester 8:8

Anwuɔsu nweni lɛla lɛni na ánu ka lɛ́manku Yudaƒuɔ na etu ɔku ɔmmɔ kɔnu ku mina kakwɛnimi kani mɔɔtina ka ami ɔga nákya ɔku ɔmmɔ kɔnu. Na ukyuli biala ulakana lɛla lɛni na nkya ɔku ɔmmɔ kemmo bɔvumana.”

Kɔgya 94:21

Na baasa lili na bekyuli bani nse siin lɛlɔ. Na bani na bátaƒiɔ muedi ni, baadú-ma kɔtɔ ka badu-ma.

Yesaia 10:1

Bɔbuɛ beete bekyuli, ama bani muunyimi ɔda bubo bukpidi kalɛ na bataanya bekyuli taakya.

Daniel 6:12

Anwuɔsu bénwini bésie ɔga kudɔ na bátásu-nwu banini, “Ɔɔɔdi bubo na ébo-bu ɔda anii ukyuli biala uuubo kuƒi ka ɔkya lili kalɔ ute baƒiɔ iye lɛla bamba lɛdi utulo awɔ kani na emeyi avlaatɛ ani ndubo mɛni kemmo? Na ɔɔɔdi bɔsu na ɔda bubo bɔmmɔ bɔ́su bɔ́tina ka ukyuli biala ɔni náta únye ɔmɛni lɛlɔ ni, ɔlɛka bebo-nwu bakya bagyata ubu kemmo?” Amu na ɔga ɔmmɔ údie kenye ɔnii “Lɛni na use pɛpɛɛpɛ na balakana-mu bɔvumana aani kalɛ kani na balavumana Mediaƒuɔ iye Persiaƒuɔ ɔda bubo bɔdi kalɛ.”

Daniel 6:15

Amu na ɔni na ɔƒɛ úsela bɔnu ni, bekyuli bammɔ básɔ bébo ɔga ɔmmɔ kudɔ na básu-nwu banini, “Ɔga Ɔbune, tayiƒala ka ɔda bubo bɔdi buuubo na bénweni bése na Media ku Persia kalɔ lɛlɔ, na bakana-mu bɔvumana kudii. Na ɔga muedi ulakana na wabla ɔmɛni.”

Mateo 24:35

Katɔ ku kalɔ kadubɔvi, nsu mina etemila anya aaadubo bɔvi kudii.