Daniel 6:4 - Katɔti Ɔku Kedee

⁴ Amu na bekyuli bakladi bammɔ ƒui báwia ulu ɔni lɛlɔ na bedie Daniel bɔƒiɔ na nwuna kabla bɔbla kemmo, nsu bátakana, ɔsika Daniel ɔɔsu litemi geen na ulalɛ ɔga ɔmmɔ kama taabla lɛla bamba lɛdi.

Daniel 6:4 ပူးပေါင်းရင်းမြစ်များ

Ala Kalɔ Buse 41:38

Anwuɔsu Ƒarao úye benengu bammɔ ɔnini, “Wɛ na bɔdubɔkɛ ukyuli bamba ɔdi aani Yoseƒ ɔmɛni kalɛ ɔni na Unwoti Katɔti Kɔyu kɔ́ƒɔ-nwu lɛlɔ kemmo lɛni?”

Ala Kalɔ Buse 43:18

Amu uwi ɔni na bákpanku-ma béselaku Yoseƒ kaduli ni, liƒu bonwu lɛdi lɛ́da Yoseƒ banwani bamɛni. Na ɔdi biala ɔ́kali ɔnii, “Sika ɔƒualadi ɔni na básɔku bákya bula aƒo kemmo ɔni na búbo búbavi ɔsu na béti-bu béboku mɛni. Na ɔɔyɔ́ ka úkpoku-bu na ɔdi-bu lɛlɔ na uƒie-bu unwini nwuna kabla bablane, na ɔƒɔ-bu bebuo ala betine.”

Agba 29:27

Bekyuli babuni balayɔ bekyuli bekpidi. Na bekyuli bekpidi lɛnɔ balayɔ bekyuli babuni.

Etemila 4:4

Na lɛ́nu kabla kani lɛlɔ na bekyuli benye ku ala enengudi ani na baabla na bɔɔnu ƒui kási lɛlɔ kogyulo bukpo ku lɛnungyie lɛni nkya bekyuli ɔsu. Na ɔmmɔ ƒui uuubo kalɔ kadi, ɔsika use aani kalɛ na baabi taasiaku ɔƒɛƒɛɛ.

Yeremia 18:18

Bekyuli bammɔ badi básu banini, “Bɛya na bɔyila Yeremia udu! Na bakpane badubɔkya-bu kudɔ uwi ndi uwi na batina-bu Unwoti ɔda bubo. Na bɔdubɔkɛ banundane na balɛ-bu. Na bɔkɛ kenye bediene bani ndubɔsu-bu Unwoti kenye kani na ubo ute-bu. Anwuɔsu si ɔni na bɔsɔ buteenu Yeremia etemila bɔsu ɔsu ni, bɛya na bɔda-nwu kenye ka ɔ́bla likpidi bonwu lɛdi.”

Yeremia 18:23

Agyi ka bábla kasusu ka badu-mi. Anwuɔsu ti kɔnyi kya-ma na ani-ma kɔtu! Na teti bɔƒiɔ bonwu bɔmɛni takyiɛ-ma kudii.

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Yeremia 29:7

“Bɛkpali katɔ ka keyi kayɔku Babilon mmɔ, na bɛda bina kabla kaduɛ kalɛ na káyu. Ɔsika si ala átɛku bekyuli na kalɔ kammɔ kemmo ni, lɛlɔ lɛdubɔyɔku-mii na mmɔ lɛnɔ.

Daniel 3:8

Babilonƒuɔ badi bákɛ kasiakɔ na ɔmɛni lɛlɔ ka badu Yudaƒuɔ bamɛni kɔtɔ bete Ɔga Nebukadnesar.

Daniel 5:12

Na ɔ́vumana-nwu lɛnyi lɛnɔ ɔ́sia ɔnii Beltesasar. Na ɔɔɔdi anu kani na ɔ́da na ɔgyi lɛla, mmomu ɔɔkana na uudie ana ku agyolo lɛnɔ kalɔ, na lɛla biala na libo ɔkplu dɛ ni, ɔɔkɛ́-ni kakwɛ. Anwuɔsu tala na batálɔ Daniel beboku na ɔdubudie ala bunweni bɔmmɔ kalɔ.”

Daniel 6:22

Mina Katɔti ɔgyi ka ńtaƒiɔ, anwuɔsu ɔ́tala nwuna batu na bábala bagyata bammɔ kenye na bátakun-mi. Na ńtabla lɛla lɛdi ńtaƒiɔ-ɔ iye liti likpoku awɔ mina Ɔga Ɔbune kudii.”

Mateo 26:4

Na béti kasusu kalɛ na beƒie Yesu na bɔbɛ kemmo na badu-nwu.

Mateo 27:18

Ɔ́bla lɛni ɔsika ɔgyi ka lɛnungyie ɔsu na Yudaƒuɔ benengu bammɔ bédie-nwu béte.

Luka 20:20

Ɔmmɔ ɔsu ni, báwia ulu ɔbambadi ɔni lɛlɔ basia na beƒie-nwu. Béte bekyuli badi ala na bɔbɛ kemmo. Na bása ku-ma lili banii besie Yesu kudɔ. Na babla lɛlɔ aani si litemi lɛmmɔ geen na ama alati baawia bati bete lɛlɔ. Na bátala-ma banii batákywɛ Yesu kakpagyuɛ ku etemila adi. Na bakɛ ulu ɔni na beti-nwu bakya Roma aban unengu enu kemmo.

Luka 20:26

Na bekyuli anumi mmɔ ni, bátakana na beƒie-nwu na lɛla lɛdi lɛlɔ. Bana kenye kékpi-ma na bábla yaa na kenye kani na Yesu údie ɔsu.

Luka 22:2

Nsu ka Katɔti bakpane benengu ku ɔda bubo ala batinane baayia bekyuli bammɔ ɔsu ni, bátaawia ulu ɔni lɛlɔ na basia badu Yesu na bɔbɛ kemmo.

Yohane 19:4

Ɔmmɔ kama ni, Pilato ɔ́sɔ ɔ́lɛ úbo bekyuli lisu lɛmmɔ kudɔ úbasu-ma ɔnini, “Bɛnu! Ndubo-nwu bɔkpanku buboku bina anumi na mbatina-mi ka ńtanu likpidi lɛdi na nwuna lɛlɔ kalɛ na lɛdu-nwu kukpi kɔtɔ.”

Korintoƒuɔ 2 11:12

Ndubusie anumi na naaaƒɔ bina kebunku. Ɔmɛni ɔdubɔya na bani mɔɔlɔ lɛlɔ banii batalane ni, balákɛ kuƒi na bakun lɛmɛnɛ na basu banii ama lɛnɔ baabla kabla aani bula kalɛ.

Ƒilipiƒuɔ 2:15

Mmɔ na bɛdubɔlɛ kɔtɔ bɔdu biala kemmo na bɛbla sɛɛn aani Katɔti bebi bani na likpidi liiibo-ma lɛlɔ. Na ka bilieku bekyuli bekpidi bani nkya kayawi kani nébie mɛni kemmo ɔsu ni, bikeye na bana akɔ aani kalɛ na ayabi eekeye na kayaa.

Timoteo 1 5:14

Anwuɔsu ni, mɔɔyɔ́ ka bekpinele bamɛni udu belie agya na bawɔ bebi na bataanu bana kɔduli ala lɛlɔ mmomu. Ɔmɛni ɔdubɔya na balabla ala ani nátamanku na wete bula bekisine kuƒi na bataasu ala taasiku-bu lɛlɔ.

Tito 2:8

Ti kalɛ na atɛmiku bekyuli ku etemila ani mbo ɔbu kalɛ na beledie-ɔ bɔƒiɔ bɔdi, na ƒula bekisine lɛnɔ balasu lɛla lɛdi balásiku-bu lɛlɔ, mmomu na kɔƒa kukpo-ma.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 3:16

Bɛya na bina kayi kemmo keteese ƒaa uwi biala kalɛ na si beedumi-mii ka bɛsiaku Kristo kama ni, na kɔƒa kukpo bekyuli bani mɔɔlɔ-mii anyikpi mmɔ.

Litemi Batɛne 14:4

Ɔmɛni ƒui na nwuna bawɔne baagyi ka ala amɛni ƒui ási Unwoti kudɔ. Na Unwoti ɔɔwia kuƒi kɔni na ɔsia na ukpoku Ƒilistiƒuɔ. Ɔsika uwi ɔmmɔ kemmo ni, na Ƒilistiƒuɔ mɔɔdi Israelƒuɔ lɛlɔ.

Samuel 1 12:4

Amu na bana ƒui bédie kenye banini, “Ala ammɔ ƒui ɔdi uuuse lɛni. Átanya bula ɔdi átakya ulu ɔdi lɛlɔ, iye etile ɔdi etila adi, iye eƒie ɔdi lɛla lɛdi aƒɔ ɔkplu kemmo.”

Samuel 1 18:14

Na lɛla biala na Dawid wabla ni, lɛɛtɛ teete-nwu, ɔsika Unwoti ɔsiaku-nwu geen.

Samuel 1 22:14

Amu na Ahimelek údie lɛlɔ kenye na ɔ́su Ɔga Saul ɔnini, “Ati, Dawid ni, awɔ ɔlati ƒula ɔnamu na ɔdi. Na ulakana lɛla lɛni na aasu mɛni udu bɔbla na ƒula lɛlɔ kudii. Na ɔdi ƒ'ubidi ɔgyani. Na ɔni ntulo lɛnɔ ndi ka anwu ndi ƒula bekpone bani mɔɔgyumana-a ƒui unengu. Na ƒula bekpone benengu bamba ku kabla bablane ƒui lɛnɔ baabu-nwu geen.