Daniel 6:26 - Katɔti Ɔku Kedee

²⁶ “Muute amii bani nkya mina lɛga kadikɔ kemmo bɔti ka ɔdi biala utaakya lili kalɔ teete Daniel Katɔti, na uteeti ɔbu teete-nwu. “Ɔsika anwu ndi Katɔti ɔni nli ngba na nwuna uwi use úsela ƒui na nwuna lɛga kadikɔ kalayii udu na kalɛ na ɔɔdi ala ƒui lɛlɔ ku ɔyiku ɔɔɔdubo bɔsa kudii.

Daniel 6:26 ပူးပေါင်းရင်းမြစ်များ

Esra 1:3

Nwuna kadi bekyuli akɔ ɔdi biala na ɔkya-mii akɔ ni, nwuna Katɔti ɔsiaku-nwu na unwini usie Yerusalem na utátu Unwoti ɔni ndi Israel Katɔti ɔni nli Yerusalem kakpakɔ kammɔ.

Esra 7:21

Ami Ɔga Artasasta muubó ketu ɔvi egulabi badane bammɔ ƒui ɔda ka lɛla biala na Ɔkpane Esra ɔni ndi Katɔti ɔda bubo ala ɔtinane ɔɔwia ɔsiku-mii kudɔ

Kɔgya 119:120

Ɔsika mɔɔyia-a. Na mɔɔyia kalɛ na aatɛ litemi taasiaku.

Kɔgya 146:10

Unwoti Katɔti ɔdubo lɛga bɔdi uwi ƒui. O Sion, ƒula Unwoti ɔdubɔdi lɛga na kaba bekyuli ƒui lɛlɔ. Bɛya na bumwi Unwoti.

Kɔgya 2:11

Na bitaakpa Unwoti ku ɔbu geen ku lɛlɔyɔ.

Kɔgya 29:10

Unwoti uli kalɔ kpli ɔɔdi ɛpu ɔmmɔ lɛlɔ. Na ɔɔdi ala ƒui muedi lɛlɔ úsela uwi ƒui.

Kɔgya 42:2

Unwoti Katɔti ɔni nlie ngba uwi ƒui, ƒula tanu kɔka kɔɔda-mi. Lɛmameyi na ndububo mbada lɛlɛ-ɔ anumi na lɛnu-ɔ?

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Yeremia 10:10

Awɔ Unwoti kani ndi Katɔti geen ɔni nli ngba. Na aadi lɛlɔ uwi ƒui. Na si éti kɔnyi ni, kalɔ kaakunku na kadi bekyuli baayii udu.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Daniel 3:29

Na mɔɔsu geen ka lɛɛɛdubo kuƒi bute na bekyuli bani nási kadi ƒui akɔ ku adi ƒui batɛmine akɔ ɔdi ɔsu lɛla lɛdi iye ɔtɛmi uwi-ma. Si ɔdi ɔ́bla lɛni ni, ndubɔya na bekulo-nwu eku eku na babwɛ-nwu kaduli kɔkɛ kɔkɛ. Ɔsika baƒiɔ bayikune badi beeebo ɔyikun ɔni na baƒɔ ukyuli ɔdi ngba lɛni.”

Daniel 4:3

Nwuna akɔla budie taatina ébomo geen, Na nwuna ablala etulo bɔsu! Nwuna lɛgakadikɔ kese késela uwi ƒui Na ɔdubo lɛlɔ butaadi ɔ́si kaba úsie kaba.

Daniel 4:34

Na uwi ɔni bése kawɔlɔkɔ ni, lɛ́kpali Katɔti lívele-nwu na mina kasusu kásɔ kénwini kébo-mi na ɔ́bla-mi nwaa. Mmɔ na lɛ́su nnini, “Muumwi Katɔti Ɔni Ntulo Ƒui, na mɔɔbu-nwu. Anwu nli ngba uwi ƒui.” Nwuna lɛga kadikɔ kese késela uwi ƒui. Na kadubuse ɔ́si kaba úsie kaba.

Daniel 6:20

Lɛlɔ lɛɛtɔ́-nwu na ɔ́va ɔ́kpali ɔnini, “Daniel, ásiaku ƒula Katɔti kama siin, na ákya-nwu lili kalɔ uwi biala ɔni na átalɛ-nwu kama. Ɔ́kana-a budie na bagyata bammɔ enu kemmo?”

Daniel 7:14

Na bébi-nwu kagabwa bése-nwu lɛga, na béte-nwu ɔyikun na uukeye. Na bani nási kadi ƒui akɔ ku adi ƒui batɛmine na kalɔ biala lɛlɔ bákya-nwu lili kalɔ. Ɔdubo lɛga bɔdi uwi ƒui, na nwuna lɛga kadikɔ kalása kudii, na ɔdi lɛnɔ ulakana-ka lɛlɔ bɔdi.

Daniel 7:27

Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Malakai 3:6

Yakob bebi ku bawɔ, ami ndi Unwoti Ɔyikune Ƒui ɔni naaavumana uwi ɔdi. Anwuɔsu na ńtayila-mii udu ńtedie ƒui

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Luka 1:33

Na ɔdubo lɛga bɔdi na Yakob kaba kemmo uwi ƒui. Na nwuna lɛga kadikɔ kalása kudii.”

Luka 12:5

Ukyuli ɔni na ɔlɛka bɛyia ni, ndubo-mii bɔtina. Bɛyia Katɔti ɔni na si ɔ́du-ɔ ɔ́wɔlɔ ni, na ɔsɔ ubo ɔyikun na uti-ɔ ubo ɔkya lɛgyavonku lɛni mɔɔda uwi ƒui kemmo. Bɛƒɔ-mi bɛdi ka ni, anwu ndi ukyuli ɔni na ɔlɛka bɛyia.

Batalane Kabla 17:25

Na ulawia bɔdi lɛnɔ taasiku bayawine enu kabla kadi lɛnɔ kemmo, ɔsika anwu ɔlati muute ukyuli biala ngba ku lɛkɛ.

Romaƒuɔ 9:26

Na kesii kani geen na lɛ́su nnii, ‘Bɛɛɛdi mina bekyuli’ ni, mmɔ na bekyuli badubɔlɔ-ma Katɔti Ɔni Nli Ngba Uwi Ƒui bebi.”

Lɛkpa Ulu 5:26

Na buuye bɔnii ukyuli ɔdi uulie ngba dii ka únu Katɔti ɔni nlie ngba lɛdi ɔ́siku lɛgyavonku kemmo?

Tesalonikaƒuɔ 1 1:9

Na ama alati mɔɔtɛmi taasiku kalɛ na bɛ́ƒɔ-bu uwi ɔni na búbo-mii kudɔ ku kalɛ na bɛ́da baƒiɔ bɔkpa bɛ́ya, na bíti lɛlɔ bíte Katɔti ɔni lɛti mbo ngba.

Hebriƒuɔ 12:29

Ɔsika bula Katɔti use aani ogya ɔni mɔɔkyula ala.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Budie Taatina 4:10

benengu aavlanyɔ-ine bammɔ beebimi bana kɔgabwa taava-nwu anumi, na baayu teebi kalɔ. Na beemwi anwu ɔni nli ngba úsela ƒui, na baasu banini,

Budie Taatina 5:14

Amu na ngba batu ine bammɔ bédie kenye banini, “Ɔsia lɛni.” Na benengu bammɔ báyu bébi kalɔ na beemwi-nwu.

Samuel 1 17:26

Ka Dawid úbo úbasiaku lɛla lɛmɛni ni, úye ukpone ɔni nnye nwuna kɔmadɔ ɔnini, “Bi na badubo bɔbla bute ukyuli ɔni makana Ƒilistini ɔmɛni bɔdu na ɔda bula kadi Israelƒuɔ kɔƒa bɔkya ɔya? Ɔma na Ƒilistini ɔni na útekulo lego mɛni ɔɔkali ka ɔdi na ubataakun lɛmɛnɛ taakya Katɔti ɔni nli ngba uwi ƒui bekpone lɛni?”

Samuel 1 17:36

Ami ƒula kabla ɔblane lɛ́ɛdu gyata ku kegidi. Na ndubɔkana na lɛdu Ƒilistini ɔni nétekulo lego mɛni lɛnɔ aani bana kalɛ, ɔsika ɔ́nu Katɔti ɔni nli ngba bekpone ka baaadi lɛla lɛdi na nwuna anumi!