Daniel 6:24 - Katɔti Ɔku Kedee

²⁴ Na bekyuli bani néti Daniel litemi béboku ɔga ɔmmɔ banii babakya-nwu kakya ni, ɔ́ya na béti ama mmomu bátákya bagyata ubu ɔmmɔ kemmo ku bana beleku ku bebi ƒui. Na bétetuku tɔ ubu ɔmmɔ kalɔ bátawɔlɔ muedi asa na bagyata bammɔ bégyingya-ma kɔkɛ kɔkɛ.

Daniel 6:24 ပူးပေါင်းရင်းမြစ်များ

Baga 2 14:6

Nsu útadu bana bebi ama. Mmomu ɔ́siaku Unwoti ɔda ɔni na úbo ɔ́siaku Mose lɛlɔ na kesii kani na ɔ́su ɔnini, “Útalɛ ka badu ubi ɔti ɔdi na ubidi likpidi lɛni na ɔ́bla ɔsu iye badu ubi ɔdi na ɔti likpidi lɛni na ɔ́bla ɔsu. Mmomu ɔdi biala námanku ka badu-nwu ni, anwu ɔlati likpidi lɛni na ɔ́bla lili na badubɔdu-nwu.”

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Ester 9:10

Banana bamɛni ƒui badi Hamedata ubidi Haman Yudaƒuɔ ukisine ɔmmɔ bebi bananabi bani na ɔ́wɔ. Nsu béteti-ma adala adi bétenwini bana adi.

Ester 9:25

Nsu uwi ɔni na Yudaƒuɔ lɛlɔ kelisa kekpidi kamɛni litemi líbeduo Ɔga Ahasweros kɔtu kemmo ɔkɛnku Beleku Ɔga Ester lɛlɔ ni, ɔ́ya na bénweni ɔku bamba bébile Haman lɛla lɛni na únyimi kemmo, na likpidi lɛmmɔ línwini líbo Haman ku nwuna bebi lɛlɔ mmomu ɔni na bákya-ma ɔbuli limɔ anwu ku nwuna bebi na báƒala-ma.

Kɔgya 54:5

Adubo mina bekisine kɔtu bɔni na bana ablala ɔsu. Na adubɔdi ƒula litemi lɛlɔ ete-mi na ayila-ma udu.

Agba 11:8

Unwoti uudie bekyuli babuni na ɔgbankpi kemmo. Na balalane ama uunye taanu na beesié taatátua ɔgbankpi ɔmmɔ.

Agba 19:9

Ukyuli ɔni mɔɔnyi ɔkɔ teedie etemila kenye ni, ulékeli kɔtu bɔni. Na ɔkɔ ɔnyine ni, badubo-nwu bɔyila ku udu.

Yesaia 38:13

Líwulo usien umodi na muunú ɔlɛ aani gyata mɔɔbwɛ-mi lɛlɔ ekubi. Na ɔ́bla-mi aani Unwoti náda-mi ngba uudie.

Yeremia 34:17

“Ka bítete bina kabla bablane bɔnwuna ɔsu ni, bítadi mina litemi lɛlɔ. Anwuɔsu ami ndubute-mii bɔnwuna ƒaa na bɛƒuna ka bikpi na kekpokɔ iye ɔlɛ ukpidi ubo-mii iye kɔka kɔdu-mii. Na ndubɔya na binwini lɛla lɛni muusé lɛlɔ na kadi bekyuli ƒui anumi na kalɔ lɛlɔ mɛni.

Lɛkpa Ulu 24:16

Kuƒi kuuubo ka badu bawɔne na likpidi lɛni na bana bebi bábla ɔsu, na batadu bebi na likpidi lɛni na bana bawɔne bábla ɔsu. Mmomu ɔdi biala ɔ́manku ka badu-nwu na anwu ɔlati likpidi lɛni na ɔ́bla ɔsu.