Daniel 6:22 - Katɔti Ɔku Kedee

²² Mina Katɔti ɔgyi ka ńtaƒiɔ, anwuɔsu ɔ́tala nwuna batu na bábala bagyata bammɔ kenye na bátakun-mi. Na ńtabla lɛla lɛdi ńtaƒiɔ-ɔ iye liti likpoku awɔ mina Ɔga Ɔbune kudii.”

Daniel 6:22 ပူးပေါင်းရင်းမြစ်များ

Ala Kalɔ Buse 40:15

Bunye na bénye-mi lɛlɔ bákpanku-mi básiku bula Hebri kadi kalɔ lɛlɔ béboku mɛni. Na mɛni lɛnɔ ńtabla lɛla lɛni naya na beti-mi babakya kesii kani na ntɛ mɛni.”

Samuel 2 22:7

Na mina lɛbibo lɛmɛni kemmo ni, lɛ́kpali mina Unwoti Katɔti na líwulo lɛ́kya-nwu nnii ubunku-mi. Na únu-mi lɛdi ɔ́siku nwuna kakpakɔ na úbunku-mi.

Baga 1 13:28

Ɔmmɔ kama ni, ɔ́vi ɔ́lɛ útánu ka kenye udiene ɔmmɔ ukpine ɔtɛ kuludɔ. Na gyata ɔmmɔ ku nwuna ebuo ala utine ƒui bénye-nwu kudɔ. Na gyata ɔmmɔ útakun lɛna lɛmmɔ lɛdi iye ɔbla ebuo ala utine ɔmmɔ lɛla lɛdi.

Ala Alɛdi 2 32:21

Na Unwoti úmene nwuna ɔtu ɔdi na úbo na úbadu ukpone biala ku bana kekpo batɔnkune ƒui na Asiriaƒuɔ keliekɔ kani na báda na belie mmɔ kemmo. Amu na Sanaherib ɔ́sɔ únwini úsie Asiria ku kɔƒa geen. Na ɔmmɔ kama limeyi lɛdi ni, úsie nwuna koƒiodu na ɔƒiɔtɔ kemmo mmɔ na anwu ɔlati bebi bananabi bádu-nwu.

Kɔgya 118:28

Awɔ ndi mina Katɔti na ndubɔgya-a enu. Na ndubɔkɔliku-ɔ lɛnyi katɔ, ɔsika awɔ ndi mina Katɔti.

Kɔgya 26:6

Lídie mina enu katɔ mɔɔtina ka nse sɛɛn na mɔɔkpá-a taaka taamana ƒula lɛkpabi.

Kɔgya 31:14

Nsu awɔ Unwoti lɛlɔ kani na mina anu asia, ɔsika lɛ́lɛ ugyii ka awɔ ndi mina Katɔti.

Kɔgya 34:7

Unwoti ɔtu ɔɔnu taamana bekyuli bani mɔɔyia Unwoti na uudie-ma.

Kɔgya 38:21

Unwoti, tada-mi tese. Mina Katɔti, tenwini kama takya-mi.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Yesaia 3:10

Su bekyuli bani nse siin anii, ɔdubɔtɛ ute-ma ɔsika badubɔdi bana kabla ebi.

Yesaia 63:9

Na si ɔ́nu ka béduo lɛbibo lɛdi kemmo ni, uukpóku Unwoti geen na ɔɔyá na nwuna katɔ ɔtu uusié taatáƒɔ teete-ma. Unwoti ɔ́nu kɔnyana geen anwuɔsu na údie nwuna bekyuli ɔ́lɛku bana bubie kemmo. Ɔ́nu-ma lɛlɔ akwa ammɔ kemmo ƒui na use aani bɔgyu na ɔ́gyu-ma ɔda nwuna enu kemmo.

Yeremia 37:18

Ɔmmɔ kama ni, líye-nwu nnini, “Ɔga ɔbune, bi na lɛ́bla ɔsu na áya na bákya-mi ɔtɔ? Bɔbla na lɛ́bla likpidi bonwu lɛdi lɛ́ta línye-ɔ lɛlɔ iye ƒula benengu bammɔ ɔdi lɛlɔ iye kalɔ kammɔ ɔda bubo bɔdi lɛlɔ?

Daniel 3:28

Amu na Ɔga Nebukadnesar ɔ́su ɔnini, “Bemwi bakloƒu bamɛni Katɔti ka úmene nwuna katɔ batu na bébedie nwuna kabla bablane! Báƒɔ bana Katɔti bádi, na béni ka badi mina ɔda bubo lɛlɔ. Sɔsɔ ni, báƒuna ka bekpi betulo ka bemwi iye bakya lili kalɔ bete baƒiɔ badi amu ntu bana Katɔti lɛti.

Daniel 6:20

Lɛlɔ lɛɛtɔ́-nwu na ɔ́va ɔ́kpali ɔnini, “Daniel, ásiaku ƒula Katɔti kama siin, na ákya-nwu lili kalɔ uwi biala ɔni na átalɛ-nwu kama. Ɔ́kana-a budie na bagyata bammɔ enu kemmo?”

Daniel 6:23

Ɔga ɔmmɔ ɔ́nwuna ɔ́yula na kayi kélie-nwu kalɔ ka únu Daniel lɛdi, na údie lɛdi kɔnakunwi ɔnii bedie-nwu balɛku ubu ɔmmɔ kemmo. Ɔsika Daniel bɔƒɔtaadi na nwuna Katɔti lɛlɔ ɔ́ya na bagyata bammɔ bátakana-nwu lɛla lɛdi bɔbla.

Daniel 6:4

Amu na bekyuli bakladi bammɔ ƒui báwia ulu ɔni lɛlɔ na bedie Daniel bɔƒiɔ na nwuna kabla bɔbla kemmo, nsu bátakana, ɔsika Daniel ɔɔsu litemi geen na ulalɛ ɔga ɔmmɔ kama taabla lɛla bamba lɛdi.

Daniel 6:7

Anwuɔsu ƒula bakutine ku benengu ku kasusu bakyane ku ƒula aban bagadine ƒui búnu kalɔ ka enyimi ɔda bubo bɔni muutile ukyuli biala kuƒi ka ɔkya lili kalɔ ute baƒiɔ badi iye lɛla bamba utulo awɔ kani emeyi avlaatɛ ani ndubo mɛni kemmo. Na ukyuli biala ɔni meni ɔmɛni bɔbla ni, ɔlɛka bebo-nwu bakya ƒula bagyata ubu kemmo.

Mika 7:7

Nsu mina anu ƒui asia Unwoti Katɔti lɛlɔ ka ɔƒɔ-mi ngba, na anwu kani na ndubunye ntaanu ulu teete ka unu-mi bɔkpali na ubunku-mi.

Bumomo Bɔka 20:16

Nsu ka búwulo bɔ́kpali Unwoti ni, únu bula buwulo. Na ɔ́tala nwuna ɔtu ɔdi ɔkya-bu, na úbada-bu údie Egyipteƒuɔ enu kemmo. “ ‘Na ɔƒɛni búusie lɛgba laa búbedu Kedes ɔma ɔni nkya ƒula ɔmii lɛlɔ.

Mateo 27:46

Na ɔdɔ ɔtɛdi ɔmɛni kemmo ni, Yesu ɔ́va momoomo ɔ́su ɔnini, “Eli, Eli, lama sabaktani?” Ɔni kalɔ ndi, “Mina Ɔti, mina Ɔti! Bi ɔsu na áda-mi ányonu?”

Batalane Kabla 12:11

Na ɔmmɔ kama ni, Petro úbati lɛla lɛni nébo. Na ɔ́su lɛlɔ ɔnini, “Sɔsɔ geen na ɔdi ka ni, Unwoti nátala ɔtu ɔmɛni ɔnii ubedie-mi ɔsiku Herode enu kemmo ku ala ani na Yudaƒuɔ baasusu ka badubɔbla-mi lɛnɔ kemmo!”

Batalane Kabla 24:16

Na ɔ́si ɔmɛni ɔsu ni, mɔɔkya ɔkplu ka lɛbla mina kasusu kemmo nwaa na Katɔti ku bayawine ƒui anumi.

Batalane Kabla 27:23

Ɔsika kamaadi usien ni, Katɔti ɔni mbo-mi na anwu na mɔɔkpá ni, nwuna ɔtu ɔdi úbenye-mi kudɔ.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Hebriƒuɔ 11:33

Ɔkɛnku bɔƒɔtaadi lɛlɔ ni, bana badi békpo na bádi lɛga kadikɔ lɛlɔ. Na badi báya na bekyuli baabla ala ulu lɛlɔ. Na badi kɔnu kútuku Katɔti linyese lɛmmɔ. Na badi bákalɛ bagyata inye.

Samuel 1 17:37

Unwoti ɔni nédie-mi ɔ́siku gyata ku kegidi aƒiɔ akɔ ndubudie-mi bɔsiku Ƒilistini ɔmɛni enu kemmo.” Amu na Saul ɔnini, “Ɔdia, amu teesie na etékpoku-nwu. Bula ƒui bubo lɛnunsia ka Katɔti ɔdubo-ɔ bubunku na akana-nwu lɛlɔ bɔdi.”

Samuel 1 26:18

Bi ɔsu na awɔ mina ati asiaku ami ƒula kabla ɔblane lɛni? Líbile lɛla lɛdi, munuu likpidi linengudi lɛmani na lɛ́bla?