Daniel 5:23 - Katɔti Ɔku Kedee

²³ Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Daniel 5:23 ပူးပေါင်းရင်းမြစ်များ

Ala Kalɔ Buse 14:19

Úvele kusɛ kusɛ úte-nwu ɔnini, “Katɔti Ɔni Ntulo Ƒui na anwu nédie katɔ ku kalɔ ni, ɔdubɔya na nwuna kusɛ kusɛ ɔsiaku Abram.

Ala Kalɔ Buse 2:7

Unwoti Katɔti ɔ́vɔ ukyuli ɔ́lɛku kalɔ kammɔ lɛti kemmo. Na ɔ́nwuna ɔƒɛƒɛɛ ɔni muute ngba ɔ́kya ukyuli ɔmmɔ enwu kemmo aani ɔyawine.

Baga 2 14:10

Sɔsɔ na ɔdi ka ékpo ádi Edomƒuɔ lɛlɔ, na ɔmmɔ ɔsu na aakun lɛmɛnɛ. Ya ƒula lɛlɔ bɔdi buteekeye na ƒula lɛgba akɔ kani, na asɔ elie ƒula ɔma kpoo! Bi ɔsu na atáwia lɛsɛ eboku Yuda kalɔ kemodi bekyuli na awɔ ɔlati ɔmmɔ lɛnɔ ebo kalɔ?”

Hiob 12:10

Na Unwoti lɛkɔkɔ kemmo na lɛla lidiedi biala lɛkya. Na anwu muute ɔyawine biala ngba ɔƒɛƒɛɛ ɔni na ɔɔnwuna.

Hiob 31:4

Na Katɔti ɔgyi mina kasiakɔ ƒui ku kalɛ na mɔɔbla ala taavinku.

Kɔgya 104:29

Si áda anumi édie-ma lɛlɔ blii ni, liƒu lɛɛda-ma. Na si áda ƒula ɔƒɛƒɛɛ édie-ma lɛlɔ kemmo ni, beekpi na basɔ benwini lɛti.

Kɔgya 115:16

Unwoti mɔɔdi lɛlɔ na katɔ kakaaka ƒui. Na úti kalɔ kammɔ ɔ́kya bayawine lɛlɔ bɔnu kalɔ.

Kɔgya 139:3

Ákɔku mina busie taavi ku mina bɔtɛ ánu. Na agyi mina ablala kemmo ƒui kede kede.

Kɔgya 146:4

Si ɔdi ɔ́yula ni, ɔ́sa únwini lɛla likpine na bɔva na badubo-nwu. Na nwuna kasusu ku kakwɛ kawɔlɔkɔ kadi mmɔ.

Agba 20:24

Unwoti mɔɔtɔnku bekyuli na bana ngba ulu busie kemmo. Na ukyuli ulakana nwuna ngba ulu ɔni na uusié kalɔ bunu bɔwɔlɔ.

Yesaia 13:11

Ndubɔni bayawine kɔtu na bana likyulikpi ɔsu, na lɛni balalane kɔtu na bana ekpidi ɔsu. Na bani mɔɔnu lɛlɔ katɔ katɔ ni, ndubɔya na bana lɛla tabu kenye kekulo, na liboku bani mɔɔtalaku lɛlɔ katɔ kalɔ.

Yesaia 14:13

Awɔ mɔɔsu na ƒula kayi kemmo anii, “Ndubɔkɔ lisie katɔ katɔ ntése mina liboku na mmɔ na keliekɔ kammɔ kebo kavi Katɔti ayabi, na ndubulie kɔbi kedee kɔmmɔ lɛlɔ katɔ ƒui, ntaadi katɔ bayikune bani ƒui mɔɔsála mmɔ lɛlɔ.

Yesaia 2:12

Unwoti ubo nwuna limeyi na lɛsia ulu lɛdubo lite bani mɔɔkun lɛmɛnɛ na baanu lɛlɔ katɔ katɔ. Na ɔdububoku lɛlɔ katɔ bɔkɔli biala kalɔ limeyi lɛmmɔ.

Yesaia 33:10

Nsu Unwoti ɔnini, “Ɔƒɛni na ndubo lɛla lɛdi bɔbla na bekyuli banu na bemwi-mi geen.

Yesaia 37:19

Na bébo bana baƒiɔ bákya ogya kemmo na báyii udu, ɔsika baaadi bayikune badi, mmomu ligyii lɛnwidi ku atabi ani na bekyuli béti bana enu bábla bése lɛlɔ na badi.

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Yesaia 42:5

“Ami ndi Unwoti Katɔti ɔni nédie katɔ lɛ́ƒala kayaa. Na ami nédie kalɔ ku ala ani na akya-ka kemmo ƒui. Na bekyuli bani ƒui nli kalɔ lɛlɔ ni, ami muute-ma ngba ku ɔƒɛƒɛɛ ɔni na baanwuna.

Yeremia 10:23

Unwoti, ngyi ka ɔɔɔdi abu bekyuli alati nda bula ngba.

Yeremia 48:26

Moab kadi bekyuli, bɛɛsu taatina ka bibo ɔyikun bitulo-mi. Nsu ɔƒɛni ni, ndubo kadi bamba bekyuli bɔsu na bete-mii ntɛ na bɛni bikpi. Na bataama-mi si uwi ɔni na ntɛ bɔmmɔ bútulo-mii na biibuli taatɛ amii alati bina kɔdala kemmo.

Yeremia 50:28

Babilonƒuɔ nébile mina kakpakɔ, nsu uwi ɔsɔ uletu asa na ndubudie-ma kasi. Na bekeline bani nási Babilon mmɔ bésie Sion alati ndubo kenye budie na litemi lɛmɛni lɛlɔ.

Yeremia 50:29

“Bikpoku Babilon amii nwuna bekisine atula bebone. Na bɛbla kakyakɔ bɛmana ɔma unengudi ɔmmɔ. Na bitaya na ɔdi biala ukeli ɔtɔlɔ. Babilon ɔ́ta na únye ɔ́siaku ami Katɔti kedee. Anwuɔsu ala ani na ɔ́bla lɛma linengudi bamba ni, amii lɛnɔ bɛbla-nwu lɛni kani.

Esekiel 28:17

Ƒula bɔdia bɔni na aadia bɔnu nátɔlɔ na énwini ukyuli ɔni na asɔ alábu lɛla lɛdi na aatina lɛlɔ. Na ka ƒula lɛnyi lísie ɔgyu ɔsu ni, ese kalɔ aabla adɔlɔla. Anwuɔsu na líkpeli-ɔ lɛ́va kalɔ na baga babambadi baamá-a.

Esekiel 28:2

“Esekiel, ɔyawine ubi, su Tiro ɔga anini, ‘Aatalaku lɛlɔ katɔ taavili na aawia ka bekyuli banu-ɔ aani kayaa ɔyikune ɔdi na adi na Tiro ɔma unengudi ɔmmɔ ɔdi ƒula lɛga kadikɔ, nsu ukyuli keeke kani na adi.

Esekiel 28:5

Agyi egulabi bɔbla kɔkwɛ lilu geen sɔsɔ na ala lɛnɔ emomo-ɔ geen, nsu ƒula akɛla áya na aatina lɛlɔ na asɔ alabu lɛla lɛdi!

Esekiel 31:10

“ ‘Na awɔ Egyipte ɔga, se kɔtu na enu lɛla lɛni na ami Unwoti Katɔti mɔɔsu-ɔ. Kugyii kɔmmɔ kɔ́kuku ɔni na kuna kɔgba kúsie kayaa geen, anwuɔsu kɔɔkun lɛmɛnɛ na kɔɔtina lɛlɔ.

Daniel 11:12

Na ɔga ɔmɛni ɔdubo lɛmɛnɛ butaakun geen na bekyuli lisu bonwu lɛni na ɔ́du ɔsu. Nsu bekyuli bukpo taadi lɛlɔ bɔmɛni bɔɔɔdubo uwi ɔdi bɔƒɔ.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Daniel 8:11

Úwi kayaa bekpone bammɔ anumi kalɔ, na údie ɔbu ƒui na bana ɔtɔnkune ɔgabi ɔmmɔ lɛlɔ, na úwi-nwu anumi kalɔ na uwi ɔni na útile-nwu kuƒi na nwuna limeyi ndi limeyi akpala bɔbla lɛlɔ. Na geen ni, lɛla lɛmɛni kanukɔ kátadia bɔnu munu munu. Na úbile kakpakɔ kammɔ ekisila ƒui, na kásɔ kátamanku ka bataabla lɛkpa geen lɛmmɔ, na ɔ́kɛ kuƒi na ɔ́bla lɛla biala na ɔɔyɔ́ na mmɔ.

Habakuk 2:4

Ukyuli biala na ɔɔtalaku lɛlɔ katɔ ulelie ngba. Nsu bani mɔɔsiaku-mi kama siin ni, badubulie ngba na bana bɔƒɔtaadi kemmo.

Batalane Kabla 17:25

Na ulawia bɔdi lɛnɔ taasiku bayawine enu kabla kadi lɛnɔ kemmo, ɔsika anwu ɔlati muute ukyuli biala ngba ku lɛkɛ.

Korintoƒuɔ 1 8:4

Na ɔmɛni ndi lɛla lɛni mɔɔsu-mii na adila ani na béti bákpa na baƒiɔ abi lɛlɔ bɔdi lɛlɔ. Bɔgyi ka ala ani na bekyuli bábla bése baakpá ni, aaadi lɛla lɛdi na kayawi kamɛni kemmo. Ɔsika bɔgyi ka Katɔti unwi pɛ kani nkya.

Timoteo 1 3:6

Útalɛka ɔbla ɔƒɔtaadine ɔwɔdi kalɛ na ulatalaku lɛlɔ katɔ, na ɔkɛnku lɛlɔ bɔtina bɔmmɔ ɔsu na webuli, na Katɔti wani-nwu kɔtu aani kalɛ na ɔ́ni ukisine ɔmmɔ kɔtu.

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Budie Taatina 9:20

Bekyuli bakladi bani ƒui nétekpi na alakpa atɛ ani ndanku kukpi mmɔ kemmo ni, béténwini kama bátákya ala ani na ama alati béti bana enu bábla bése béte lɛlɔ ka bataakpa. Ala amɛni adanku ayu ekpidi ku bana baƒiɔ bani na béti sika ugyiedi ku ɔƒualadi bávɔ ku kalɔ kemmo abuala ku atabi ku egyii ani na bánwi. Nsu ala amɛni ƒui ni, alánu na elenu na elesie muedi!

Litemi Batɛne 16:23

Amu na Ƒilistiƒuɔ batɔnkune bábasa lisu ka babla akpala bete bana baƒiɔ bani baalɔ banii Dagon, na badi limeyi. Ɔsika baasu banii, “Bula baƒiɔ bamɛni néti Simson ɔni ndi bula ukisine ɔ́kya-bu enu kemmo.”

Samuel 1 17:26

Ka Dawid úbo úbasiaku lɛla lɛmɛni ni, úye ukpone ɔni nnye nwuna kɔmadɔ ɔnini, “Bi na badubo bɔbla bute ukyuli ɔni makana Ƒilistini ɔmɛni bɔdu na ɔda bula kadi Israelƒuɔ kɔƒa bɔkya ɔya? Ɔma na Ƒilistini ɔni na útekulo lego mɛni ɔɔkali ka ɔdi na ubataakun lɛmɛnɛ taakya Katɔti ɔni nli ngba uwi ƒui bekpone lɛni?”

Samuel 1 17:36

Ami ƒula kabla ɔblane lɛ́ɛdu gyata ku kegidi. Na ndubɔkana na lɛdu Ƒilistini ɔni nétekulo lego mɛni lɛnɔ aani bana kalɛ, ɔsika ɔ́nu Katɔti ɔni nli ngba bekpone ka baaadi lɛla lɛdi na nwuna anumi!