Daniel 5:22 - Katɔti Ɔku Kedee

²² “Ɔga Belsasar, agyi ala amɛni ƒui na adi átabɛ-ɔ, nsu ébulo anii eleboku lɛlɔ kalɔ.

Daniel 5:22 ပူးပေါင်းရင်းမြစ်များ

Ala Alɛdi 2 33:23

Manase únwini kayi úbo Unwoti kudɔ, nsu ubidi Amon anwu úni na útabla ɔmɛni mmomu ekpidi enengudi na ɔ́bla ɔ́sia kama útulo ɔti ƒui.

Ala Alɛdi 2 36:12

Ɔ́bla likpidi na Unwoti nwuna Katɔti anumi na úni ka uboku lɛlɔ kalɔ ina ka Katɔti Kenye Udiene Yeremia ɔ́dɔnku-nwu geen.

Kɔgya 119:46

Ndubunye baga anumi na lidie ƒula ɔda bubo keyi lɛtina-ma na kɔƒa kulékpo-mi.

Israelƒuɔ Bɔlɛ 10:3

Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Yesaia 13:11

Ndubɔni bayawine kɔtu na bana likyulikpi ɔsu, na lɛni balalane kɔtu na bana ekpidi ɔsu. Na bani mɔɔnu lɛlɔ katɔ katɔ ni, ndubɔya na bana lɛla tabu kenye kekulo, na liboku bani mɔɔtalaku lɛlɔ katɔ kalɔ.

Yesaia 14:13

Awɔ mɔɔsu na ƒula kayi kemmo anii, “Ndubɔkɔ lisie katɔ katɔ ntése mina liboku na mmɔ na keliekɔ kammɔ kebo kavi Katɔti ayabi, na ndubulie kɔbi kedee kɔmmɔ lɛlɔ katɔ ƒui, ntaadi katɔ bayikune bani ƒui mɔɔsála mmɔ lɛlɔ.

Yesaia 26:10

Si ina bi lɛƒɔndia na ábla belikplune ni, baaadubo bɔti kalɛ na baabla ala siin. Kesii kani na siin bɔbla bɔkya muedi ni, ama likpidi bɔbla lilu lɛlɔ kani na baasia uwi ndi uwi na balánu kalɛ na Unwoti úbomo na uukeye lɛnɔ taati.

Daniel 5:18

“Ati, Katɔti Ɔni Ntulo Ƒui ɔ́bla na ƒ'ɔti únwini ɔyikune geen na ɔ́ƒɔ lɛnyi na ɔ́ya na bekyuli baabu-nwu na uukeye lɛnɔ.

Mateo 14:4

Ɔsika Ntu Ɔkpilane Yohane ɔ́su Herode ɔnini, “Katɔti ɔda bubo buléte kuƒi ka nka eti ƒula ɔnwani ulekudi Herodia.”

Mateo 21:32

Ntu Ɔkpilane Yohane úbo úbatina-mii ulu buni ɔni lɛlɔ na bɛsia, nsu bítaƒɔ-nwu bítadi. Nsu beyune ku bayalɛ ama báƒɔ bádi. Na ina ka bɛ́nu ɔmɛni muedi ni, bítavumana bina kasusu na bɛƒɔ-nwu bɛdi.

Luka 12:47

“Kabla ɔblane ɔni ngyi lɛla lɛni na nwuna Unwoti ɔɔwia ka nka ɔbla ute-nwu nsu uuní-ni bɔbla ka útada lɛlɔ útese ɔsu ni, bubo na badubo-nwu bubo na ebola eduo-nwu lɛlɔ.

Yohane 13:17

Ka bɛ́ti litemi geen lɛmɛni ɔƒaani ɔsu ni, lɛlɔ lɛdubɔyɔ-mii si bɛ́bla ala amɛni.

Yakobo 4:17

Anwuɔsu ukyuli ɔni ngyi lɛla lɛbuni bɔbla nsu ulábla-ni ni, ɔdi likpidi ute-nwu.

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”