Daniel 5:20 - Katɔti Ɔku Kedee

²⁰ Nsu ka úbo ɔɔbla atuɔkplu na ɔɔtalaku lɛlɔ katɔ na ɔsɔ ulabu Katɔti ni, úkpeli nwuna lɛgadi lɛmmɔ ɔ́lɛku-nwu lɛkɔkɔ.

Daniel 5:20 ပူးပေါင်းရင်းမြစ်များ

Baga 2 17:14

Nsu ɔmɛni kama ƒui ni, béni mina ɔda bubo bɔmmɔ na bábla atuɔkplu aani bana bati bani néteti bana kayi ƒui bátasia Unwoti bana Katɔti lɛlɔ, bati bani na bátaƒɔ bana Unwoti bátadi mmɔ.

Ala Alɛdi 2 32:25

Nsu Hesekia úbo ɔɔtalaku lɛlɔ katɔ geen ɔni na ɔ́yiƒala Unwoti enu muedi bɔgya. Na ɔmɛni ɔdi lɛla lɛni néƒi Unwoti livo, anwuɔsu ɔ́ni Hesekia ku Yuda ku Yerusalemƒuɔ ƒui kɔtu.

Ala Alɛdi 2 36:13

Amu na Sedekia ɔ́ta únye Ɔga Nebukadnesar lɛlɔ ina ka ɔ́kpali Unwoti lɛnyi na úse ɔga ɔmmɔ kenye ka ɔdubɔdi nwuna litemi lɛlɔ siin. Nsu Sedekia ɔ́bla atu ɔkplu na úni ka ɔvumana kayi na unwini ubo Unwoti Israel Katɔti kudɔ. Na ɔ́ta únye Nebukadnesar lɛlɔ.

Israelƒuɔ Bɔlɛ 18:11

Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Israelƒuɔ Bɔlɛ 9:17

Nsu ámu énye áda mina bekyuli na anii elete-ma kuƒi na batɔlɔ.

Israelƒuɔ Bɔlɛ 9:7

Ƒarao ɔ́tala bekyuli ɔnii betéye benu si Israelni ɔdi ebuo úkpi. Na bébete-nwu bɔti ka ina Israelni ebuo unwi útekpi. Nsu ɔmɛni kama ƒui Ƒarao ɔmu ɔɔyu kayi ɔkplu. Na útete Israelƒuɔ kuƒi na batɔlɔ.

Agba 16:18

Lɛlɔ katɔ bɔtalaku mɔɔgyú taatɔ asa na ukyuli ɔɔyii udu. Na kayi kekpidi buse taabla ala mɔɔyá na ukyuli uubuli.

Agba 16:5

Unwoti ukisi ka ukyuli ɔtalaku lɛlɔ katɔ. Anwuɔsu ɔbla ukyuli biala nwaa ka bani mɔɔtalaku lɛlɔ katɔ ni, Unwoti ɔdubɔni-ma kɔtu.

Yesaia 47:1

“Babel, awɔ ɔni nse aani ugblebi adagyaa, ta ƒula lɛgadi liboku lɛlɔ, na etélie ɔtumu akɔ, ɔsika ukyuli ɔdi ɔsɔ ɔɔɔdubo-ɔ bɔlɔ ɔnii ukyuli ɔni náƒɔ kuye na baabu-nwu.

Yeremia 13:18

Unwoti ɔnii nsu-mii ka ɔga ɔmmɔ ku uni ƒui badubɔta bana kuliekɔ na bebimi bana kɔgabwa.

Yeremia 19:15

“Bina ɔdi biala use kɔtu na unu! Uwi ɔdi návi kemmo ni, Unwoti Ɔyikune Ƒui, Israel Katɔti, ɔ́su-mii kpakplaa ka ɔdubɔya na ɔgbankpi ubo Yerusalem lɛlɔ ku lɛma lɛni na amadɔ mmɔ ƒui. Nsu bɛbla atuɔkplu na bíbulo-nwu litemi bunu. Na ɔƒaani ni, Unwoti ɔdubo bɔya na ɔgbankpi ɔmmɔ ɔlɛ aani kalɛ na úse kenye úse.”

Yeremia 48:18

“Amii bekyuli bani nkya Moab ɔma unengudi ɔni baalɔ Dibon, bekyuli basɔ baaadubo-mii bɔbu. Anwuɔsu bɛɛnu bina liboku na lɛti akɔ mmɔ. Bina bekisine badubo bina awodu bubo bɔƒɛ si uwi ɔni na beekpóku-mii.

Esekiel 30:6

Badubo bina kadi bamba bekpone bani nnye nte-mii bɔdu na bina ɔyikun ɔni na bibo ƒui kenye kekulo na bɛyii udu. Na bekyuli badubo bukpi ɔ́si Migdol na katɔ kakɛ útédu Aswan na kada kakɛ ami Unwoti násu.

Esekiel 31:10

“ ‘Na awɔ Egyipte ɔga, se kɔtu na enu lɛla lɛni na ami Unwoti Katɔti mɔɔsu-ɔ. Kugyii kɔmmɔ kɔ́kuku ɔni na kuna kɔgba kúsie kayaa geen, anwuɔsu kɔɔkun lɛmɛnɛ na kɔɔtina lɛlɔ.

Daniel 11:36

“Ɔga ɔmmɔ ni, lɛla lɛni mɔɔyɔ́-nwu kaƒɔ na ɔdubo butaabla. Na ɔdubo lɛlɔ katɔ bɔtalaku na ɔtina ka ubo kenyekɔ utulo baƒiɔ ƒui. Na ɔdubo Katɔti ɔlati buteedumi. Na geen ni, lɛla biala lɛdubo bɔsia kalɛ na ɔɔwia wetédu uwi ɔni na kɔnyi kɔni na Katɔti úti ɔ́kya anwu ɔlati ku nwuna bekyuli kɔ́yɔ-nwu.

Daniel 4:26

Nsu úbo ɔda ɔnii batabla ligyukui lɛmmɔ iye ligyiitu lɛmmɔ lɛla lɛdi biala. Ɔmɛni ɔɔtina ka adubɔsɔ enwini abadi lɛlɔ aani ɔga kalɛ si uwi ɔni na ánu áti ka Katɔti mɔɔdi lɛla biala lɛlɔ taasiku katɔ kesii kani na ulie mmɔ.

Daniel 4:28

Ɔbla aani abuli leevu-anyɔ kama ni, Ɔga Nebukadnesar ɔkɛ uusié taavi na nwuna lɛsa katɔ na ɔɔnu Babilon ɔma unengudi ɔmmɔ bɔdia asa na ala amɛni ése kalɔ aalɛ́ku-nwu. Na ɔ́su lɛlɔ ɔnini, “Bɛnu, ɔma unengudi ɔmɛni ɔɔdia bɔnu ku ala enengudi ani na ami ɔlati líti mina ɔyikun lɛ́tu kalɛ na mina lɛnyi liteekeye!”

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Daniel 8:8

Ɔmmɔ kama ni, Ketukpa kammɔ kásɔ kákɛ ɔyikun kébu. Nsu uwi ɔni na kɔnyi kɔmmɔ kɔ́kɔ-nwu katɔ geen ni, Ketukpa kammɔ lise lɛni mbo ogya mmɔ lɛ́ƒɛ na ene bamba ákwɛ na lideedi lɛmmɔ kenye, na ɔdi biala ɔɔtina unwi na lɛƒɛnyi ine bɔmmɔ kemmo.

Luka 18:14

Mmɔ na Yesu ɔ́su-ma ɔnini, “Mɔɔsu-mii nnii ka básɔ bénwini bésie kaduli ni, kuyi ɔƒɔne ɔmmɔ ɔ́bla sɛɛn na Katɔti anumi na ɔɔɔdi Ƒarisini ɔmmɔ. Ɔsika ukyuli biala ɔni na ɔ́bla nwuna lɛlɔ ukyuli ubendi ni, Katɔti ɔdububoku-nwu kalɔ. Na ukyuli biala ɔni na weboku lɛlɔ kalɔ ni, Katɔti ɔdubɔkɔliku-nwu katɔ.”

Hebriƒuɔ 3:13

Mmomu bɛkya lɛlɔ ogya limeyi ndi limeyi si kadi biala kégye-mii na baalɔ-ka banii ɔmwi. Ɔmmɔ ndubɔya na likpidi lilátɔlɔ ɔdi na wenwini ukyuli ɔni mɔɔbla atuɔkplu.

Samuel 1 6:6

Na bi ɔsu na bɛɛbla atuɔkplu aani kalɛ na Egyipteƒuɔ ku Ƒarao bábla? Na ɔmmɔ ɔsu na ɔ́ni-ma kɔtu kpakplaa útálɛ ka bágya Israelƒuɔ bálɛku bana ɔma na béti bana ulu?