Daniel 5:2 - Katɔti Ɔku Kedee

² Ntɛ búbo bɔɔda-nwu na ɔ́tala nwuna kabla bablane ɔnii besie na betéti sika ugyiedi ku ɔƒualadi lɛɛƒɛɛ lɛni na ɔti Nebukadnesar ɔ́da úti na Katɔti kakpakɔ na Yerusalem mmɔ beboku. Na ɔɔwia lɛɛƒɛɛ lɛmmɔ kalɛ na anwu ku nwuna beleku ku benengu bani na ɔ́lɔ úboku kadikɔ mmɔ bani ntɛ na nina kemmo.

Daniel 5:2 ပူးပေါင်းရင်းမြစ်များ

Samuel 2 9:7

Mmɔ na Dawid ɔ́su-nwu ɔnini, “Tayia, ɔsika lɛ́bla kasusu ka lɛbla-a lɛƒɔndia. Na ndubɔnu-ɔ lɛlɔ na ƒ'ɔti Yonatan ɔsu. Na ndubɔsɔku kɔlɔ kɔni ƒui ndi ƒula nana ɔnana Saul kɔdi ƒui lite-ɔ. Na ɔɔɔdi ɔmmɔ lɛti, mmomu adubo butaadiku-mi uwi biala na mina kadikɔ.”

Baga 2 24:13

úti Yekonia úsienku Babilon na útákya-nwu ɔtɔ. Na ɔ́buma egulabi ani ƒui nse Unwoti kakpakɔ ku ɔga kaduli ɔda aani kalɛ na Unwoti ɔ́su úse. Na Ɔga Nebukadnesar ɔ́ti sika ugyiedi akyami ani ƒui na Ɔga Salomo ɔ́vɔ úse ka beteeti taabla kakpakɔ kabla ɔ́tɔlɔku.

Baga 2 25:15

Bekpone unengu bagadine ɔgyumanane ɔmmɔ úti oloƒui ebui ammɔ ku ntu akyami gbion ani na bábla ku sika ugyiedi ku ɔƒualadi ƒui ɔ́tɔlɔku.

Ala Alɛdi 2 11:20

Rehoboam úti uleku bamba ɔni baalɔ banii Maaka ɔni ndi Absalom ubidi ulekubi. Na bebi bananabi bani na báwɔ ndi Abiya ku Atai ku Sisa ku Selomit.

Ala Alɛdi 2 15:16

Asa unieku ɔni baalɔ Maaka ɔ́tu baƒiɔ bonwu badi úte uleku Asera kɔwɔ baƒiɔ, anwuɔsu Asa ɔ́bwɛ-ma úwi kalɔ na ɔ́la bana lɛla biala útákyula na Kidron Kɔwɛ kemmo. Na ɔ́ya na bátu Maaka ɔmɛni beleku lɛga lɛni na ɔɔdi.

Ala Alɛdi 2 36:10

Uwi ɔni na ketudi keesé kalɔ ni, Babilon Ɔga Nebukadnesar ɔ́ya na béƒie Yekonia na úti-nwu úsienku Babilon na ɔ́sɔ útiku ala abambadi ani lɛnɔ náƒɔ kuye geen ɔ́siku kakpakɔ kammɔ kemmo. Ɔmmɔ kama Nebukadnesar ɔ́ƒuna Sedekia ka unwini Yudaƒuɔ ɔga.

Ala Alɛdi 2 36:18

Na úti Katɔti kakpakɔ kemmo ala enengudi ku ebliidi ani nse mmɔ ƒui ɔ́tɔlɔku úsienku Babilon ku ɔga ɔmmɔ ku nwuna benengu akɛla ani nse kakpakɔ mmɔ.

Esra 5:14

Na ɔga ɔmɛni muedi ni, ɔ́mami sika ugyiedi ku ɔƒualadi ɔni béti bámana Babilonƒuɔ kakpakɔ ɔtɔ ka beti batu Katɔti kaduli. Na sika ugyiedi ku ɔƒualadi ɔmmɔ na Nebukadnesar úti ɔ́siku Yerusalem kakpakɔ na úti útése Babilonƒuɔ kakpakɔ. Na Ɔga Kores úti sika ala ammɔ úte ɔnana ɔni baalɔ bani Sesbasar. Ɔsika anwu na údie aban ɔgadine ka utaanu Yuda kalɔ kammɔ lɛlɔ.

Yeremia 50:35

“Líte ulu ka kekpo kekpo amii ku bina benengu ku bina kasusu bakyane ƒui.

Yeremia 52:19

Bekpone unengu bagadine ɔgyumanane ɔmmɔ úti oloƒui ebui ammɔ ku ntu akyami gbion ani na bábla ku sika ugyiedi ku ɔƒualadi ƒui ɔ́tɔlɔku.

Daniel 1:2

Unwoti ɔ́ya na ɔ́di lɛlɔ na úƒie Yehoiakim ɔ́tɔlɔku, na úti ala adi bene ani beeti taabla kabla na Katɔti kakpakɔ lɛnɔ ɔ́tɔlɔku. Na uwi ɔni na Babilon ɔga ɔmmɔ ɔ́sɔ únwini úsie Babilon ni, úti ala ammɔ útése ɔtɔ na nwuna baƒiɔ kakpakɔ.

Daniel 5:11

Ukyuli ɔdi ɔkya ƒula lɛga kadikɔ kemmo na baƒiɔ kedee béte-nwu ɔyikun sɛsɛɛ ɔdi. Uwi ɔni na ƒ'ɔti Nebukadnesar ɔdi ɔga ni, uwi ɔmmɔ ƒui na bagyi ka ukyuli ɔmɛni ɔdi ɔnundane na ɔgyi lɛla, na ɔɔnu ala taati pla pla geen aani baƒiɔ bammɔ alati kani. Anwuɔsu na ƒ'ɔti úti-nwu únyene bevone bani mɔɔtɛmiku bekpine ayu ku ama bani mɔɔnu ayabi na beebó like mmɔ ƒui kenye.

Daniel 5:13

Amu ka bátákpanku Daniel béboku ni, ɔga ɔmmɔ ɔ́su ɔnini, “Básu-mi ka awɔ ndi Daniel ɔni nkya bekyuli beƒiedi bani na mina ɔti ɔ́kpanku ɔ́siku Yuda kalɔ lɛlɔ úboku mɛni akɔ!

Daniel 5:18

“Ati, Katɔti Ɔni Ntulo Ƒui ɔ́bla na ƒ'ɔti únwini ɔyikune geen na ɔ́ƒɔ lɛnyi na ɔ́ya na bekyuli baabu-nwu na uukeye lɛnɔ.

Daniel 5:23

Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Daniel 5:3

Amu ka béti lɛɛƒɛɛ lɛmmɔ béboku ni, ukyuli biala ɔni nkya adila ammɔ kadikɔ mmɔ ɔ́ni ntɛ na lɛɛƒɛɛ lɛmmɔ kemmo na beemwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi mmɔ.

Daniel 5:30

Amu na usien ɔmmɔ kani lɛlɔ ni, bádu ɔga ɔmmɔ.

Bumomo Bɔka 7:79

Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,