Daniel 5:19 - Katɔti Ɔku Kedee

¹⁹ Ala enengudi ammɔ udu na Katɔti ɔ́bla úte-nwu na ɔ́bla kayawi adi lidu batɛmine ƒui dɛye dɛye, na lɛlɔ lɛ́tɔ-ma ku bɔyia geen. Ƒ'ɔti ɔ́kɛ ɔyikun geen na ukyuli biala lɛlɔ ɔni na ɔkana na ɔya na elie ngba iye ɔya na badu-ɔ muedi, na ɔkana na ɔkɔliku-ɔ katɔ iye ɔyila-a udu kalɛ biala na ɔ́su na ɔdi-nwu lɛƒɔyɔ.

Daniel 5:19 ပူးပေါင်းရင်းမြစ်များ

Baga 2 25:28

Ewil-Merodak ɔ́nu ɔga ɔmmɔ kɔnyana na úte-nwu kenyekɔ kani nákɔ na kebo ɔbu ketulo baga bakladi bani béƒie bátákya Babilon mmɔ kadi.

Agba 16:14

Ɔga kɔnyi kenye kelenu bunye kuubile ala. Na banundane baasia ulu biala lɛlɔ ka bayala-nwu kaƒɔ.

Etemila 8:3

Tababla na akyaku ɔga unyeƒi si ɔ́ɔlɛ nwuna lɛla lɛdi ugyii iye ata enye-nwu lɛlɔ.

Esekiel 31:11

Anwuɔsu ami Unwoti Katɔti ndubo kugyii kɔmmɔ buni na liti-ku lɛkya ɔƒɔ lɛlɔ ɔdine ɔdi kalɔ na ɔni-ku kɔtu na kuna kalala ala bɔbla ɔsu.

Daniel 11:12

Na ɔga ɔmɛni ɔdubo lɛmɛnɛ butaakun geen na bekyuli lisu bonwu lɛni na ɔ́du ɔsu. Nsu bekyuli bukpo taadi lɛlɔ bɔmɛni bɔɔɔdubo uwi ɔdi bɔƒɔ.

Daniel 11:16

“Na ɔga ɔni nékpo ɔ́si katɔ kakɛ mmɔ ɔdubɔbla kalɛ biala mɔɔyɔ́-nwu kaƒɔ na ɔdubo kalɔ kedee kammɔ muedi buƒie bɔƒɔ na ubile-ka.

Daniel 11:3

Na ɔga ɔyikune ɔdi ɔdubo ubelie liboku lɛlɔ, na mmɔ na anwu utaabla lɛla lɛni mɔɔyɔ́ ɔga ɔlakɛne ɔmɛni kaƒɔ.

Daniel 11:36

“Ɔga ɔmmɔ ni, lɛla lɛni mɔɔyɔ́-nwu kaƒɔ na ɔdubo butaabla. Na ɔdubo lɛlɔ katɔ bɔtalaku na ɔtina ka ubo kenyekɔ utulo baƒiɔ ƒui. Na ɔdubo Katɔti ɔlati buteedumi. Na geen ni, lɛla biala lɛdubo bɔsia kalɛ na ɔɔwia wetédu uwi ɔni na kɔnyi kɔni na Katɔti úti ɔ́kya anwu ɔlati ku nwuna bekyuli kɔ́yɔ-nwu.

Daniel 3:29

Na mɔɔsu geen ka lɛɛɛdubo kuƒi bute na bekyuli bani nási kadi ƒui akɔ ku adi ƒui batɛmine akɔ ɔdi ɔsu lɛla lɛdi iye ɔtɛmi uwi-ma. Si ɔdi ɔ́bla lɛni ni, ndubɔya na bekulo-nwu eku eku na babwɛ-nwu kaduli kɔkɛ kɔkɛ. Ɔsika baƒiɔ bayikune badi beeebo ɔyikun ɔni na baƒɔ ukyuli ɔdi ngba lɛni.”

Daniel 3:4

Amu na ɔkutine unengu ɔdi ɔ́ta únye na úte bɔti ɔnii, “Amii bani nási kadi ƒui akɔ ku adi ƒui batɛmine bíbo mɛni, binu ɔda bubo bɔni na bula ɔga úte ka badi-mu lɛlɔ!

Daniel 3:6

Ukyuli biala ɔni meni lili kalɔ bɔkya bute-nwu ni, badubo-nwu buƒwimi bɔkya lɛgyavonku kemmo.”

Daniel 4:17

“ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Daniel 4:19

Amu na uwi klukui ɔdi kemmo ni, Daniel kasusu kéƒu-nwu na kayi lɛnɔ kákpulu-nwu na kasusu kani na ɔɔbla taasiku kɔna kɔmɛni lɛlɔ ɔsu. Nsu Ɔga ɔ́su-nwu ɔnini, “Beltesasar kasusu ketekpoku-ɔ, na kayi lɛnɔ katakpulu-ɔ na kɔna kɔmɛni ɔsu, iye lɛla lɛni na kuna kalɔ budie bɔdanku lɛlɔ.” Mmɔ na Daniel údie kenye ɔnini, “Ɔga Ɔbune, si nka ƒula bekisine lɛlɔ na égye kɔna kɔmɛni udu ni, nka kaƒɔ kadubɔyɔ-mi!

Daniel 4:22

Ɔga Ɔbune, awɔ ndi kugyii kɔmmɔ. Na kalɛ na áƒɔ lɛnyi ni, ákɔ ésie katɔ katɔ ƒui, na ƒula lɛga kadikɔ káƒɔ kalɔ ƒui lɛlɔ.

Habakuk 2:5

“Ntɛ buubile ukyuli, na ulabla ala siin. Na bekyuli bani mɔɔnu lɛlɔ katɔ katɔ ni, ala elemo-ma na bátavumana ku kukpi kɔni mɔɔdú bekyuli na kulemo. Ɔsika lɛni na bana nnye búbimi buwi ka bebweli ukyuli biala.

Yohane 19:11

Mmɔ ni, Yesu údie kenye ɔnini, “Nka alákɛ ɔyikun ɔdi na mina lɛlɔ si ɔɔɔdi Katɔti néte-ɔ kuƒi kɔmmɔ. Anwuɔsu ukyuli ɔni néti-mi ɔ́kya-a kɔnu kemmo ni, ɔ́bla likpidi útulo-ɔ.”

Romaƒuɔ 13:1

Ɔlɛka ukyuli biala uti ɔbu ute kalɔ lɛlɔ batɔnkune. Ɔsika ɔtɔnkune ɔdi uuubo ɔyikun ɔdi si ɔɔɔdi Katɔti kudɔ na ɔ́si. Na batɔnkune bani nli ɔƒɛni ni, Katɔti néti-ma úse mmɔ.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.