Daniel 5:16 - Katɔti Ɔku Kedee

¹⁶ Nsu básu-mi ka awɔ agyi lɛla biala na aakɛ́ ala ani na ebo ɔkplu geen muedi kasusu. Na ɔƒɛni ni, si ákana na áka ala amɛni na édie-nya kalɔ lɛnɔ éte-mi ni, adubo bunwini ukyuli ɔtɛdi ɔni ndubunye kenyekɔ kenengudi na ubo ɔyikun geen lɛnɔ na mina lɛga kadikɔ. Na adubo awu ɔni náƒɔ kuye geen butaakya na akya sika ugyiedi kɔsɛɛ ɔkwɛ.”

Daniel 5:16 ပူးပေါင်းရင်းမြစ်များ

Ala Kalɔ Buse 40:8

Amu na bédie kenye banini, “Bula inyɔ ƒui búgye ana ani na bútakɛ ukyuli ɔni nedie-nya kalɔ ute-bu.” Mmɔ na Yoseƒ úye-ma ɔnini, “Bɛɛɛgyi ka Unwoti Katɔti muudie ala kalɔ? Bɛsu-mi bina ana ani na bígye.”

Ala Kalɔ Buse 41:15

Mmɔ na Ƒarao ɔ́su Yoseƒ ɔnini, “Lígye kɔna kɔdi na ɔdi biala útakana-ku kalɔ budie. Nsu básu-mi ka awɔ aakana na eedie ana kalɔ si básu-ɔ kɔdi.”

Ala Kalɔ Buse 41:42

Amu na Ƒarao údie nwuna lɛgadi kakwɛnimi na kɔnu ɔ́kya Yoseƒ kɔnu. Na ɔ́ya na béti awu gyɔlɔɔ kpɛtɛ kpɛtɛ ɔbuni ɔdi bákya-nwu. Na béti sika ugyiedi adala bákya-nwu ɔkwɛ.

Daniel 2:48

Ɔmmɔ kama ni, ɔga ɔmmɔ úte Daniel ala pii na ɔ́kɔliku-nwu kenyekɔ, na únwini aban ɔgadine unengu na Babilon kalɔ kammɔ lɛlɔ, na úti-nwu únwini banundane bakladi ƒui lɛlɔ ɔnune.

Daniel 2:6

Mmomu si bɛ́kana na bɛ́su-mi kɔna kɔmmɔ ku kuna kalɔ budie ni, bɛdubo lɛyuƒɔla bonwu bɔkɛ na bekyuli bete-mii ɔbu geen. Anwuɔsu ɔƒaani ni, bɛsu-mi kɔna kɔmmɔ ku kuna kalɔ budie.”

Daniel 5:29

Mmɔ kani ni, Belsasar údie lɛdi ɔnii beti Daniel benyene ɔyikun kenye katɛdi lɛlɔ na nwuna lɛga kadikɔ na beti awu ɔni náƒɔ kuye geen mmɔ bakya-nwu na bakya-nwu sika ugyiedi kɔsɛɛ ɔkwɛ.

Daniel 5:7

Amu na ɔga ɔmmɔ ɔ́kpali nwuna bevone bani mɔɔtɛmiku bekpine ayu ku ama bani mɔɔnu ayabi na beebó like ɔnii bebo. Na ɔ́su banundane bamɛni ɔnini, “Ukyuli ɔni ndubɔkana ala amɛni bɔka na udie-nya kalɔ ute-mi ni, ɔdubunwini ukyuli ɔtɛdi ɔni ndubɔkɛ kenyekɔ ku ɔyikun butulo ƒui na mina lɛga kadikɔ. Na ɔdubo awu ɔni náƒɔ kuye geen butaakya na ɔkya sika ugyiedi kɔsɛɛ ɔkwɛ.”

Daniel 6:2

Na kalɛ na ɔnu ka lɛla biala liisié siin na nwuna aban ɔmmɔ kemmo ɔsu ni, Dario ɔ́sɔ ɔ́ƒuna bakutine ɛtɛ bamba únyene kunyekɔ kɔdi ka bataanu aban bagadine bamɛni lɛlɔ. Na bakutine bamɛni akɔ unwi ndi Daniel.

Batalane Kabla 8:18

Ka Simon ɔ́nu ka si batalane bamɛni béti enu básia-ma eli na baaƒɔ́ Katɔti Kɔyu ni, úti egulabi ɔnii uute batalane bamɛni na ɔ́su-ma ɔnini,