Daniel 5:11 - Katɔti Ɔku Kedee

¹¹ Ukyuli ɔdi ɔkya ƒula lɛga kadikɔ kemmo na baƒiɔ kedee béte-nwu ɔyikun sɛsɛɛ ɔdi. Uwi ɔni na ƒ'ɔti Nebukadnesar ɔdi ɔga ni, uwi ɔmmɔ ƒui na bagyi ka ukyuli ɔmɛni ɔdi ɔnundane na ɔgyi lɛla, na ɔɔnu ala taati pla pla geen aani baƒiɔ bammɔ alati kani. Anwuɔsu na ƒ'ɔti úti-nwu únyene bevone bani mɔɔtɛmiku bekpine ayu ku ama bani mɔɔnu ayabi na beebó like mmɔ ƒui kenye.

Daniel 5:11 ပူးပေါင်းရင်းမြစ်များ

Ala Kalɔ Buse 41:38

Anwuɔsu Ƒarao úye benengu bammɔ ɔnini, “Wɛ na bɔdubɔkɛ ukyuli bamba ɔdi aani Yoseƒ ɔmɛni kalɛ ɔni na Unwoti Katɔti Kɔyu kɔ́ƒɔ-nwu lɛlɔ kemmo lɛni?”

Samuel 2 14:17

“Lɛ́su lɛlɔ na mina kakali kemmo nnini, ‘Kuli kɔdia na linu lɛla lɛni mɔɔyu kayi buɛɛ lɛsiku ɔga kudɔ, ɔsika kalɛ na Katɔti batu bese ni, lɛni kani na mina ɔga use ute-mi. Na ɔdubɔnu likpidi ku lɛbuni kavumana ɔti na ɔƒuna lɛbuni. Na muuvele nnii Unwoti ɔni ndi ƒula Katɔti ulieku-ɔ.’ ”

Esekiel 28:3

Aabu ka áda anu etulo Daniel na agyi lɛla biala.

Esekiel 28:4

Sɔsɔ ƒula lɛnunda lɛ́ya na énwini ɔlakɛne, ɔsika ebo sika ugyiedi ku ɔƒualadi geen na ƒula egulabi kesekɔ.

Daniel 1:4

Na ɔga ɔmmɔ ɔ́sɔ ɔ́su-nwu ɔnini, “Nu ka bekyuli bammɔ bebo ɔlɔkplu kaduɛ na baadia bɔnu, na báda anu na bebo ababla, na badi bakutine lɛnɔ na bámanku ka babla kabla na ɔga kesii. Na atina-ma kalɛ na baatɛmi bula lɛdi ku bunweni lɛnɔ.

Daniel 2:11

Ɔmɛni ulatɛ bɔbla amu ntu baƒiɔ bayikune bani nkya kayaa, na beeelie-bu kudɔ na kalɔ lɛlɔ mɛni.”

Daniel 2:22

Awɔ muudie abɛla ani kemmo nágyu kalɔ, ɔsika kesii kani nse suu ƒui muedi ni, ɔdi bukeye ute awɔ.

Daniel 4:18

“Kɔna kɔmɛni ndi kɔni na ami Ɔga Nebukadnesar lígye, na banundane bammɔ ɔdi útakana-ku kalɔ budie. Nsu lɛ́ƒɔ lɛ́di ka baƒiɔ kedee béte awɔ, Beltesasar, ɔyikun sɛsɛɛ, na adubɔkana na edie kɔna kɔmɛni kalɔ.”

Daniel 4:5

Lígye kɔna kɔdi na kɔɔda liƒu geen ku kɔyu kemmo ala adi bene bɔnu.

Daniel 4:6

Anwuɔsu lɛ́lɔ banundane bani nkya Babilon kalɔ lɛlɔ ƒui nnii bebo mina kesii na bebedie kɔna kɔmɛni kalɔ bete-mi.

Daniel 5:14

Muunú ka baƒiɔ béte-ɔ ɔyikun sɛsɛɛ ɔdi ɔni náya na áda anu na agyi lɛla geen.

Daniel 5:7

Amu na ɔga ɔmmɔ ɔ́kpali nwuna bevone bani mɔɔtɛmiku bekpine ayu ku ama bani mɔɔnu ayabi na beebó like ɔnii bebo. Na ɔ́su banundane bamɛni ɔnini, “Ukyuli ɔni ndubɔkana ala amɛni bɔka na udie-nya kalɔ ute-mi ni, ɔdubunwini ukyuli ɔtɛdi ɔni ndubɔkɛ kenyekɔ ku ɔyikun butulo ƒui na mina lɛga kadikɔ. Na ɔdubo awu ɔni náƒɔ kuye geen butaakya na ɔkya sika ugyiedi kɔsɛɛ ɔkwɛ.”

Batalane Kabla 12:22

Na nwuna butemi bɔwɔlɔ ni, bekyuli bamɛni bémwi-nwu ku bɔva na básu banini, “Unwoti Ɔyikune geen muutemi! Na ɔɔɔdi ukyuli ɔyawine!”

Batalane Kabla 14:11

Ka bekyuli bani nnye beenú litemi mɛni bánu lɛla lɛni na Paulo ɔ́bla ni, báva momoomo na Likaonia lɛdi kemmo básu banini, “Baƒiɔ badi! Bébo-bu kudɔ aani bekyuli kalɛ!”

Batalane Kabla 16:16

Amu na limeyi lɛdi uwi ɔni na búsela butákpali katɔ ni, bɔ́siaku ugblebi ɔdi ɔni lɛlɔ na kɔyu kukpidi kulie na uubó like. Na ɔɔbla egulabi kaduɛ teete nwuna benwoti.

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.