Daniel 4:32 - Katɔti Ɔku Kedee

³² Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Daniel 4:32 ပူးပေါင်းရင်းမြစ်များ

Ala Alɛdi 2 33:13

Unwoti únu-nwu buvele na ɔ́nu kalɛ na nwuna ekpidi éduo-nwu. Anwuɔsu ɔ́ya na ɔ́sɔ únwini úsie Yerusalem na ɔ́sɔ úsie ɔɔdi lɛga. Na ɔ́si uwi ɔmmɔ úsela ni, Manase ɔ́nu ɔ́ti ka Unwoti ndi Katɔti sɔsɔ.

Hiob 42:2

“Ukyuli biala ulakana na wata wenye-ɔ lɛlɔ, ɔsika awɔ mbo ɔyikun na akana na abla lɛla biala na aayɔ́.

Hiob 9:12

Si úkpeli lɛla lɛdi ɔ́ƒɔ na ukyuli enu kemmo ni, ɔma ndubo bɔnwanɛku-nwu, iye uye-nwu ɔnii, ‘Bi na aabla?’

Kɔgya 115:3

Bula Katɔti ɔkya katɔ na ɔɔbla lɛla lɛni mɔɔyɔ́-nwu kaƒɔ.

Kɔgya 135:6

Lɛla lɛni mɔɔyɔ́-nwu kaƒɔ ni, ani na Unwoti Katɔti ɔɔbla na katɔ mmɔ ku kalɔ lɛlɔ ku ɛpu kemmo ku kalɔ kemmo ƒui.

Israelƒuɔ Bɔlɛ 8:10

Mmɔ ni, Ƒarao údie kenye ɔnini, “Bo na ebevele Unwoti ete-mi kɔnaadi.” Amu na Mose udie kenye ɔnini, “Línu. Ndubɔbla lɛla lɛni na éye-mi lite-ɔ. Na mmɔ na adubɔnu bɔti ka Katɔti ɔdi uuubo na utulo bula Unwoti Katɔti.

Israelƒuɔ Bɔlɛ 9:14

si ɔɔɔdi lɛni ni, ɔƒɛni na ndubɔya na ɔgbankpi ɔmmɔ ubasiaku-mii kpakplaa ku ogya awɔ ku ƒula benengu ku kadi bekyuli ƒui, na mmɔ na adubo bɔnu bɔti ka Unwoti ɔdi uuubo aani ami kalɛ na kalɔ kamɛni ƒui lɛlɔ.

Israelƒuɔ Bɔlɛ 9:29

Amu na Mose ɔ́su Ƒarao ɔnini, “Si lɛ́nya lɛ́lɛ ɔma ubendi ɔmɛni kemmo ni, ndubɔkɔliku enu katɔ na livele Unwoti na etubankɛ ku katɔ budu bɔmmɔ ƒui kenye kawɔ, na anu ati ka Unwoti nédie kayawi na anwu mbo-ka.

Yesaia 37:20

Na ɔƒɛni ni, O Unwoti, buvele na bɔda-a bɔnii die-bu na nwuna enu kemmo, kalɛ na kayawi lɛga kɔdikɔ ƒui bekyuli banu bati ka awɔ kani ndi Unwoti ku Katɔti ɔmmɔ.”

Yesaia 40:15

Geen ni, bekyuli bayawine baaadi lɛla lɛdi na Unwoti anumi. Mmomu buse bese aani kalɛ na ntu buudú teebo lɛkpibui kemmo kani iye aani ɔtumu na unu lɛnila lɛlɔ. Na ɔɔnu ntuntɛkɔlɔ ƒui aani ɔtumu na nwuna lɛkɔkɔ.

Yesaia 40:17

Kayawi kadi bekyuli ƒui baaadi Unwoti lɛla lɛdi na ulánu-ma taakya lɛla lɛdi kemmo munu munu.

Yesaia 45:3

Ndubuti akɛla ani nkya kabɛkɔ ku kasuudikɔ ƒui lite-ɔ. Na adubɔnu ati ka ami Unwoti Israel Katɔti nákpali-ɔ na ébo-mi kudɔ ku lɛnyi lɛni na lɛ́sia-a.

Yeremia 27:5

Na ami nédie kalɔ ku kana bekyuli ku bebuo bammɔ ƒui ɔkɛnku mina ɔyikun lɛlɔ. Na ami mɔɔtina ukyuli ɔni madi kalɔ kammɔ lɛlɔ.

Daniel 2:21

Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Daniel 4:31

Nsu asa na útaawɔlɔ ala amɛni bɔsu ni, lɛdi lɛdi lɛ́si katɔ na líkulo-nwu kenye lɛnini, “Ɔga Nebukadnesar, lɛga kadikɔ kammɔ kasɔ kaaadi awɔ kadi.

Daniel 5:21

Nwuna kasusu kénwini ebuo kadi, na bábɔku-nwu na ɔ́lɛ bekyuli akɔ úsie uliku alakpi akɔ bebuo na ɔ́kun livo aani ɔmantɛ bakɔ. Na alakpi akɔ mmɔ kani na ɔɔtɛ, na amii eewi-nwu. Bénye-nwu lɛlɔ na ɔ́bla ɔmɛni úti útédu uwi ɔni na ɔ́nu ɔ́ti ka Katɔti Ɔni Ntulo Ƒui mɔɔdi kayawi lɛga kɔdikɔ ƒui lɛlɔ. Na anwu kani muudie lɛlɔ badine bani na ɔ́ƒuna ka badi lɛga.

Yosua 4:24

Ɔ́bla ɔmɛni úti ɔ́tina kayawi bekyuli ƒui na banu bati ka ubo ɔyikun geen. Na ɔmɛni ɔdubɔya na bayia Unwoti bana Katɔti uwi biala.”