Daniel 4:27 - Katɔti Ɔku Kedee

²⁷ Anwuɔsu, Ɔga Ɔbune, buvele, nu kalɔ na abla lɛla lɛni na ndubo-ɔ bɔsu mɛni. Da ƒula ekpidi ani na aabla ya na enwini kama akya-nya na ataabla lɛbuni. Na ataanu bekyuli bani na ala eekpóku kɔnyana, na ɔƒaalɛ lɛla biala lɛdubɔtɛ lite-ɔ.”

Daniel 4:27 ပူးပေါင်းရင်းမြစ်များ

Ala Kalɔ Buse 11:4

Na básu lɛlɔ banii, “Bibo na bɔda ɔma unengudi ɔdi bute lɛlɔ. Na bɔtu katu taasia ɔtɔ bonwu ɔdi na ɔkuku útédu Katɔti kudɔ. Na bɔƒɔ lɛnyi linengudi na bulegyingya bulakya kayawi.”

Baga 1 21:29

“Ánu áti kalɛ na Ahab úboku lɛlɔ kalɔ na mina anumi? Ɔ́si lɛla lɛni na ɔ́bla mɛni ɔsu ni, lɛɛɛdubo ɔgbankpi ɔdi buti buboku-nwu lɛlɔ na nwuna ngba uwi. Mmomu ndubɔya na ɔgbankpi ɔmmɔ ɔlɛ nwuna kaduli na ubidi uwi.”

Kɔgya 119:46

Ndubunye baga anumi na lidie ƒula ɔda bubo keyi lɛtina-ma na kɔƒa kulékpo-mi.

Agba 11:2

Si aatalaku lɛlɔ katɔ ni, kɔƒa bɔdi nsia. Nsu si eeboku lɛlɔ kalɔ ni, na aadá anu.

Agba 16:6

Bɔyɔ bɔni neeebo kawɔkɔ ku litemi lɛlɔ bɔdi uwi ndi uwi uuti ala teebi likpidi. Na si aayia Unwoti ni, eekeli likpidi.

Agba 28:13

Bekyuli bani muuti ala teebi bana ekpidi ni, ala aládianku-ma. Nsu si bédie-nya kalɔ na béni-nya ni, Unwoti ɔdubɔnu-ma kɔnyana.

Yesaia 10:13

Ɔɔtina lɛlɔ ku enyekpi taasu ɔnini, “ ‘Ami ɔlati mina ɔyikun ku lɛlati ku lɛnunda kemmo na líkpo bekyuli bamɛni na lɛ́di-ma lɛlɔ na líƒie kɔlɔ pii ku bana akɛla lɛ́ƒɔ na lɛ́di baga bammɔ lɛlɔ na lɛ́yila-ma udu ƒui.

Yesaia 47:10

Bɛ́bɛ binye bina ekpidi pii ani na bɛɛbla kama aani kekpo lɛgyumanala na bíse kayi bɛɛsu bɛnini, ‘Ukyuli ɔdi ulanu-bu!’ Nsu bina lɛlati ku lɛnunda líse-mii lisusu, na bɛ́kali ka amii kani ndi bayikune bani mɔɔdi lɛlɔ.

Yesaia 47:8

“Bɛ́bu bɛnii amii kani ndi bayikune ntulo ƒui, na amii bilénwini bekpinele, na bina bebi lɛnɔ belekpi. Mmomu lɛla lɛni kani lɛlɔ na bina anu asia ndi, bɔdi ku bɔni ngba emini. Nsu binu lɛla lɛni na mɔɔsu-mii ɔƒɛni.

Yeremia 29:7

“Bɛkpali katɔ ka keyi kayɔku Babilon mmɔ, na bɛda bina kabla kaduɛ kalɛ na káyu. Ɔsika si ala átɛku bekyuli na kalɔ kammɔ kemmo ni, lɛlɔ lɛdubɔyɔku-mii na mmɔ lɛnɔ.

Yeremia 38:20

Amu na lɛ́su-nwu nnini, “Lɛ́su-ɔ ka si adubunu Unwoti litemi ni, Babilonƒuɔ baaadubo-ɔ buti bɔkya Yudaƒuɔ enu kemmo, mmomu adubulie ƒaa na ala adianku-ɔ kaduɛ.

Esekiel 18:7

Na ulanya ukyuli taakya iye uyu ɔdi lɛnɔ. Na lɛla biala na ukyuli ɔdi úti úse lɛlɔ kama úte-nwu asa na úvo lɛla lɛdi ni, ɔɔsɔku-ni teete-nwu. Na uleyu bekyuli. Na uute bawabane adila. Na bani nkɛ ku kasɔngya ni, uute-ma adala.

Esekiel 29:3

ami nnini, ‘Awɔ Egyipte ɔga, ábla lɛlɔ aani odenge bonwu ɔdi na ɔtɛ ketu kemmo. Na átaabla lɛlɔ aani si Nil Ketu bonwu kammɔ ƒui ɔwɔ kadi na kadi na awɔ nábla-ka éte lɛlɔ. Nsu ɔƒaani ni, ami Unwoti Katɔti línwini ƒula ukisine!

Esekiel 29:9

utédu uwi ɔni na ƒula kalɔ kadubunwini kalɔ kekpludi kani nákwii na kasɔ kaladia lɛla lɛdi bɔbla. Mmɔ na adubɔti ka ami nábla ala amɛni. “ ‘Aasu taatina aani ka awɔ nábla Nil Ketu kammɔ na awɔ mɔɔdi-ka lɛlɔ.

Yoel 2:14

Ami ndi Unwoti Katɔti na ɔƒɛni kalɛ ndubɔvumana mina kasusu na lɛnu-mii kɔnyana. Na kusɛ kusɛ ɔdubɔsiaku-mii na bɛkɛ edula pii ku ntɛ na biti bɛbla lɛkpa etela bite-mi.”

Amos 6:13

Lɛlɔ lɛɛyɔ́-mii na bɛɛkun lɛmɛnɛ teetu kɔnu kayi ka amii alati ɔyikun kemmo na bɛ́di lɛlɔ na Lo-Debar, na nwuna kalɔ ndi Kekeeke. Na bɛɛsu ka bina ɔyikun ɔsu na bɛ́ƒɔ Katranaim, na nwuna kalɔ ndi Ese ani nnye nte ɔyikun.

Yona 3:9

Ɔƒaalɛ Katɔti ɔdubo bɔvumana nwuna kasusu, na ɔnu-bu kɔnyana na nwuna kɔnyi kɔsɔ kulebo-bu lɛlɔ na ɔyila-bu ku udu.”

Habakuk 1:11

Na si bekyuli bekpidi bani mɔɔkun lɛmɛne mɛni na baanu bana ɔyikun teetulo lɛla biala báwɔlɔ lɛni ni, na batɔlɔ mmɔ kɔnakunwi aani kalɛ na ɔƒɛƒɛɛ ɔdi uukpó taavi ku usi.”

Seƒania 2:15

Ɔma ɔni néteekeye na baasu banini, “Abu kani na bɔdi” ni, ɔƒɛni amu únwini atɔnku na lɛla biala líbie na únwini bebuo keliekɔ, na bekyuli bani ƒui mɔɔví taanu bɔpii kani na baapii taakywɛ-nwu anumi.

Mateo 3:8

Bɛtina na bina ɔbladu kemmo ka bínwini kama bɛ́kya bina alaekpidi.

Luka 11:41

Biti ala ani ƒui nkya bina akyami ku lɛɛƒɛɛ kemmo mmɔ bite bawabane kalɛ na bina lɛla biala lɛbla sɛɛn.

Batalane Kabla 24:25

Amu na uwi ɔni na ulie uudie ala kalɔ taasiku bɔƒɔtaadi ngba buni bulie ku lɛlɔ bɔti bɔda ku litemi bɔtɛ bɔni ndubo diɛdi lɛlɔ ni, liƒu geen lɛ́da Ƒelike. Na mɛni na Ƒelike ɔ́su-nwu ɔnini, “Ta, na eteesie. Na si lɛkɛ kɔnu kaduɛ ni, ndubɔya na balɔ-ɔ bete-mi.”

Batalane Kabla 26:20

Lɛ́ka litemi buni bɔsu bute Damaskoƒuɔ ku Yerusalemƒuɔ ku Yudaƒuɔ ƒui ku bani naaadi Yudaƒuɔ lɛnɔ nnii benwini kama bakya bana ekpidi na beti anumi besienku Katɔti kudɔ, na bataabla ala ani mɔɔtina ka bávumana sɔsɔ.

Batalane Kabla 8:22

Da anumi die kasusu kekpidi kamɛni lɛlɔ na akpali katɔ. Ɔƒaalɛ Katɔti ɔdubuti ƒula likpidi ɔkyiɛ-ɔ na ƒula kasusu kekpidi kamɛni lɛlɔ.

Korintoƒuɔ 2 5:11

Ka bɔgyi kalɛ na ɔlɛka bɔyia Blɔti ɔsu ni, bunye bekyuli lɛlɔ ka benu-bu kalɔ. Katɔti ɔgyi-bu kede kede na mɔɔsia anu ka amii lɛnɔ bɛti bula udu kaduɛ.

Galatiƒuɔ 5:13

Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Lɛkpa Ulu 24:13

Mmomu useyi uwi ni, ti ɔwabane ɔmmɔ kɔdi boku-nwu na ubi lɛlɔ ɔtɛ. Na ɔmɛni ɔdubɔda-nwu kubiti na kaƒɔ kadubɔyɔ bina Unwoti Katɔti.

Lɛkpa Ulu 32:27

Nsu naaawia ka bana bekisine bataakun lɛmɛnɛ taasu banii, ‘Bɔ́di-ma lɛlɔ ɔni na kebunku kadi kátasi Unwoti kudɔ.’ ”

Lɛkpa Ulu 8:17

Na si bɛ́kɛ akɛla amɛni udu ni, ɔdi utasu ɔnini, “Akɛla pii ani na mbo mɛni ni, ami ɔlati ɔyikun ku ɔlɔkplu na líti lɛ́kɛ-nya.”

Petro 1 4:8

Na ɔni ntulo ƒui ni, bitaayɔ lɛlɔ ku kaƒɔ nwaa. Ɔsika si bɛɛyɔ́ lɛlɔ ni, bɛsɔ bilátaanu bina banwa ekpidi pii.