Daniel 4:26 - Katɔti Ɔku Kedee

²⁶ Nsu úbo ɔda ɔnii batabla ligyukui lɛmmɔ iye ligyiitu lɛmmɔ lɛla lɛdi biala. Ɔmɛni ɔɔtina ka adubɔsɔ enwini abadi lɛlɔ aani ɔga kalɛ si uwi ɔni na ánu áti ka Katɔti mɔɔdi lɛla biala lɛlɔ taasiku katɔ kesii kani na ulie mmɔ.

Daniel 4:26 ပူးပေါင်းရင်းမြစ်များ

Daniel 2:18

Na ɔ́su-ma ɔnini, “Bivele na Katɔti ɔni mɔɔdi lɛlɔ ɔ́si katɔ kakaaka udie abɛla amɛni keyi kalɛ na baládu-bu ku bekyuli bakladi.”

Daniel 2:19

Usien ɔmmɔ ni, Katɔti údie ɔga ɔmɛni kɔna kɔmmɔ ɔ́tina Daniel na kɔyu kemmo ala bɔnu kemmo ku kuna kalɔ budie. Anwuɔsu úmwi Katɔti ɔni nli mɔɔdi lɛlɔ ɔ́si katɔ kakaaka ƒui ɔ́su ɔnini,

Daniel 2:37

Ɔga Ɔbune, awɔ ndi ɔga unengudi ƒui ɔmmɔ na Katɔti úte-ɔ ɔyikun sɔsɔ, na ɔ́ya na bekyuli baabu-ɔ.

Daniel 4:15

Nsu ya na ligyukui lɛmmɔ lɛsɔ linye na kuna ligyiitu lɛda kalɔ na lɛku kemmo alakpi akɔ mmɔ. Ti abuala kpakplaa ku abuala egyiedi na ebo-nwu lɛkpu. “ ‘Sia anu na ɔnantu ku amii aƒɔ-nwu lɛlɔ ƒui na ulie ngba aani bebuo bamba kalɛ na alakpi akɔ mmɔ.

Daniel 4:23

“Na ɔmmɔ kama ánu Katɔti ɔtu kedee ɔdi ka ɔ́yu ɔ́si katɔ úbo na ɔ́su ɔnini, ‘Bɛda kugyii kɔmmɔ bɛva kalɔ na bɛyila-ku udu! Nsu kuna ligyukui ani liteenye na nwuna ligyiitu lɛda kalɔ. Na beti abuala kpakplaa ku abuala egyiedi bebo-nwu lɛkpu na lɛku kemmo alakpi akɔ mmɔ. Na ɔ́sɔ unye mmɔ akwa maatɛ ku alakpi akɔ bebuo bamba na kayaa amii aƒɔ-nwu lɛlɔ ƒui.’

Daniel 4:31

Nsu asa na útaawɔlɔ ala amɛni bɔsu ni, lɛdi lɛdi lɛ́si katɔ na líkulo-nwu kenye lɛnini, “Ɔga Nebukadnesar, lɛga kadikɔ kammɔ kasɔ kaaadi awɔ kadi.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Daniel 5:20

Nsu ka úbo ɔɔbla atuɔkplu na ɔɔtalaku lɛlɔ katɔ na ɔsɔ ulabu Katɔti ni, úkpeli nwuna lɛgadi lɛmmɔ ɔ́lɛku-nwu lɛkɔkɔ.

Daniel 5:21

Nwuna kasusu kénwini ebuo kadi, na bábɔku-nwu na ɔ́lɛ bekyuli akɔ úsie uliku alakpi akɔ bebuo na ɔ́kun livo aani ɔmantɛ bakɔ. Na alakpi akɔ mmɔ kani na ɔɔtɛ, na amii eewi-nwu. Bénye-nwu lɛlɔ na ɔ́bla ɔmɛni úti útédu uwi ɔni na ɔ́nu ɔ́ti ka Katɔti Ɔni Ntulo Ƒui mɔɔdi kayawi lɛga kɔdikɔ ƒui lɛlɔ. Na anwu kani muudie lɛlɔ badine bani na ɔ́ƒuna ka badi lɛga.

Mateo 21:20

Ka batɛyane bammɔ bánu lɛni ni, kasusu kéƒu-ma. Na béye banini, “Bi náya na kɔdingyii kɔmɛni kúkpi kɔnakunwi lɛni?”

Mateo 5:34

Nsu ɔƒɛni ni, ami mɔɔsu-mii nnii bitakpali ala si biisé kenye kadi. Bitakpali ala bitalɔ katɔ, ɔsika mmɔ ndi Katɔti lɛgaboku.

Luka 15:18

Ndubo bɔta na lɛsɔ linwini nteesie mina ɔti kudɔ, na ntásu-nwu nnii, “Ati, lɛ́bla likpidi na lɛ́ƒiɔ Katɔti ku awɔ lɛnɔ.

Luka 15:21

“Mmɔ na ubidi ɔ́su-nwu ɔnini, ‘Ati, lɛ́bla likpidi lɛ́ƒiɔ Katɔti, na lɛ́ƒiɔ awɔ lɛnɔ. Na ńsɔ ńtamanku ka alɔ-mi anii ubi lɛnɔ!’