Daniel 4:25 - Katɔti Ɔku Kedee

²⁵ Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Daniel 4:25 ပူးပေါင်းရင်းမြစ်များ

Kɔgya 103:19

Unwoti ɔlati nése nwuna lɛgaboku úse katɔ. Na nwuna lɛga kadikɔ mɔɔdi kayawi ƒui lɛlɔ.

Kɔgya 106:20

Na kalɛ na ɔlɛka bakpa Unwoti ɔni muukeye ni, bávumana nwuna bukeye bɔmmɔ béte ɔmantɛ akɔ ɔni mɔɔkun livo.

Kɔgya 75:7

Mmomu Katɔti ɔmmɔ ɔlati ndubɔtɛ litemi na ɔkɔliku badi katɔ na uboku badi kalɔ.

Kɔgya 83:18

Ya na bati ka awɔ ɔni ndi Unwoti ni, awɔ kani ndi Ɔyikune Ƒui ɔni mɔɔdi kayawi ƒui lɛlɔ.

Yeremia 27:5

Na ami nédie kalɔ ku kana bekyuli ku bebuo bammɔ ƒui ɔkɛnku mina ɔyikun lɛlɔ. Na ami mɔɔtina ukyuli ɔni madi kalɔ kammɔ lɛlɔ.

Daniel 2:21

Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Daniel 2:37

Ɔga Ɔbune, awɔ ndi ɔga unengudi ƒui ɔmmɔ na Katɔti úte-ɔ ɔyikun sɔsɔ, na ɔ́ya na bekyuli baabu-ɔ.

Daniel 2:47

Na ɔga ɔmmɔ ɔ́su ɔnini, “Ɔƒɛni na lɛ́ti ka ƒula Katɔti utulo baƒiɔ bayikune bani ƒui nkya. Ɔsika anwu néte-ɔ ɔyikun na édie abɛla amɛni kalɔ.”

Daniel 4:16

Na ete-nwu alakpi akɔ bebuo kasusu na ɔkya udu ɔmmɔ kemmo akwa maatɛ.

Daniel 4:17

“ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Daniel 4:2

Na ɔdi-mi lɛlɔyɔ pii ka lɛsu-mii ala ebendi ani na Katɔti Ɔyikune Ƒui ɔ́bla úte-mi.