Daniel 4:2 - Katɔti Ɔku Kedee

² Na ɔdi-mi lɛlɔyɔ pii ka lɛsu-mii ala ebendi ani na Katɔti Ɔyikune Ƒui ɔ́bla úte-mi.

Daniel 4:2 ပူးပေါင်းရင်းမြစ်များ

Hiob 7:14

Nsu uwi ɔmmɔ na eedie liƒu ala taatina-mi na kɔna kemmo, na ulaya na mɔɔkana bɔlɛɛ.

Kɔgya 51:14

O Katɔti, die-mi na ubugya kalɔ buwi lɛtuni kemmo. Na ndubɔsu kalɛ na aaƒɔ́ bekyuli ngba.

Kɔgya 65:9

Aanu kalɔ kammɔ lɛlɔ kaduɛ. Na aaya na ɔnantu ɔɔna teewi-ka lɛlɔ na kaadia edula. Na ntukpa buubo ntu na aayá na edula lidu lidu aalɛ́.

Kɔgya 66:16

Bibo na bibenu, amii bani mɔɔyia Katɔti, na ndubɔsu-mii ala ani na ɔ́bla úte-mi.

Kɔgya 71:18

Ina lɛ́bi na lili lɛ́ƒuala-mi muedi ni, tedie-mi atu wetédu ka lɛ́ya na kaba bekyuli bani mebo kama báti ɔyikun ala ani na ábla.

Daniel 2:1

Na Nebukadnesar lɛga bɔdi lɛkwa linyɔdi kemmo ni, úteegye ana ani mɔɔda liƒu geen na ulákana bɔlɛɛ.

Daniel 3:26

Amu na Nebukadnesar ɔ́ni úde ogya ɔmmɔ na ɔ́va ɔ́kpali bakloƒu ɛtɛ bammɔ ɔnini, “Sadrak ku Mesak ku Abednego, amii Unwoti Katɔti Ɔyikune Ƒui kabla bablane, bɛvi bɛlɛ mmɔ bibo ɔƒaani!” Amu na bana ɛtɛ bammɔ bávi bálɛ ogya ɔmmɔ kemmo,

Daniel 4:17

“ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Daniel 4:24

“Ɔga Ɔbune, Katɔti Ɔni Ntulo Ƒui néti linyesia lɛmɛni úmene-ɔ ɔkɛnku kɔna kɔni na égye lɛlɔ, na kuna kalɔ budie ndi ɔmɛni.

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Daniel 4:34

Na uwi ɔni bése kawɔlɔkɔ ni, lɛ́kpali Katɔti lívele-nwu na mina kasusu kásɔ kénwini kébo-mi na ɔ́bla-mi nwaa. Mmɔ na lɛ́su nnini, “Muumwi Katɔti Ɔni Ntulo Ƒui, na mɔɔbu-nwu. Anwu nli ngba uwi ƒui.” Nwuna lɛga kadikɔ kese késela uwi ƒui. Na kadubuse ɔ́si kaba úsie kaba.

Daniel 5:18

“Ati, Katɔti Ɔni Ntulo Ƒui ɔ́bla na ƒ'ɔti únwini ɔyikune geen na ɔ́ƒɔ lɛnyi na ɔ́ya na bekyuli baabu-nwu na uukeye lɛnɔ.

Daniel 6:27

Uudie bekyuli taalɛku ɔgbankpi kemmo na baakɛ́ bɔnwuna. Ɔɔbla akɔla ala budie taatina geen na katɔ ku kalɔ lɛlɔ ƒui. Daniel Katɔti údie-nwu, na ɔ́lɛ bagyata enu kemmo.”

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Yohane 4:48

Yesu ɔ́su-nwu ɔnini, “Si bítanu ka lɛbla akɔla budie taatina ni, biláƒɔ-mi biladi.”

Yosua 7:19

Ɔmmɔ kama Yosua úye Akan ɔnini, “Mina ubi, die lɛlɔ kalɔ na Unwoti ɔni ndi Israelƒuɔ Katɔti anumi na asu lɛla lɛni na ábla. Na teti lɛla lɛdi tabɛla.”