Daniel 4:17 - Katɔti Ɔku Kedee

¹⁷ “ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Daniel 4:17 ပူးပေါင်းရင်းမြစ်များ

Baga 1 21:25

Na ukyuli ɔdi biala útelie kudii aani Ahab ɔni na úti lɛlɔ úye úte likpidi na Unwoti anumi aani kalɛ na uleku Isebel ɔ́bla.

Ala Alɛdi 2 28:22

Ala enengudi ani nálɛku Ahas mɛni ƒui kama ni, ɔ́sɔ ɔ́bla alaekpidi enengudi ani nébie etulo kudeedi ƒui ɔ́ƒiɔ Unwoti.

Kɔgya 103:19

Unwoti ɔlati nése nwuna lɛgaboku úse katɔ. Na nwuna lɛga kadikɔ mɔɔdi kayawi ƒui lɛlɔ.

Kɔgya 12:8

Bekyuli bekpidi bakɛ kesi kesii beesié taasɔ, na ukyuli biala ɔɔkya bana likyulikpi lɛmmɔ ogya.

Kɔgya 9:16

Unwoti, bekyuli ƒui bagyi-ɔ ka aabla ala ulu geen ɔmmɔ lɛlɔ. Nsu balalane ni, bana ablala eenwíni kakpagyuɛ teedie-ma.

Israelƒuɔ Bɔlɛ 9:16

Nsu kasusu kamɛni geen ɔsu na líse-ɔ lɛga kalɛ na lɛtina-a mina ɔyikun na bebo-mi lɛnyi kudu bete kayawi bekyuli ƒui.

Yesaia 6:3

Na bana ƒui baatu kɔgya ku lɛdi linwi momoomo banini, “Unwoti Katɔti, ese kedee, kedee, kedee! Katɔ ku kalɔ kéyi ku ƒula lɛlɔyɔ tɛɛ!”

Yesaia 6:8

Amu na línu ka Unwoti uuye ɔnini, “Ɔma na ndubɔtala aani mina ɔtu kalɛ lɛkya mina bekyuli na ɔma ndubusie ute-bu?” Mmɔ na lɛ́su nnini, “Ami ndubo busie! Tala-mi!”

Esekiel 25:17

Ndubo-ma kasi budie na mina kɔnyi kpakplaa kemmo na uwi ɔmmɔ na badubɔnu bɔti ka ami ndi Unwoti.”

Esekiel 7:24

Anwuɔsu ndubo ɔmii ɔni bekyuli mbo kalala geen bɔsu na bebo bebeti bina kɔduli ƒui benwini bana ɔdi. Na lɛmɛnɛ lɛni na bɛɛkun na bina bekpone kpakplaa bani na bibo lɛlɔ ni, nwuna kenye kekulo. Na badubɔbla bina kɔkpakɔ ƒui na kuteese lɛlɔ na kɔsɔ kulamanku bɔkpa bɔdi.

Daniel 11:21

“Ɔga ɔni na badubo buse na katɔ kakɛ mmɔ na udeedi kenye ni, ɔdubɔbla ukyuli ukpidi ɔni nátamanku útete lɛla lɛdi bɔbla. Na útasi baga liku lɛnɔ. Nsu ɔdubo bɔda bɔlɛ kɔnakunwi ku kenyemini ku katɔlɔ na ɔdi lɛlɔ na lɛga kadikɔ kammɔ kemmo.

Daniel 2:21

Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Daniel 4:2

Na ɔdi-mi lɛlɔyɔ pii ka lɛsu-mii ala ebendi ani na Katɔti Ɔyikune Ƒui ɔ́bla úte-mi.

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Romaƒuɔ 13:1

Ɔlɛka ukyuli biala uti ɔbu ute kalɔ lɛlɔ batɔnkune. Ɔsika ɔtɔnkune ɔdi uuubo ɔyikun ɔdi si ɔɔɔdi Katɔti kudɔ na ɔ́si. Na batɔnkune bani nli ɔƒɛni ni, Katɔti néti-ma úse mmɔ.

Korintoƒuɔ 1 1:28

Katɔti ɔ́ƒuna bekyuli bani neeebo kenyekɔ kadi na bayawine anumi, na balábu-ma lɛnɔ taakya lɛla lɛdi kemmo kalɛ na uti ɔyila bekyuli bani na bayawine baabu na báƒɔ kuye udu.

Timoteo 1 5:21

Anwuɔsu mɔɔlɛ-ɔ na Katɔti ku Kristo ku Katɔti batu ƒui anumi nnii sia ala amɛni anu kaduɛ na alanu ukyuli ɔdi anumi alabla lɛla lɛdi.

Budie Taatina 4:8

Na ngba batu ine bamɛni ƒui bebo avwi aku aku, na anumi akya avwi amɛni kemmo ku kama. Usien ku ɔƒɛ ni, baláda bɔsu taaya banini, “Kedee, kedee, kedee ndi Blɔti ɔni mbo ɔyikun ƒui, ɔni nélie, na uli, na ɔdubo bulie.”

Samuel 1 2:8

Anwu mɔɔtalaku bawabane katɔ na baalɛ́ ɔtumu akɔ, na bani mɔɔyaki ala mmɔ baata ntɔ kewikɔ, na beelie kuliekɔ kunengudi kɔni bagabi beelie. Unwoti nése kalɔ kammɔ ƒui lɛtabi ɔka kalɔ. Na nwuna lɛlɔ na ɔ́tu kayawi ƒui ɔ́lɛ na kadi nwuna kadi.