Daniel 4:14 - Katɔti Ɔku Kedee

¹⁴ Na ɔ́va ku lɛdi momoomo ɔ́su ɔnini, ‘Da kugyii kɔmmɔ va kalɔ na ekulo-ku kɔgba ƒui na ekpeli-ku evete na egyingya kuna ebi ammɔ akya. Na aya na bebuo bammɔ batɔlɔ-ku kalɔ. Na baasɛ bammɔ beveyi batɔlɔ kuna kɔgba akɔ.

Daniel 4:14 ပူးပေါင်းရင်းမြစ်များ

Hiob 24:20

Si bana ɔyikun ɔ́sa na kalɔ kamɛni lɛlɔ na bekyuli báyiƒala-ma ni, beklubi baakɛ́ adila ani na ebo-ma emini na kalɔ kemmo.

Yeremia 27:5

Na ami nédie kalɔ ku kana bekyuli ku bebuo bammɔ ƒui ɔkɛnku mina ɔyikun lɛlɔ. Na ami mɔɔtina ukyuli ɔni madi kalɔ kammɔ lɛlɔ.

Yeremia 51:6

Bɛvi bɛlɛ Babilon! Na bɛƒɔ bina lili ngba! Nsu si bɛ́ƒɔ lɛlɔ bɛkya mɛni bɔdi ni, bɛdubo bukpi si uwi ɔni na muudie ɔma ɔmmɔ kasi na mɔɔní-nwu kɔtu na nwuna ekpidi ani na ɔ́bla ɔsu.

Yeremia 51:9

“Baƒɔ bammɔ bédie kenye banini, ‘Bɔ́ɔsia-ma alɛbi ammɔ kuvo, nsu ébulo bɔsa. Bibo na bula ƒui bɔtɔlɔ buteesie bula ɔma. Lɛla biala lɛsɔ liiibo Babilon. Ala ana ƒui áyii udu.’

Esekiel 31:10

“ ‘Na awɔ Egyipte ɔga, se kɔtu na enu lɛla lɛni na ami Unwoti Katɔti mɔɔsu-ɔ. Kugyii kɔmmɔ kɔ́kuku ɔni na kuna kɔgba kúsie kayaa geen, anwuɔsu kɔɔkun lɛmɛnɛ na kɔɔtina lɛlɔ.

Daniel 2:21

Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Daniel 3:4

Amu na ɔkutine unengu ɔdi ɔ́ta únye na úte bɔti ɔnii, “Amii bani nási kadi ƒui akɔ ku adi ƒui batɛmine bíbo mɛni, binu ɔda bubo bɔni na bula ɔga úte ka badi-mu lɛlɔ!

Daniel 4:12

Evete áƒɔ-ku lili na kɔ́nwu ebi bonwu bonwu lɛnɔ pii na adubudu kayawi bekyuli ƒui bɔdi. Na alakpi akɔ bebweyi bákɛ ɔyuli na kuna kalɔ na baasɛ lɛnɔ bábla ayu bákya-ku kɔgba akɔ. Na kuna ebi ammɔ na kayawi ala ediedi ƒui aadi.

Daniel 4:23

“Na ɔmmɔ kama ánu Katɔti ɔtu kedee ɔdi ka ɔ́yu ɔ́si katɔ úbo na ɔ́su ɔnini, ‘Bɛda kugyii kɔmmɔ bɛva kalɔ na bɛyila-ku udu! Nsu kuna ligyukui ani liteenye na nwuna ligyiitu lɛda kalɔ. Na beti abuala kpakplaa ku abuala egyiedi bebo-nwu lɛkpu na lɛku kemmo alakpi akɔ mmɔ. Na ɔ́sɔ unye mmɔ akwa maatɛ ku alakpi akɔ bebuo bamba na kayaa amii aƒɔ-nwu lɛlɔ ƒui.’

Daniel 5:20

Nsu ka úbo ɔɔbla atuɔkplu na ɔɔtalaku lɛlɔ katɔ na ɔsɔ ulabu Katɔti ni, úkpeli nwuna lɛgadi lɛmmɔ ɔ́lɛku-nwu lɛkɔkɔ.

Daniel 5:21

Nwuna kasusu kénwini ebuo kadi, na bábɔku-nwu na ɔ́lɛ bekyuli akɔ úsie uliku alakpi akɔ bebuo na ɔ́kun livo aani ɔmantɛ bakɔ. Na alakpi akɔ mmɔ kani na ɔɔtɛ, na amii eewi-nwu. Bénye-nwu lɛlɔ na ɔ́bla ɔmɛni úti útédu uwi ɔni na ɔ́nu ɔ́ti ka Katɔti Ɔni Ntulo Ƒui mɔɔdi kayawi lɛga kɔdikɔ ƒui lɛlɔ. Na anwu kani muudie lɛlɔ badine bani na ɔ́ƒuna ka badi lɛga.

Mateo 3:10

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo.

Mateo 7:19

Kugyii kɔdi biala na kulánwu ebi abuni ni, baadá-ku na beeti-ku taakya ogya.

Luka 3:9

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo!”

Budie Taatina 10:3

Amu na údie lɛdi momoomo aani gyata kalɛ. Na ka ɔ́va ni, kayaa kábwɛ ogya ku kɔku bonwu maatɛ!

Budie Taatina 18:2

Amu na ɔ́va ku lɛdi momoomo ɔnini, “Úbuli o-o! Babilon ɔni náƒɔ lɛnyi geen mmɔ úbuli! Na ɔ́ta únwini ayu ekpidi ƒui kabɛkɔ. Mmɔ na ayu ekpidi ku begbini ku baasɛ bani muusé lɛlɔ ƒui bakya.