Daniel 4:1 - Katɔti Ɔku Kedee

¹ Ɔmɛni ɔ́si Ɔga Nebukadnesar kudɔ. Úte kadi ƒui bekyuli ku adi ƒui batɛmine bani nli kayawi kammɔ kemmo. Muugyele amii bekyuli ƒui ku kusɛ kusɛ ka ala ƒui atɛ ete-mii!

Daniel 4:1 ပူးပေါင်းရင်းမြစ်များ

Ala Alɛdi 1 12:18

Mmɔ na Katɔti kɔyu kɔ́ƒɔ Amasai bekpone avlaatɛ ɔtɔnkune kemmo na ɔ́su ɔnini, “O Dawid! Bɔdi ƒula badi. O Yisai ubi! Bunye-ɔ kama. Keyi buɛɛ kasiaku-ɔ na kasɔ kasiaku-ɔ! Keyi buɛ kasiaku bekyuli bani muute-ɔ kebunku. Ɔsika ƒula Katɔti ɔdubute-ɔ kebunku.” Anwuɔsu ɔ́ƒɔ-ma úbunku nwuna bekpone lɛlɔ. Na ɔ́bla-ma bekpone batɔnkune.

Esra 4:17

Amu na ɔga ɔmmɔ údie kakunkɛ kani bénweni-nwu kenye na úti úmene ɔnii, “Rehum ɔni ndi bekpone unengu ku ɔku unwenine Simsai ku nwuna bekyuli bakladi bani nli Samaria ku ketu ɔvi ƒui bɔɔkya-mii kenye.

Esra 5:7

“Ɔga Dario, keyi kayɔku-ɔ na ƒula lɛga lɛni na aadi kemmo.

Ester 3:12

Na bana kɔbuli kudeedi kɔni ndi Nisan limeyi leevu-lɛtɛdi lɛlɔ ni, Haman ɔ́lɔ ɔga lɛku benwenine ƒui, na úbo-ma ɔda ɔnii benweni lɛku na kɔlɛkɛ kɔmmɔ ƒui adi butemi ku bunweni kemmo. Anwuɔsu bénweni-ni na ɔga lɛnyi kemmo na bétu-ni kɔnu bɔsia likpose kakwɛnimi na béti bémene kɔlɛkɛ kɔmmɔ lɛlɔ badine ku aban bagadine benengu ƒui na Ahasweros lɛga kadikɔ ƒui.

Ester 8:9

Kɔnakunwi ni, Mordekai ɔ́lɔ kalɔ kammɔ lɛku benwenine benengu úboku na bénweni lɛku lɛmmɔ na kɔbuli kɔtɛdi kɔni na baalɔ Sivan limeyi aavlanyɔ lɛtɛdi lɛlɔ. Lɛku benwenine bammɔ bádi Mordekai litemi lɛlɔ na bénweni lɛku lɛmmɔ béte Yudaƒuɔ ku lɛlɔ badine ku aban bagadine benengu bammɔ ƒui na kɔlɛkɛ eti anyɔ ku aavlanyɔ maatɛ kɔmmɔ ƒui lɛlɔ ɔ́si India útédu Etiopia. Na ɔ́ya na bénweni lɛku lɛmmɔ na kɔlɛkɛ kɔmmɔ ƒui adi butemi ku bunweni kemmo.

Daniel 3:29

Na mɔɔsu geen ka lɛɛɛdubo kuƒi bute na bekyuli bani nási kadi ƒui akɔ ku adi ƒui batɛmine akɔ ɔdi ɔsu lɛla lɛdi iye ɔtɛmi uwi-ma. Si ɔdi ɔ́bla lɛni ni, ndubɔya na bekulo-nwu eku eku na babwɛ-nwu kaduli kɔkɛ kɔkɛ. Ɔsika baƒiɔ bayikune badi beeebo ɔyikun ɔni na baƒɔ ukyuli ɔdi ngba lɛni.”

Daniel 3:4

Amu na ɔkutine unengu ɔdi ɔ́ta únye na úte bɔti ɔnii, “Amii bani nási kadi ƒui akɔ ku adi ƒui batɛmine bíbo mɛni, binu ɔda bubo bɔni na bula ɔga úte ka badi-mu lɛlɔ!

Daniel 6:25

Ɔmmɔ kama ni, Ɔga Dario úti linyesia lɛmɛni úmene bani nási kadi ƒui akɔ ku adi ƒui batɛmine bani nkya kalɔ lɛlɔ ƒui ɔnini, “Muugyele amii kadi bekyuli bammɔ ƒui!

Daniel 6:27

Uudie bekyuli taalɛku ɔgbankpi kemmo na baakɛ́ bɔnwuna. Ɔɔbla akɔla ala budie taatina geen na katɔ ku kalɔ lɛlɔ ƒui. Daniel Katɔti údie-nwu, na ɔ́lɛ bagyata enu kemmo.”

Daniel 7:14

Na bébi-nwu kagabwa bése-nwu lɛga, na béte-nwu ɔyikun na uukeye. Na bani nási kadi ƒui akɔ ku adi ƒui batɛmine na kalɔ biala lɛlɔ bákya-nwu lili kalɔ. Ɔdubo lɛga bɔdi uwi ƒui, na nwuna lɛga kadikɔ kalása kudii, na ɔdi lɛnɔ ulakana-ka lɛlɔ bɔdi.

Sakaria 8:23

Na uwi ɔni na ala amɛni adubo butaalɛ lɛni ni, kadi bamba bekyuli adi batɛmine aani leevu badubuƒie Yudani adala ani na ɔkya bada momoomo na basu-nwu banini, ‘Ya na bɔsiaku-ɔ busie bina ɔma, ɔsika búnu ka Katɔti unye-mii kama geen.’ Ami Unwoti Ɔyikune Ƒui násu!”

Batalane Kabla 2:6

Amu ka bénu kɔku bonwu kɔmɛni ni, bekyuli pii békeli bésie mmɔ. Na ka bénu ka baƒɔtaadine bamɛni benye beetemi kadi biala ɔma lɛdi ɔsu ni, ɔ́bla-ma dɛye dɛye!

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Eƒesoƒuɔ 1:2

Muuvele Katɔti ku Blɔti Yesu Kristo nnii nwuna lɛƒɔndia lɛkya-mii ɔkplu na ute-mii keyi buɛɛ.

Timoteo 1 1:2

Na líti muute awɔ Timoteo. Agyi ka ubi na adi-mi na bɔƒɔtaadi kemmo. Na muuvele Unwoti Katɔti ku Blɔti Yesu nnii bana lɛƒɔndia lɛsiaku-ɔ na banu-ɔ kɔnyana na bete-ɔ keyi buɛɛ.

Petro 1 1:2

Unwoti Katɔti ɔlati náƒuna-mii na nwuna bɔyɔ kenye. Na ɔ́ya na nwuna Kɔyu kɔ́bla-mii nwuna bekyuli kedee ka bɛ́di Yesu Kristo litemi lɛlɔ ɔsu. Na nwuna ubugya ɔ́bla-mii lɛlɔ sɛɛn. Muuvele nnii Katɔti lɛƒɔndia ku keyi buɛɛ kasiaku bina ƒui uwi biala kemmo.