Daniel 3:7 - Katɔti Ɔku Kedee

⁷ Anwuɔsu uwi ɔni kani na bekyuli bamɛni bénu lɛnu ku agyala ammɔ kani na bana ƒui bákya lili kalɔ na beemwi lɛtabi lɛmmɔ.

Daniel 3:7 ပူးပေါင်းရင်းမြစ်များ

Yeremia 51:7

Babilon úse úte-mi aani sika ugyiedi ɔɔƒɛɛ ɔni kemmo na mina kɔnyi kúyi tɛtɛɛtɛ. Na kalɔ lɛlɔ ƒui kadi bekyuli báni ntɛ bɔmmɔ békpi na basɔ beleti kasusu kadi.

Daniel 2:46

Amu na Ɔga Nebukadnesar úboku lɛlɔ kalɔ na ɔ́kya Daniel lili kalɔ, na úmwi-nwu na údie lɛdi úte nwuna kabla bablane ɔnii beti oloƒui beboku na bakyula, na babla edula ebi etela lɛkpa beti bete Daniel ɔbu.

Daniel 3:10

Ébo-bu ɔda anii ukyuli biala ɔkya lili kalɔ ute ƒula sika ugyiedi baƒiɔ lɛtabi lɛmɛni si uwi ɔni na agyala amɛni ése kalɔ aaku.

Daniel 3:4

Amu na ɔkutine unengu ɔdi ɔ́ta únye na úte bɔti ɔnii, “Amii bani nási kadi ƒui akɔ ku adi ƒui batɛmine bíbo mɛni, binu ɔda bubo bɔni na bula ɔga úte ka badi-mu lɛlɔ!

Daniel 3:5

Kɔkpɛɛ ku atoloyii ku lɛbentaa lidu lɛdubo kalɔ buse ku bɔku uwi klukwii kemmo. Na si uwi ɔni na ala amɛni ése kalɔ ni, ɔlɛka ɔdi biala ɔkya lili kalɔ na umwi sika ugyiedi baƒiɔ lɛtabi lɛni na bula Ɔga Nebukadnesar ɔ́ya na bátu bényene mmɔ.

Daniel 3:6

Ukyuli biala ɔni meni lili kalɔ bɔkya bute-nwu ni, badubo-nwu buƒwimi bɔkya lɛgyavonku kemmo.”

Daniel 3:8

Babilonƒuɔ badi bákɛ kasiakɔ na ɔmɛni lɛlɔ ka badu Yudaƒuɔ bamɛni kɔtɔ bete Ɔga Nebukadnesar.

Batalane Kabla 14:16

Kukuuku ni, údie bayawine ƒui atu na baabla lɛla lɛni na baayɔ́.

Yohane 1 5:19

Abu bɔgyi ka bɔdi Katɔti badi geen, na kayawi bekyuli bakladi ƒui bakya ukisine ɔmmɔ lɛlɔ bɔdi kalɔ.

Budie Taatina 12:9

Na bábɔku liƒu kɔlakpi kɔmmɔ béboku kalɔ. Aku ndi kɔlakpi kɔkukudi bonwu kɔni baalɔ ukisine ɔmmɔ iye Satan, na ɔɔtɔ́lɔ kayawi kemodi ƒui. Bábɔku anwu ku nwuna batu ƒui bábava kalɔ lɛlɔ mɛni.

Budie Taatina 13:14

Ɔ́tɔlɔ bekyuli bani ƒui nlie kalɔ lɛlɔ na nwuna akɔla bɔbla ani na ɔ́bla ɔkɛnku eƒiebuo udeedi ɔmmɔ lɛlɔ ɔsu. Ɔ́ya na bekyuli bammɔ bése baƒiɔ badi béte lɛlɔ, na bávɔ-ma na bese aani eƒiebuo udeedi ɔni náƒɔ ɔlɛ ka bébeyi-nwu ɔkɛɛ nsu ɔmu uli ngba.

Budie Taatina 13:3

Eƒiebuo ɔmmɔ lili linwi lɛ́tina aani si ɔ́ƒɔ ɔlɛ ɔni na ɔlɛka ukpi nka. Nsu ɔlɛ ɔmmɔ ɔ́ɔsa. Ɔmɛni ɔ́bla kayawi bekyuli ƒui dɛye dɛye, na basiaku eƒiebuo ɔmmɔ kama.

Budie Taatina 13:8

Na bekyuli bani ƒui nlie kalɔ lɛlɔ badubɔlɛ akɔnkɔ bete-nwu, ntu bekyuli bani anyi na bénweni bákya ngba ɔku kemmo bése asa na Katɔti údie kayawi. Ngba ɔku ɔmmɔ ɔdi Koƒonu Ubi ɔni na béti bákpa ɔdi.

Budie Taatina 17:8

Eƒiebuo ɔmmɔ ni, úlie ngba dii, nsu ɔsɔ uuubo. Na ɔdubo bɔlɛ bɔsi kasuudikɔ ubu bonwu ɔmmɔ kemmo, na usie na Katɔti ɔyila-nwu udu ƒui. Na bekyuli bani nli kayawi lɛlɔ na bétenweni-ma anyi bátakya ngba ɔku kemmo asa na Katɔti údie kayawi ni, ɔdubo-ma bɔbla kalɛ kadi si banu eƒiebuo ɔmmɔ. Ɔsika úlie ngba dii, nsu ɔsɔ uuubo, na ɔsɔ ɔdubo bɔda bɔlɛ.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.