Daniel 3:29 - Katɔti Ɔku Kedee

²⁹ Na mɔɔsu geen ka lɛɛɛdubo kuƒi bute na bekyuli bani nási kadi ƒui akɔ ku adi ƒui batɛmine akɔ ɔdi ɔsu lɛla lɛdi iye ɔtɛmi uwi-ma. Si ɔdi ɔ́bla lɛni ni, ndubɔya na bekulo-nwu eku eku na babwɛ-nwu kaduli kɔkɛ kɔkɛ. Ɔsika baƒiɔ bayikune badi beeebo ɔyikun ɔni na baƒɔ ukyuli ɔdi ngba lɛni.”

Daniel 3:29 ပူးပေါင်းရင်းမြစ်များ

Baga 2 10:27

Anwuɔsu bábwɛ Baal lɛtabi kedee lɛmmɔ na báƒɛ Baal kakpakɔ kammɔ ƒui béwi kalɔ, na béti mmɔ bénwini kuvodɔ kesiekɔ.

Esra 6:11

“Na ɔni nsɔ nsia ni, muubó ɔda ka ukyuli biala na wavumana lɛla lɛni na lɛ́lɛ ugyii mɛni ni, nwuna lɛsa na badubo ɔta bɔni budie na baƒala-nwu ugyii ɔmmɔ lɛlɔ. Na likpidi lɛni na ɔ́bla ɔsu ni, badubɔgyingya nwuna ɔtɔ umodi ɔmmɔ balɛ lisu aani alakpi.

Kɔgya 3:8

Unwoti, awɔ mɔɔyá na ukyuli ɔɔdi nwuna bekisine lɛlɔ. Na awɔ kani mɔɔbla-nwu lɛƒɔndia.

Kɔgya 76:10

Geen geen ni, kɔnyi kati kati kɔni na bekyuli bákɛ kɔdubunwini enugya ku bumwi ute-ɔ. Na si éti kɔnyi muedi ákya-ma ni, badubumwi-ɔ.

Daniel 1:19

Na ɔga ɔmmɔ úye-ma kenye kemmo etemila únu, na ɔ́nu ɔ́ti ka ɔdi uuubo kenye ogya aani Daniel ku Hanania ku Misael ku Asaria. Anwuɔsu béte-ma kabla na ɔga litemi katɛkɔ.

Daniel 1:7

Na unengu ɔmmɔ ɔ́sia-ma Babilonƒuɔ anyi. Na Daniel únwini Beltesasar, na Hanania únwini Sadrak, na Misael únwini Mesak, na Asaria únwini Abednego.

Daniel 2:17

Mmɔ na Daniel únwini úsie kaduli na útásu nwuna bakpana ɛtɛ bammɔ lɛla lɛni mɔɔlɛ́.

Daniel 2:47

Na ɔga ɔmmɔ ɔ́su ɔnini, “Ɔƒɛni na lɛ́ti ka ƒula Katɔti utulo baƒiɔ bayikune bani ƒui nkya. Ɔsika anwu néte-ɔ ɔyikun na édie abɛla amɛni kalɔ.”

Daniel 2:49

Na Daniel úye kuƒi na ɔga ɔmmɔ ɔ́kɔliku Daniel bakpana ɛtɛ bani ndi Sadrak ku Mesak ku Abednego lɛnɔ kunyekɔ útése kunyekɔ kunengudi na Babilon kalɛkɛ kammɔ kemmo. Na Daniel anwu ni, únwini ɔga kesii unengu geen.

Daniel 2:5

Nsu ɔga ɔmmɔ údie kenye ɔnini, “Oowo! Lɛ́ɛbla mina kasusu líse ka si bítasu-mi kɔna kɔni na lígye ku kuna kalɔ budie ni, ndubɔya na bekulo-mii eku eku bewi kalɔ na babwɛ-mii kɔduli lɛnɔ ƒui.

Daniel 3:12

Ati, áƒuna nkyuli ɛtɛ badi na kesii kani na káƒɔ kuye sɔsɔ na Babilonƒuɔ kalɛkɛ kani lɛlɔ na aadi. Ama ndi Sadrak ku Mesak ku Abednego. Nsu ni, bédie atu na ƒula litemi lɛlɔ, na balákya lili kalɔ teete ƒula baƒiɔ iye ƒula sika ugyiedi lɛtabi lɛni na bátu bényene mmɔ.”

Daniel 3:15

Ɔƒaani ni, ndubɔya na bedie lɛnu na bagya agyala bete-mii. Na si bɛ́kya lili kalɔ bímwi mina lɛtabi lɛni na lɛ́tu ni, lɛla biala lɛdubo buse buɛɛ bute-mii na ɔsa. Nsu si bíni na bítabla lɛni ni, badubo-mii bubo bɔkya lɛgyavonku kemmo, na baƒiɔ badi baaadubo-mii bɔkana bɔƒɔ bɔsiku mina enu kemmo.”

Daniel 3:17

Katɔti ɔni na abu bɔɔkya lili kalɔ teete ni, ɔkana na ɔƒɔ-bu ɔsiku ƒula lɛgyavonku lɛmmɔ kemmo.

Daniel 3:28

Amu na Ɔga Nebukadnesar ɔ́su ɔnini, “Bemwi bakloƒu bamɛni Katɔti ka úmene nwuna katɔ batu na bébedie nwuna kabla bablane! Báƒɔ bana Katɔti bádi, na béni ka badi mina ɔda bubo lɛlɔ. Sɔsɔ ni, báƒuna ka bekpi betulo ka bemwi iye bakya lili kalɔ bete baƒiɔ badi amu ntu bana Katɔti lɛti.

Daniel 6:28

Lɛla biala lɛ́tɛ siin líte Daniel uwi ɔni na Ɔga Dario ɔɔdi lɛga ku uwi ɔni na Persia Ɔga Kores útaadi Persia lɛlɔ.

Lɛkpa Ulu 32:31

Bula bekisine alati bagyi ka bana baƒiɔ bese kpɛtɛ kpɛtɛ, na beeebo ɔyikun aani Israel Katɔti.