Daniel 3:28 - Katɔti Ɔku Kedee

²⁸ Amu na Ɔga Nebukadnesar ɔ́su ɔnini, “Bemwi bakloƒu bamɛni Katɔti ka úmene nwuna katɔ batu na bébedie nwuna kabla bablane! Báƒɔ bana Katɔti bádi, na béni ka badi mina ɔda bubo lɛlɔ. Sɔsɔ ni, báƒuna ka bekpi betulo ka bemwi iye bakya lili kalɔ bete baƒiɔ badi amu ntu bana Katɔti lɛti.

Daniel 3:28 ပူးပေါင်းရင်းမြစ်များ

Ala Kalɔ Buse 9:26

Ɔmmɔ kama ni, ɔ́su ɔnini, “Bimwi Unwoti ɔni ndi Sem Katɔti. Na ɔya na Kanaan unwini Sem kabla ɔblane.

Ala Alɛdi 1 5:20

Na béti bana anu básia Katɔti lɛlɔ. Na bákpali-nwu ka ute-ma kebunku. Na Katɔti lɛnɔ únu-ma bɔkpali. Na békpo bádi Hagarƒuɔ bammɔ ku bakladi bammɔ lɛlɔ.

Ala Alɛdi 2 20:20

Amu na kadi kegye ɔtanta tutuutu uwi ɔni na ukyuli biala ɔdaku lɛlɔ bɔklibi ka bayu ulu beteesie kakɔ kakwiidi kani nde Tekoa mmɔ ni, Yehosaƒat ɔ́ta únye na ɔ́su ɔnini, “Banwa, binu! Si bula ƒui búti bula kɔyi bɔ́sia Unwoti lɛlɔ na bɔ́ƒɔ lɛla lɛni na kenye bediene básu-bu mmɔ bɔ́di ni, Unwoti ɔdubo-bu bubunku na bɔdi lɛlɔ.”

Ala Alɛdi 2 32:21

Na Unwoti úmene nwuna ɔtu ɔdi na úbo na úbadu ukpone biala ku bana kekpo batɔnkune ƒui na Asiriaƒuɔ keliekɔ kani na báda na belie mmɔ kemmo. Amu na Sanaherib ɔ́sɔ únwini úsie Asiria ku kɔƒa geen. Na ɔmmɔ kama limeyi lɛdi ni, úsie nwuna koƒiodu na ɔƒiɔtɔ kemmo mmɔ na anwu ɔlati bebi bananabi bádu-nwu.

Esra 1:3

Nwuna kadi bekyuli akɔ ɔdi biala na ɔkya-mii akɔ ni, nwuna Katɔti ɔsiaku-nwu na unwini usie Yerusalem na utátu Unwoti ɔni ndi Israel Katɔti ɔni nli Yerusalem kakpakɔ kammɔ.

Esra 6:11

“Na ɔni nsɔ nsia ni, muubó ɔda ka ukyuli biala na wavumana lɛla lɛni na lɛ́lɛ ugyii mɛni ni, nwuna lɛsa na badubo ɔta bɔni budie na baƒala-nwu ugyii ɔmmɔ lɛlɔ. Na likpidi lɛni na ɔ́bla ɔsu ni, badubɔgyingya nwuna ɔtɔ umodi ɔmmɔ balɛ lisu aani alakpi.

Kɔgya 103:20

Amii Katɔti batu bayikune ƒui bani muunú-nwu litemi bibo na bibemwi Unwoti.

Kɔgya 147:11

Na bani mɔɔyia Katɔti na benye baanu ulu teete nwuna bɔyɔ bɔni naaasa kudii ni, bana lɛlɔ mɔɔda Katɔti kubiti.

Kɔgya 33:18

Nsu Unwoti anumi asia bekyuli bani ƒui mɔɔbu-nwu na bana anu asia nwuna bɔyɔ bɔni naaavumana kudii lɛlɔ.

Kɔgya 33:21

Ɔsika nwuna lɛlɔ na bula kayi kaakɛ́ ebiti. Na nwuna lɛnyi kedee lɛlɔ kani na bula anu asia.

Kɔgya 34:22

Unwoti uudie nwuna kabla bablane ngba na ɔgbankpi kemmo. Na bani ƒui muukeli taatamiku-nwu ni, uládu-ma kɔtɔ.

Kɔgya 62:8

Amii bekyuli ƒui, biti bina kayi ƒui bɛsia Katɔti lɛlɔ uwi biala. Na biteevele-nwu ala ani ƒui na bɛɛyaki. Ɔsika Katɔti ɔdi katamikukɔ.

Israelƒuɔ Bɔlɛ 20:5

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo, na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Yesaia 37:36

Na usien ɔmmɔ ni, Unwoti ɔtu ɔdi ɔda úduo Asiriaƒuɔ bekpone kakyakɔ na ɔ́du bekpone mpim eti atɛ ku avlaatɛ-ɛlɔ (185,000). Na ka kadi kegye ni, békpi batɛ mmɔ.

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Daniel 2:47

Na ɔga ɔmmɔ ɔ́su ɔnini, “Ɔƒɛni na lɛ́ti ka ƒula Katɔti utulo baƒiɔ bayikune bani ƒui nkya. Ɔsika anwu néte-ɔ ɔyikun na édie abɛla amɛni kalɔ.”

Daniel 3:25

Na ɔga ɔmmɔ ɔ́sɔ ɔ́su ɔnini, “Nsu nkyuli ine na mɔɔnu ka bakɛ beesié taavi na ogya ɔmmɔ kemmo, na bétenyimi bana ɔdi. Ɔdi lɛnɔ ulátina ka ogya ɔmmɔ ɔ́kyula-nwu na ɔ́ƒɔ ɔlɛ. Na si aanu ukyuli unedi ɔmmɔ ni, ɔ́lɛ aani kayaa ɔtu na ɔdi.”

Daniel 4:34

Na uwi ɔni bése kawɔlɔkɔ ni, lɛ́kpali Katɔti lívele-nwu na mina kasusu kásɔ kénwini kébo-mi na ɔ́bla-mi nwaa. Mmɔ na lɛ́su nnini, “Muumwi Katɔti Ɔni Ntulo Ƒui, na mɔɔbu-nwu. Anwu nli ngba uwi ƒui.” Nwuna lɛga kadikɔ kese késela uwi ƒui. Na kadubuse ɔ́si kaba úsie kaba.

Daniel 6:16

Ɔmmɔ ɔsu Dario údie lɛdi ɔnii balɛku Daniel beboku na bebo-nwu bakya bagyata ubu ɔmmɔ kemmo. Nsu ɔ́su Daniel ɔnini, “Lɛ́nu ka ásiaku ƒula Katɔti kama siin na átalɛ-nwu kama. Anwuɔsu muuvele ƒula Katɔti ɔmmɔ nnii udie-ɔ.”

Daniel 6:26

“Muute amii bani nkya mina lɛga kadikɔ kemmo bɔti ka ɔdi biala utaakya lili kalɔ teete Daniel Katɔti, na uteeti ɔbu teete-nwu. “Ɔsika anwu ndi Katɔti ɔni nli ngba na nwuna uwi use úsela ƒui na nwuna lɛga kadikɔ kalayii udu na kalɛ na ɔɔdi ala ƒui lɛlɔ ku ɔyiku ɔɔɔdubo bɔsa kudii.

Mateo 4:10

Amu na Yesu údie kenye ɔnini, “Satan, gyu-mi lɛlɔ! Bunweni Kedee Ɔku ɔ́su ɔnii, ‘Ƒula Unwoti Katɔti kani na ɔlɛka alɛ akɔnkɔ emwi.’ ”

Batalane Kabla 4:19

Amu na Petro ku Yohane bédie kenye banini, “Amii alati bɛbu bɛnu. Bi mada Unwoti kubiti? Si bunu bina ɔda bubo munuu Unwoti bɔdi?

Batalane Kabla 5:19

Nsu usientɛ ni, Katɔti ɔtu ɔdi úbalɛmi ɔtɔ ɔmmɔ kayakun na ɔ́da-ma údie.

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Korintoƒuɔ 1 13:3

Na si ina líti mina ala ani nse-mi ƒui líte bawabane na lɛ́ya na bekyuli muedi bakyula-mi nsu naaayɔ bekyuli ni, lɛɛɛdi lɛla lɛdi.

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Hebriƒuɔ 11:37

Bébo badi atabi na bábwɛ badi lɛnɔ kemmo inyɔ. Na bádu badi ku kewii. Na badi béteenyimi baƒonu ku bese lɛku taavi, ɔsika beeebo lɛla lɛdi. Na bekyuli bábla-ma kalala, na bébo abi geen!

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Budie Taatina 12:11

Bula banwani bádi-nwu lɛlɔ ɔkɛnku Koƒonu Ubi ubugya lɛlɔ ku litemi geen lɛni kenye bédie lɛlɔ. Ɔsika bénye kagyumana ka beti bana ngba bakpa.