Daniel 3:26 - Katɔti Ɔku Kedee

²⁶ Amu na Nebukadnesar ɔ́ni úde ogya ɔmmɔ na ɔ́va ɔ́kpali bakloƒu ɛtɛ bammɔ ɔnini, “Sadrak ku Mesak ku Abednego, amii Unwoti Katɔti Ɔyikune Ƒui kabla bablane, bɛvi bɛlɛ mmɔ bibo ɔƒaani!” Amu na bana ɛtɛ bammɔ bávi bálɛ ogya ɔmmɔ kemmo,

Daniel 3:26 ပူးပေါင်းရင်းမြစ်များ

Ala Kalɔ Buse 14:18

Amu na Katɔti ɔni Ntulo Ƒui ɔkpane ɔni baalɔ Melkisedek na ɔ́si Salem ɔma kemmo ni, údie bodobodo ku ntɛ bɔdi úte Abram.

Baga 1 8:51

Ɔsika badi ƒula bekyuli bani na áda édie Egyipte kalɔ lɛlɔ, kalɔ kani kemmo nse aani ogya lɛyu lɛni kemmo na baanwamana abuala.

Esra 5:11

“Amu na bédie kenye banini, ‘Bɔdi Katɔti ɔni nédie katɔ ku kalɔ kabla bablane. Na Unwoti kakpakɔ kani na Israelƒuɔ ɔga ɔdi ɔni mbo ɔyikun ɔ́tu dii ni, bɔ́sɔku ka bɔɔtú.

Kɔgya 66:12

Áya na bekisine bákɔ bánya-bu lili na use aani ntukpa bɔni néyi kemmo ku ogya kemmo na bɔkɛ. Nsu kawɔlɔkɔ ni, bɔ́da bɔ́lɛ kalɔ kani lɛlɔ na ala abuni pii akya.

Yesaia 28:16

Unwoti ɔnini, “Binu! Lɛ́ƒuna lɛtabi lɛni náƒɔ kuye na Sion, na ɔdi lɛtabi kpakplaa lɛni mabala kowodu likpo. Na ukyuli biala ɔni maƒɔ madi ni, enu alaƒɛ-nwu kudii.

Yesaia 52:12

Bitasu bɛnii biikeli, ɔsika ukyuli ɔdi ɔɔɔdubo-mii kama bɔsia. Israel Unwoti Katɔti ɔlati ɔdubo-mii bɔtɔnku na ɔgyumana-mii anumi ku kama ƒui ɔsiku bina bekisine bukpoku biala kudɔ.

Yeremia 11:4

Mina ɔda bubo bútavumana kudii ɔ́si uwi ɔni na lɛ́kpanku bina bati kuuku lɛ́siku Egyipte kalɔ lɛlɔ. Kadi bani bekyuli nse aani lɛyu ogya ɔni mɔɔda bonwu na nwuna kemmo na baanwamana abuala. Ama na lɛ́su nnii si bádi mina ɔda bubo lɛlɔ ni, ndubɔbla bana Katɔti na ama babla mina kadi bekyuli.

Daniel 2:47

Na ɔga ɔmmɔ ɔ́su ɔnini, “Ɔƒɛni na lɛ́ti ka ƒula Katɔti utulo baƒiɔ bayikune bani ƒui nkya. Ɔsika anwu néte-ɔ ɔyikun na édie abɛla amɛni kalɔ.”

Daniel 3:17

Katɔti ɔni na abu bɔɔkya lili kalɔ teete ni, ɔkana na ɔƒɔ-bu ɔsiku ƒula lɛgyavonku lɛmmɔ kemmo.

Daniel 4:2

Na ɔdi-mi lɛlɔyɔ pii ka lɛsu-mii ala ebendi ani na Katɔti Ɔyikune Ƒui ɔ́bla úte-mi.

Daniel 6:20

Lɛlɔ lɛɛtɔ́-nwu na ɔ́va ɔ́kpali ɔnini, “Daniel, ásiaku ƒula Katɔti kama siin, na ákya-nwu lili kalɔ uwi biala ɔni na átalɛ-nwu kama. Ɔ́kana-a budie na bagyata bammɔ enu kemmo?”

Daniel 6:21

Mmɔ na Daniel údie kenye ɔ́siku ubu kemmo ɔnini, “Mina Ɔga Ɔbune, muuvele nnii Katɔti ɔya na elie ngba uwi ƒui!

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Batalane Kabla 16:17

Amu na ugblebi ɔmɛni ɔ́siaku abu ku Paulo kama na ɔɔva taasu ɔnini, “Bekyuli bamɛni badi Katɔti kabla bablane, na bébo mɛni bani babatina-mii ngba bɔƒɔ ulu!”

Batalane Kabla 16:37

Amu na Paulo ɔ́su beƒiene bammɔ ɔnini, “Bébo-bu na bekyuli ƒui anumi ɔni bátatɛku-bu litemi lɛdi asa na béti-bu bátákya aban ɔtɔ kemmo. Nsu ni, Romaƒuɔ na bɔdi! Na ɔƒɛni na baawia ka bɔbɛ bɔtɔlɔ? Kudii! Ya ama alati bebo bebedie-bu!”

Batalane Kabla 27:23

Ɔsika kamaadi usien ni, Katɔti ɔni mbo-mi na anwu na mɔɔkpá ni, nwuna ɔtu ɔdi úbenye-mi kudɔ.

Galatiƒuɔ 1:10

Na kabla kani na mɔɔbla mɛni ni, bɛɛkali bɛnii bekyuli bumwi na mɔɔwia? Munuu Katɔti bumwi na mɔɔwia? Munuu mɔɔbla-ka kalɛ na kaƒɔ kayɔ bekyuli? Na si bekyuli lɛyɔla kabla na mɔɔbla ni, nka lɛɛɛdi Kristo kabla ɔblane.

Lɛkpa Ulu 4:20

Nsu amii amu ni, Katɔti nékpo údie-mii ɔ́lɛku lɛbibo lɛni mɔɔda aani ogya gaganga kemmo na Egyipte kalɔ ka bɛbla nwuna bekyuli bani na bɛdi ɔmwi mɛni.

Yosua 3:17

Na Katɔti bakpane bani nti Bunyimi Adaka ɔmmɔ benye ketu kakwiidi kammɔ ntɛntɛ úti útédu ka bekyuli bammɔ ƒui bávia báwɔlɔ.

Yosua 4:10

Na bakpane bani nti Unwoti Bunyimi Adaka mmɔ básɔ bénye Yordan Ketu ntɛ mmɔ úti útédu ka Yosua ɔbla ala ani ƒui na Unwoti úbo-nwu ɔda ka babla ku kalɛ na Mose lɛnɔ ɔ́su Yosua úse. Na Israelƒuɔ bammɔ bábabla na bávia Yordan Ketu.

Budie Taatina 19:5

Na lɛdi lɛdi lɛ́si lɛgaboku lɛmmɔ kudɔ mmɔ na lɛɛsu lɛnini, “Bimwi bula Katɔti amii nwuna kabla bablane bani mɔɔyia-nwu, benengu ku banamu ƒui.”