Daniel 3:20 - Katɔti Ɔku Kedee

²⁰ Na ɔmmɔ kama údie lɛdi úte nwuna bekpone bayikune geen ɔnii benyimi-ma kpakplaa na bebo-ma bakya ogya ɔmmɔ kemmo.

Daniel 3:20 ပူးပေါင်းရင်းမြစ်များ

Daniel 1:7

Na unengu ɔmmɔ ɔ́sia-ma Babilonƒuɔ anyi. Na Daniel únwini Beltesasar, na Hanania únwini Sadrak, na Misael únwini Mesak, na Asaria únwini Abednego.

Daniel 3:15

Ɔƒaani ni, ndubɔya na bedie lɛnu na bagya agyala bete-mii. Na si bɛ́kya lili kalɔ bímwi mina lɛtabi lɛni na lɛ́tu ni, lɛla biala lɛdubo buse buɛɛ bute-mii na ɔsa. Nsu si bíni na bítabla lɛni ni, badubo-mii bubo bɔkya lɛgyavonku kemmo, na baƒiɔ badi baaadubo-mii bɔkana bɔƒɔ bɔsiku mina enu kemmo.”

Daniel 3:19

Amu ka básu lɛni ni, Nebukadnesar ɔ́nyina anumi geen ku kɔnyi ɔ́kya nkyuli ɛtɛ bamɛni. Na ɔ́su nwuna kabla bablane ɔnii basɔ babla lɛgyavonku lɛmmɔ na lɛƒɔ ogya libu akpa maatɛ.

Daniel 3:21

Na ka ɔ́yɔ ka babla lɛni kɔnakunwi ɔsu ni, mmɔ kani na bekpone bammɔ bényimi Sadrak ku Mesak ku Abednego na bébo-ma bákya lɛgyavonku lɛmmɔ kemmo ku bana adala ani na bada ku aduni ani na beebi eli ƒui. Na ogya ɔmmɔ bɔbi ɔsu ni, liwulu likpidi líkeyi bekpone bammɔ na békpi.

Batalane Kabla 16:23

Amu ka ebola éduo-ma lɛlɔ kaduɛ ni, béti-ma bátákya aban ɔtɔ. Na básu ukyuli ɔni mɔɔnu ama bani ntɛ ɔtɔ mmɔ lɛlɔ banii ɔda Paulo ku Silas kaduɛ.

Batalane Kabla 16:25

Amu na usientɛ uwi ɔni na Paulo ku Silas bakya baakpali katɔ na beedie lɛnu teete Katɔti ni, bani ntɛ ɔtɔ mmɔ bakya beenú.