Daniel 3:19 - Katɔti Ɔku Kedee

¹⁹ Amu ka básu lɛni ni, Nebukadnesar ɔ́nyina anumi geen ku kɔnyi ɔ́kya nkyuli ɛtɛ bamɛni. Na ɔ́su nwuna kabla bablane ɔnii basɔ babla lɛgyavonku lɛmmɔ na lɛƒɔ ogya libu akpa maatɛ.

Daniel 3:19 ပူးပေါင်းရင်းမြစ်များ

Ala Kalɔ Buse 31:2

Na Yakob ɔlati ɔ́nu ɔ́ti ka Laban ɔbladu ɔni na ɔɔtina-nwu ni, ɔ́vumanaku kalɛ na úse kuuku.

Ester 3:5

Haman úti kɔnyi kpakplaa ka únu kenye kamɛni ka Mordekai úni ɔnii ulalɛ akɔnkɔ kalɔ ulete-nwu ɔbu.

Ester 7:7

Mmɔ mmɔ ni, ɔga ɔ́ta nwuna keliekɔ ku kɔnyi na ɔ́tɔlɔ úsie nwuna kevoma kemo kani nkya kaduli mmɔ. Nsu ka Haman ɔ́nu ɔ́ti ka ɔga ɔ́ɔbla nwuna kasusu na lɛla lɛni na ɔdubo-nwu bɔbla lɛlɔ ɔsu ni, ɔ́ƒɔ lɛlɔ ulie kama ɔnii uukpi Uleku Ɔga Ester kɔtɔ kalɛ na ɔga uládu-nwu.

Kɔgya 76:10

Geen geen ni, kɔnyi kati kati kɔni na bekyuli bákɛ kɔdubunwini enugya ku bumwi ute-ɔ. Na si éti kɔnyi muedi ákya-ma ni, badubumwi-ɔ.

Agba 16:14

Ɔga kɔnyi kenye kelenu bunye kuubile ala. Na banundane baasia ulu biala lɛlɔ ka bayala-nwu kaƒɔ.

Agba 21:24

Bekyuli bani mɔɔkun lɛmɛnɛ na baatalaku lɛlɔ katɔ na baanu ka ama kani ntulo ni, baata teenye bekyuli lɛlɔ uwi biala.

Yesaia 51:23

Mmomu ɔdubunwini usie bina bekisine bani nésusu-mii bákya bana lɛgba kalɔ aani ɔtumu kudɔ.”

Daniel 2:12

Lɛla lɛmɛni lɛ́bla ɔga ɔmmɔ kɔnyi geen na údie lɛdi ɔnii badu banundane ƒui na Babilon kalɔ kammɔ ƒui lɛlɔ. Anwuɔsu bátala badi ka betétiku Daniel ku nwuna bakpana ɛtɛ bakladi bammɔ lɛnɔ batádu.

Daniel 3:13

Ɔmɛni ɔsu Ɔga Nebukadnesar ɔ́kɛ kɔnyi geen, na ɔ́ya na bététiku-ma béboku.

Daniel 3:20

Na ɔmmɔ kama údie lɛdi úte nwuna bekpone bayikune geen ɔnii benyimi-ma kpakplaa na bebo-ma bakya ogya ɔmmɔ kemmo.

Daniel 5:6

Ɔga ɔmɛni ɔ́yia geen na nwuna anumi ávumana ábla aani ɔlɛne kukuuku ɔdi, na akɔnkɔ aatɔ́-nwu, na nwuna lɛgba ƒui lɛ́bla kpɛtɛ kpɛtɛ.

Daniel 6:24

Na bekyuli bani néti Daniel litemi béboku ɔga ɔmmɔ banii babakya-nwu kakya ni, ɔ́ya na béti ama mmomu bátákya bagyata ubu ɔmmɔ kemmo ku bana beleku ku bebi ƒui. Na bétetuku tɔ ubu ɔmmɔ kalɔ bátawɔlɔ muedi asa na bagyata bammɔ bégyingya-ma kɔkɛ kɔkɛ.

Lewiƒuɔ Ɔda Bubo 26:18

“ ‘Na si ɔmɛni ƒui kama bíni na biládi mina ɔda bubo lɛlɔ ni, bina kɔtu bɔni bɔdubo katɔ bɔkɔ akpa maatɛ bubu.

Lewiƒuɔ Ɔda Bubo 26:21

“ ‘Na si bíni na bilenu-mi litemi mmomu mina lɛlɔ bɔta teenye ɔmmɔ kani na bísie anumi biidie taatina-mi ni, ndubɔya na bina lɛbibo lɛkɔ katɔ libu akpa maatɛ kalɛ na bina ekpidi aatina.

Lewiƒuɔ Ɔda Bubo 26:24

ami lɛnɔ ndubo bɔta linye-mii lɛlɔ. Na lɛya na ɔgbankpi lidu lidu lɛlɛku-mii na lɛkɔ katɔ akpa maatɛ libu.

Lewiƒuɔ Ɔda Bubo 26:28

ndubuti kɔnyi geen lɛkya-mii na lɛya na bina kɔtu bɔni bɔkɔ katɔ bubu akpa maatɛ.

Batalane Kabla 5:33

Ka bénu kenye kamɛni ni, ɔ́ya na básɔ bákɛ kɔnyi geen, na bábla kasusu ka badu batalane bammɔ.

Batalane Kabla 7:54

Ka bénu etemila ani na Steƒano ɔ́su ɔ́siku-ma lɛlɔ ni, ɔƒɛ ɔ́da-ma geen na ɔ́ya bákya baadu anyi ku kɔnyi.