Daniel 3:17 - Katɔti Ɔku Kedee

¹⁷ Katɔti ɔni na abu bɔɔkya lili kalɔ teete ni, ɔkana na ɔƒɔ-bu ɔsiku ƒula lɛgyavonku lɛmmɔ kemmo.

Daniel 3:17 ပူးပေါင်းရင်းမြစ်များ

Ala Kalɔ Buse 17:1

Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Ala Kalɔ Buse 18:14

Bɛɛkali bɛnii lɛla lɛdi libo ɔkplu litulo Unwoti ka ɔkana bɔbla? Ndubɔsɔ linwini libo-mii kudɔ na uwi ɔni námanku lɛlɔ na lɛkwa lɛni ndubo. Na Sara ɔdubɔwɔ ɔnanabi.”

Hiob 34:29

Na ina bunye na únye ɔ́nu na útakpete-ma muedi ni, kadi bekyuli bamani, munuu ɔma ndubɔkana na udie Katɔti bɔƒiɔ bɔdi? Na si bɔbɛla na ɔ́bɛla nwuna anumi ni, ɔma ndubɔnu-nwu? Anwu kani mɔɔdi bekyuli ku kadi ƒui lɛlɔ.

Hiob 5:19

“Ɔdubudie-ɔ na ɔgbankpi biala kemmo ina dɛ na lɛɛlɛ́ku-ɔ taasia kama.

Kɔgya 115:3

Bula Katɔti ɔkya katɔ na ɔɔbla lɛla lɛni mɔɔyɔ́-nwu kaƒɔ.

Kɔgya 37:39

Bekyuli bani nsiaku Unwoti kama siin ni, Unwoti Katɔti ɔlati mɔɔgyumana-ma na anwu kani na baatámiku si ala eekpóku-ma.

Kɔgya 37:40

Na Unwoti ɔdubo-ma bubunku na udie-ma na balɛ ukyuli ukpidi enu kemmo na bakɛ bɔnwuna. Ɔsika Unwoti ndi bana katamikukɔ.

Kɔgya 73:20

Na bana uwi use aani kalɛ na ukyuli ɔɔtɛ teegye kɔna na si ɔ́ta ni, ɔ́sa lɛla biala lɛ́vi.

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Yesaia 54:14

Ndubɔya na bɛbla bekyuli bani nse siin, na baabla lɛla biala taasiaku ulu lɛlɔ, na bilie kalɔ kpi ɔni na bɛsɔ biláyia lɛla lɛdi, na ala ani muukpóku-mii ƒui adubusie kama ƒui na bina kudɔ.

Yeremia 1:8

Tayia-ma, ɔsika ndubulieku-ɔ na lɛgyumana-a kpakplaa.”

Yeremia 15:20

Ndubo bɔya na ayu ɔkplu aani kowodu kɔni na béti lɛbuala ligyiedi bátu bényene. Bebo likyulikpi na bebo kalala, nsu si bébo bebekpoku-ɔ ni,

Yeremia 15:21

ndubunye-ɔ kudɔ na lɛgyumana-a, ɔsika mɔɔkya-a ɔyikun.”

Daniel 3:26

Amu na Nebukadnesar ɔ́ni úde ogya ɔmmɔ na ɔ́va ɔ́kpali bakloƒu ɛtɛ bammɔ ɔnini, “Sadrak ku Mesak ku Abednego, amii Unwoti Katɔti Ɔyikune Ƒui kabla bablane, bɛvi bɛlɛ mmɔ bibo ɔƒaani!” Amu na bana ɛtɛ bammɔ bávi bálɛ ogya ɔmmɔ kemmo,

Daniel 4:35

Kalɔ lɛlɔ kadi bekyuli ƒui baaadi lɛla lɛdi na nwuna anumi. Lɛla lɛni mɔɔyɔ́-nwu kaƒɔ na ɔɔbla Ɔɔdi ayabi ku kayaa kammɔ ƒui lɛlɔ. Na ɔɔdi ukyuli biala lɛlɔ na kalɔ lɛlɔ. Na si Katɔti ɔ́bla lɛla lɛdi ni, bulakana-nwu bɔbala iye buye bɔnii, “Bi ndi lɛla lɛni na ábla mɛni?”

Daniel 6:16

Ɔmmɔ ɔsu Dario údie lɛdi ɔnii balɛku Daniel beboku na bebo-nwu bakya bagyata ubu ɔmmɔ kemmo. Nsu ɔ́su Daniel ɔnini, “Lɛ́nu ka ásiaku ƒula Katɔti kama siin na átalɛ-nwu kama. Anwuɔsu muuvele ƒula Katɔti ɔmmɔ nnii udie-ɔ.”

Daniel 6:23

Ɔga ɔmmɔ ɔ́nwuna ɔ́yula na kayi kélie-nwu kalɔ ka únu Daniel lɛdi, na údie lɛdi kɔnakunwi ɔnii bedie-nwu balɛku ubu ɔmmɔ kemmo. Ɔsika Daniel bɔƒɔtaadi na nwuna Katɔti lɛlɔ ɔ́ya na bagyata bammɔ bátakana-nwu lɛla lɛdi bɔbla.

Daniel 6:27

Uudie bekyuli taalɛku ɔgbankpi kemmo na baakɛ́ bɔnwuna. Ɔɔbla akɔla ala budie taatina geen na katɔ ku kalɔ lɛlɔ ƒui. Daniel Katɔti údie-nwu, na ɔ́lɛ bagyata enu kemmo.”

Mika 7:7

Nsu mina anu ƒui asia Unwoti Katɔti lɛlɔ ka ɔƒɔ-mi ngba, na anwu kani na ndubunye ntaanu ulu teete ka unu-mi bɔkpali na ubunku-mi.

Luka 1:37

Ɔsika lɛla lɛdi liiibo Katɔti ɔkplu.”

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Batalane Kabla 21:13

Mmɔ na ɔ́su-bu ɔnini, “Bi ɔsu na biiwulo na bɛɛƒɛ-mi enu lɛni? Ami lɛ́tuna ka benyimi-mi na Yerusalem, na likpi lite Blɔti Yesu lɛnyi.”

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Korintoƒuɔ 2 1:10

Údie-bu ɔ́lɛku kukpi ɔgbankpi ɔmmɔ kemmo. Na ɔdubudie-bu lɛnɔ. Sɔsɔ ni, nwuna lɛlɔ na bɔɔsia anu ka ɔdubo-bu buteedie lɛnɔ.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Samuel 1 17:37

Unwoti ɔni nédie-mi ɔ́siku gyata ku kegidi aƒiɔ akɔ ndubudie-mi bɔsiku Ƒilistini ɔmɛni enu kemmo.” Amu na Saul ɔnini, “Ɔdia, amu teesie na etékpoku-nwu. Bula ƒui bubo lɛnunsia ka Katɔti ɔdubo-ɔ bubunku na akana-nwu lɛlɔ bɔdi.”

Samuel 1 17:46

Nsu ɔmwi ni, Unwoti ɔdubɔya na lɛdi-ɔ lɛlɔ. Na ndubukulo-ɔ lili lɛnɔ. Na ɔɔɔdi ɔmmɔ lɛti pɛ. Mmomu bina Ƒilistiƒuɔ bekpone ni, badubo-ma bɔdu geen ɔmwi limeyi lɛmɛni lɛlɔ na bana ɔlɔna unwini lɛdila ute baasɛ ku bebuo bamba na bakun. Na kayawi bekyuli ƒui banu bati ka abu Israelƒuɔ ni, bubo Katɔti ɔni muukpó teete-bu.