Daniel 3:15 - Katɔti Ɔku Kedee

¹⁵ Ɔƒaani ni, ndubɔya na bedie lɛnu na bagya agyala bete-mii. Na si bɛ́kya lili kalɔ bímwi mina lɛtabi lɛni na lɛ́tu ni, lɛla biala lɛdubo buse buɛɛ bute-mii na ɔsa. Nsu si bíni na bítabla lɛni ni, badubo-mii bubo bɔkya lɛgyavonku kemmo, na baƒiɔ badi baaadubo-mii bɔkana bɔƒɔ bɔsiku mina enu kemmo.”

Daniel 3:15 ပူးပေါင်းရင်းမြစ်များ

Baga 2 18:35

Na kalɔ kamani geen baƒiɔ néekpo báƒɔ bana kalɔ bekyuli básiku-mi enu kemmo? Na dɛ na Unwoti anwu ɔdubɔkana na ɔƒɔ Yerusalem na mina enu kemmo?”

Israelƒuɔ Bɔlɛ 32:32

Nsu buvele na nda-a nnii ti bana ekpidi kyiɛ-ma. Mmomu si éni-ma buti bɔkyiɛ bɔdi ni, na akpa ada-mi lɛnyi edie ƒula ɔku kemmo.”

Israelƒuɔ Bɔlɛ 5:2

Amu na Ƒarao úye-ma ɔnini, “Ɔma ndi Unwoti ɔmmɔ na ɔlɛka linu-nwu litemi na lite kuƒi na Israelƒuɔ batɔlɔ? Lɛɛɛgyi Unwoti ɔmmɔ, na lɛɛɛdubo bɔya na batɔlɔ.”

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Daniel 2:47

Na ɔga ɔmmɔ ɔ́su ɔnini, “Ɔƒɛni na lɛ́ti ka ƒula Katɔti utulo baƒiɔ bayikune bani ƒui nkya. Ɔsika anwu néte-ɔ ɔyikun na édie abɛla amɛni kalɔ.”

Daniel 3:17

Katɔti ɔni na abu bɔɔkya lili kalɔ teete ni, ɔkana na ɔƒɔ-bu ɔsiku ƒula lɛgyavonku lɛmmɔ kemmo.

Daniel 6:16

Ɔmmɔ ɔsu Dario údie lɛdi ɔnii balɛku Daniel beboku na bebo-nwu bakya bagyata ubu ɔmmɔ kemmo. Nsu ɔ́su Daniel ɔnini, “Lɛ́nu ka ásiaku ƒula Katɔti kama siin na átalɛ-nwu kama. Anwuɔsu muuvele ƒula Katɔti ɔmmɔ nnii udie-ɔ.”

Daniel 6:20

Lɛlɔ lɛɛtɔ́-nwu na ɔ́va ɔ́kpali ɔnini, “Daniel, ásiaku ƒula Katɔti kama siin, na ákya-nwu lili kalɔ uwi biala ɔni na átalɛ-nwu kama. Ɔ́kana-a budie na bagyata bammɔ enu kemmo?”

Mateo 10:19

Si béti-mii bésienku litemi katɛkɔ ni, biteti kasusu na lɛla lɛni bɛdubɔsu lɛlɔ.

Mateo 27:43

Ɔ́sia Katɔti anu, na ɔɔlɔ lɛlɔ ɔnii Katɔti Ubidi. Na si Katɔti ɔɔyɔ́ ni, ɔdubɔƒɔ-nwu ɔƒɛni kani bɔnu!”

Marko 13:11

Na si uwi ɔni na béƒie-mii na béti-mii bésienku litemi katɛkɔ ni, biteti kasusu bitasiku lɛla lɛni na bɛdubɔsu lɛlɔ. Si uwi ɔmmɔ údu ni, na bɛsu litemi biala lɛni na Katɔti Kɔyu kɔdubute-mii. Ɔsika ɔɔɔdi amii alati kasusu kemmo litemi na bɛdubutemi. Mmomu Katɔti Kɔyu kɔdubɔya na bitemi ku nwuna kasusu.

Luka 12:11

“Si bákpanku-mii bésienku Yudaƒuɔ kɔsakɔ iye batɔnkune iye bagadine anumi banii baatɛku-mii litemi ni, ɔƒɛ utada-mii bɛnii bi na bɛdubo bɔsu iye dɛ na bɛdubudie lɛlɔ kenye.

Luka 13:9

Na si kɔ́kana ebi bonwu ni, ɔdia. Nsu si útakana bɔnwu ni, akana na ada-ku ava kalɔ.’ ”

Batalane Kabla 4:19

Amu na Petro ku Yohane bédie kenye banini, “Amii alati bɛbu bɛnu. Bi mada Unwoti kubiti? Si bunu bina ɔda bubo munuu Unwoti bɔdi?

Batalane Kabla 5:29

Mmɔ na Petro ku batalane bammɔ bédie kenye banini, “Ɔlɛka bɔka Unwoti bɔbu asa bɔbu bekyuli bayawine.

Batalane Kabla 6:15

Na uwi ɔmmɔ ni, bekyuli bani nnye mmɔ bánu ka Steƒano anumi eekeye aani Katɔti ɔtu ɔdi kalɛ.