Daniel 3:10 - Katɔti Ɔku Kedee

¹⁰ Ébo-bu ɔda anii ukyuli biala ɔkya lili kalɔ ute ƒula sika ugyiedi baƒiɔ lɛtabi lɛmɛni si uwi ɔni na agyala amɛni ése kalɔ aaku.

Daniel 3:10 ပူးပေါင်းရင်းမြစ်များ

Ala Alɛdi 1 15:16

Amu na Dawid ɔ́su batɔnkune bammɔ ɔnii baƒuna Lewiƒuɔ badi na beteedie lɛnu na bataagya agyala na lɛbentaa ku kɔbuli agyala bamba lɛlɔ ku enukpɛ agyala.

Ala Alɛdi 1 15:28

Na uwi ɔni na beti Bunyimi Adaka ɔmmɔ na beeduo Yerusalem ni, ukyuli biala ɔɔva ku lɛdi momoomo na baagyá agyala ku bebuo ese ku kɔkpɛɛ ku enukpɛ agyala ku lɛbentaa ku kɔbuli agyala bamba lidu lɛnɔ.

Ala Alɛdi 2 29:25

Amu na ɔmmɔ kama ni, Hesekia ɔ́ya na Lewiƒuɔ bammɔ bésie béténye bana kunyekɔ na bana kabla kenye na kakpakɔ kammɔ kemmo. Na úti enukpɛ agyala ku lɛbentaa ku agyala bamba ani na béti kɔbuli bábla úte-ma aani kalɛ na Unwoti úbo Ɔga Dawid ku kenye bediene bani ndi Gad ku Natan ɔda kalɛ.

Kɔgya 94:20

Belikplune bani mɔɔdi lɛlɔ ni, awɔ ku-ma biiibo kɔna kɔdi, ɔsika béti ala ani na balábla siin bénwini ɔda bubo bényimi bekyuli.

Israelƒuɔ Bɔlɛ 1:16

“Si uwi ɔni na bɛɛƒɔ́ Israelni uleku ɔdi kɔwɔ na ubi ɔmmɔ ɔdi ɔnanabi ni, na bɛdu-nwu. Nsu si ulekubi na ɔdi ni, bitadu-nwu.”

Israelƒuɔ Bɔlɛ 1:22

Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”

Etemila 3:16

Na lɛ́nu lɛla bamba lɛnɔ ka na kesi kesii. Kekpo ku ala tabla ulu lɛlɔ siin kani nkya na lɛbuni kenye mmomu.

Yesaia 10:1

Bɔbuɛ beete bekyuli, ama bani muunyimi ɔda bubo bukpidi kalɛ na bataanya bekyuli taakya.

Daniel 3:11

Na ásu lɛnɔ ka ukyuli biala néni na útabla lɛni ni, badubo-nwu bubo bɔkya lɛgyavonku kemmo.

Daniel 3:15

Ɔƒaani ni, ndubɔya na bedie lɛnu na bagya agyala bete-mii. Na si bɛ́kya lili kalɔ bímwi mina lɛtabi lɛni na lɛ́tu ni, lɛla biala lɛdubo buse buɛɛ bute-mii na ɔsa. Nsu si bíni na bítabla lɛni ni, badubo-mii bubo bɔkya lɛgyavonku kemmo, na baƒiɔ badi baaadubo-mii bɔkana bɔƒɔ bɔsiku mina enu kemmo.”

Daniel 6:12

Anwuɔsu bénwini bésie ɔga kudɔ na bátásu-nwu banini, “Ɔɔɔdi bubo na ébo-bu ɔda anii ukyuli biala uuubo kuƒi ka ɔkya lili kalɔ ute baƒiɔ iye lɛla bamba lɛdi utulo awɔ kani na emeyi avlaatɛ ani ndubo mɛni kemmo? Na ɔɔɔdi bɔsu na ɔda bubo bɔmmɔ bɔ́su bɔ́tina ka ukyuli biala ɔni náta únye ɔmɛni lɛlɔ ni, ɔlɛka bebo-nwu bakya bagyata ubu kemmo?” Amu na ɔga ɔmmɔ údie kenye ɔnii “Lɛni na use pɛpɛɛpɛ na balakana-mu bɔvumana aani kalɛ kani na balavumana Mediaƒuɔ iye Persiaƒuɔ ɔda bubo bɔdi kalɛ.”

Amos 6:5

Na bɛ́nwi kɔdɔlɔ lɛnu na bɛɛgyá teedie teete lɛlɔ na bina lɛbentaa lɛlɔ. Na bɛɛvumana lɛnu lɛmmɔ adi aani kalɛ na Ɔga Dawid útaabla.

Yohane 11:57

Na uwi ɔmmɔ ni, bakpane benengu ku Ƒarisiƒuɔ béte bɔti ka si ɔdi ɔgyi kesii kani na Yesu ɔkya ni, na ubo ubasu-ma kalɛ na besie betéƒie-nwu.