Daniel 3:1 - Katɔti Ɔku Kedee

¹ Ɔga Nebukadnesar údie lɛdi ɔnii batu sika ugyiedi baƒiɔ lɛtabi lɛdi na nina bɔkuku bɔdi lɛgba bɔka liti ku aavlene na nina bɔbɛbɛ bɔdi lɛgba bɔka yaalenwi. Na ɔ́ya na béti-ni bálɛ kesii kani baalɔ banii Dura Kɔwɛ na mmɔ ude Babilon ɔma unengudi ɔmmɔ kudɔ.

Daniel 3:1 ပူးပေါင်းရင်းမြစ်များ

Baga 1 12:28

Na ka ɔ́wia bekyuli kasusu únu ni, ɔga ɔmmɔ úti sika ugyiedi ɔ́bla bakɔ bebi inyɔ. Na ɔ́su bekyuli bammɔ ɔnini, “Yerusalem busie teesie taatábla akpala ɔdubuduoku-mii lɛlɔ bɔvili. Ɔmmɔ ɔsu ni, O Israel, bɛɛnu bina benwoti bani nákpanku-mii bálɛku Egyipte kalɔ lɛlɔ.”

Ester 1:1

Na Persia Ɔga Ahasweros lɛga bɔdi uwi ni, ɔ́di kɔlɛkɛ eti anyɔ ku aavlanyɔ-maatɛ lɛlɔ ɔ́si India útédu Etiopia.

Kɔgya 135:15

Ala ani na kadi bamba bekyuli baakpá ni, adi ala ani béti sika ugyiedi ku ɔƒualadi bávɔ na ammɔ ƒui adi bekyuli enu kabla.

Israelƒuɔ Bɔlɛ 20:23

Anwuɔsu bitese baƒiɔ badi bitebunku-mi, na biteti sika ɔƒualadi iye ugyiedi bitavɔ baƒiɔ badi bitese lɛlɔ.

Israelƒuɔ Bɔlɛ 32:31

Amu na Mose ɔ́sɔ únwini úsie-nwu kudɔ na ɔ́su-nwu ɔnini, “Bekyuli bamɛni bábla likpidi bonwu, ɔsika béti sika ugyiedi bávɔ ɔti bamba ɔdi béte lɛlɔ na bákpa-nwu.

Yesaia 2:20

Na limeyi lɛmmɔ ni, sika ɔƒualadi ku ugyiedi baƒiɔ bani na bávɔ bése lɛlɔ baakpá ni, badububo-nwu bewi baƒiamu ku bagyina.

Yesaia 30:22

Na uwi ɔmmɔ ni, bɛdubɔnu bina baƒiɔ bani na bɛ́vɔ, ku bani na bɛ́nwi na bɛ́kwaa-nya ku sika ugyiedi aani kebu alakpi ani muusé lɛlɔ na bibo-nya biwiakun.

Yesaia 46:6

Bekyuli badi beesié taatáƒɔ ala bakywɛne na kayu kenye, na bete-ma sika ugyiedi ku ɔƒualadi, na betu-nwu babla baƒiɔ bete-ma na bataakpa.

Yeremia 10:9

Bekyuli nánwi na bávɔ ala amɛni bábla baƒiɔ. Ligyii banwine baanwí ligyii na udu ɔdi kenye. Na abuala betune lɛnɔ baakywɛɛ ala ku sika ugyiedi ɔni na béku básiku Uƒas ku sika ɔƒualadi ɔni nási Tarsis na benyimi-nwu adala ani náƒɔ kuye geen.

Yeremia 16:20

baƒiɔ bekpludi bani na bekyuli béti enu bábla.’ ”

Daniel 2:48

Ɔmmɔ kama ni, ɔga ɔmmɔ úte Daniel ala pii na ɔ́kɔliku-nwu kenyekɔ, na únwini aban ɔgadine unengu na Babilon kalɔ kammɔ lɛlɔ, na úti-nwu únwini banundane bakladi ƒui lɛlɔ ɔnune.

Daniel 2:49

Na Daniel úye kuƒi na ɔga ɔmmɔ ɔ́kɔliku Daniel bakpana ɛtɛ bani ndi Sadrak ku Mesak ku Abednego lɛnɔ kunyekɔ útése kunyekɔ kunengudi na Babilon kalɛkɛ kammɔ kemmo. Na Daniel anwu ni, únwini ɔga kesii unengu geen.

Daniel 3:14

Na ɔ́su-ma ɔnini, “Línu ka bíni na bítakya lili kalɔ bítete mina baƒiɔ iye sika ugyiedi lɛtabi lɛni na lɛ́ya na bátu bényene mmɔ.

Daniel 3:30

Na ala amɛni bɔlɛ bɔwɔlɔ kama ni, ɔga ɔ́sɔ ɔ́ƒuna Sadrak ku Mesak ku Abednego útényene kesii kani na kásɔ kákuku ketulo ƒui na Babilon lɛga kadikɔ kalɛkɛ kammɔ lɛlɔ.

Daniel 5:23

Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Hosea 2:8

Nsu útati ɔnii antabi ku kamu ku ntɛ buni bɔmmɔ ƒui ni, adi etela ani nási-mi kudɔ. Na nwuna sika ugyiedi ku ɔƒualadi ƒui ni, ami néte-nwu na anwu na ɔda uuyé ala taakpa Baal baƒiɔ.

Hosea 8:4

Bɛ́ƒuna baga ku batɔnkune bíte lɛlɔ, na bíteye-mi kasusu. Na bíti sika ugyiedi ku ɔƒualadi bɛ́bla baƒiɔ bíte lɛlɔ, na ama nákpanku-mii bátákya bɔkywi kemmo.

Habakuk 2:19

Bi ndi lɛla lɛni na ukyuli ɔdubɔkana na ɔtɛya ɔsiku baƒiɔ bani na béti sika ɔƒualadi ku ugyiedi bákwaa kemmo? Ala amɛni alanwuna muedi. Kɔnyana litemi bonwu lɛdi lite ukyuli ɔni ndubɔta na ɔsu baƒiɔ bamɛni ɔnini, ‘Ta nye, na abla lɛla lɛdi ete-mi.’

Batalane Kabla 17:29

“Na ka bɔdi Katɔti bebi ɔsu ni, utalɛka bɔkali bɔnii Katɔti ɔmɛni use aani lɛla lɛni na abu bayawine néti enu bɔ́bla aani sika ugyiedi iye ɔƒualadi iye ugyii iye lɛtabi iye ala anwidi lɛnɔ kalɛ.

Batalane Kabla 19:26

Na biinú na bɛɛnu kede kede kalɛ na Paulo ɔkya uuwi bula kabla kamɛni anumi kalɔ, na uunwíni bekyuli pii kasusu ɔnii baƒiɔ ala ani na bɔɔbla ƒui aaadi ala ani na bakya lili kalɔ bete! Ɔmɛni ɔsu na bula liyedi líbo kalɔ! Na ɔɔɔdi Eƒeso mɛni lɛti na ɔmɛni ɔdaku bɔlɛ. Mmomu ɔkya na Asia kalɔ kamɛni lɛlɔ ƒui!

Lɛkpa Ulu 7:25

Na si bɛ́di kadi bekyuli badi lɛlɔ ni, bɛkyula bana baƒiɔ bani na bátu bálɛ. Nsu ɔdi biala ɔnu kaduɛ na anumi etegyie-nwu na bana sika ugyiedi iye ɔƒualadi ɔni na béti bámana bana baƒiɔ bammɔ lɛlɔ na ɔdi ɔsu ɔnii uuti ɔdi. Ɔsika Katɔti ukisi ala ammɔ na adi kakpagyuɛ ete-mii.

Budie Taatina 9:20

Bekyuli bakladi bani ƒui nétekpi na alakpa atɛ ani ndanku kukpi mmɔ kemmo ni, béténwini kama bátákya ala ani na ama alati béti bana enu bábla bése béte lɛlɔ ka bataakpa. Ala amɛni adanku ayu ekpidi ku bana baƒiɔ bani na béti sika ugyiedi ku ɔƒualadi bávɔ ku kalɔ kemmo abuala ku atabi ku egyii ani na bánwi. Nsu ala amɛni ƒui ni, alánu na elenu na elesie muedi!