Daniel 2:49 - Katɔti Ɔku Kedee

⁴⁹ Na Daniel úye kuƒi na ɔga ɔmmɔ ɔ́kɔliku Daniel bakpana ɛtɛ bani ndi Sadrak ku Mesak ku Abednego lɛnɔ kunyekɔ útése kunyekɔ kunengudi na Babilon kalɛkɛ kammɔ kemmo. Na Daniel anwu ni, únwini ɔga kesii unengu geen.

Daniel 2:49 ပူးပေါင်းရင်းမြစ်များ

Ester 2:19

Na begblebi bammɔ bɔsɔ bɔsa kunyɔdi ni, na Mordekai ɔkya ɔga kabla bablane benengu akɔ na uunye ɔga kesii ɔban kayakun.

Ester 2:21

Nkyuli inyɔ badi na baalɔ Bigtana ku Teres lɛnɔ bátaabla ɔga kabla na ama mɔɔgyumana ɔga kayakun. Nsu nkyuli inyɔ bamɛni bébeti kasusu kekpidi kadi na Ɔga Ahasweros lɛlɔ ka badu-nwu.

Ester 3:2

Na ɔga úbo ɔda ka bakladi bani na bakya-nwu kalɔ ƒui bataakya Haman lili kalɔ na balɛ akɔnkɔ lɛnɔ kalɔ si ɔ́si ɔɔví aani bana unengu kalɛ. Nsu Mordekai kani néni na ulábla lɛni si ɔ́nu-nwu.

Agba 28:12

Si ala aadianku bekyuli babuni ni, lɛlɔ lɛɛyɔ́ ukyuli biala. Nsu si bekyuli bekpidi benye ala kenye ni, ukyuli biala ɔɔbɛ́.

Yeremia 39:3

Uwi ɔni na kekpo kéƒie Yerusalem káwɔlɔ ni, Nebukadnesar benengu bani ntulo ƒui mmɔ ku Nebo Sarsekim ku Nergal-Saresa bani nási Simigar bábaƒɔ kalɔ beli na kesii kani baalɔ banii Ɔmantɛ Ɔban Kenye mmɔ beti batina ka ama mɔɔdi ɔma ɔmmɔ lɛlɔ ɔƒaamu.

Daniel 1:17

Katɔti ɔ́ya na bakloƒu ine bamɛni báda anu na bebo ababla sɔsɔ. Báka lɛku pii na bénwini bakutine geen. Na Daniel anwu ɔɔkana na uudie ana kalɔ muedi ku kɔyu kemmo ala bɔnu taati ku ana kalɔ budie.

Daniel 1:7

Na unengu ɔmmɔ ɔ́sia-ma Babilonƒuɔ anyi. Na Daniel únwini Beltesasar, na Hanania únwini Sadrak, na Misael únwini Mesak, na Asaria únwini Abednego.

Daniel 2:17

Mmɔ na Daniel únwini úsie kaduli na útásu nwuna bakpana ɛtɛ bammɔ lɛla lɛni mɔɔlɛ́.

Daniel 3:1

Ɔga Nebukadnesar údie lɛdi ɔnii batu sika ugyiedi baƒiɔ lɛtabi lɛdi na nina bɔkuku bɔdi lɛgba bɔka liti ku aavlene na nina bɔbɛbɛ bɔdi lɛgba bɔka yaalenwi. Na ɔ́ya na béti-ni bálɛ kesii kani baalɔ banii Dura Kɔwɛ na mmɔ ude Babilon ɔma unengudi ɔmmɔ kudɔ.

Daniel 6:2

Na kalɛ na ɔnu ka lɛla biala liisié siin na nwuna aban ɔmmɔ kemmo ɔsu ni, Dario ɔ́sɔ ɔ́ƒuna bakutine ɛtɛ bamba únyene kunyekɔ kɔdi ka bataanu aban bagadine bamɛni lɛlɔ. Na bakutine bamɛni akɔ unwi ndi Daniel.

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.