Daniel 2:48 - Katɔti Ɔku Kedee

⁴⁸ Ɔmmɔ kama ni, ɔga ɔmmɔ úte Daniel ala pii na ɔ́kɔliku-nwu kenyekɔ, na únwini aban ɔgadine unengu na Babilon kalɔ kammɔ lɛlɔ, na úti-nwu únwini banundane bakladi ƒui lɛlɔ ɔnune.

Daniel 2:48 ပူးပေါင်းရင်းမြစ်များ

Samuel 2 19:32

Ɔƒɛni Barsilai ɔdi ukyuli ɔni na ɔ́ɔbi lɛlɔ geen na ɔdubɔƒɔ aani akwa liti ku avlaatɛ. Na anwu nátaanu Ɔga Dawid lɛlɔ uwi ɔni na ɔ́kya Mahanaim, ɔsika ɔlakɛne na ɔdi.

Baga 2 5:1

Na uwi ɔmmɔ ni, Naaman ɔdi Siriaƒuɔ bekpone ɔtɔnkune na ɔdi ukyuli ɔni na Siriaƒuɔ ɔga ɔɔbu geen. Ɔsika ɔkɛnku Naaman lɛlɔ na Unwoti ɔ́ya na Siriaƒuɔ békpo bádi lɛlɔ. Nsu na uuƒi ɔlɛgyie.

Hiob 1:3

Na ubo baƒonu mpim maatɛ ku bebuo ala betine ku keƒu mpim ɛtɛ ku ɔmantɛ bakɔ ku kɔgba kɔni baabala-ma eti leevu ku bebuo ala betine eti leevu ku kabla bablane pii badi. Na ɔdi unengu geen na bekyuli bani nkya ɔƒɛ katukɔ kakɛ mmɔ ƒui akɔ.

Yeremia 5:5

Ndubusie ntátɛmiku batɔnkune bammɔ, ɔsika ama bagyi lɛla lɛni na Unwoti ɔɔwia ka babla, nsu ama muedi béni na bálɛ ugyii ka belénu Unwoti litemi.

Daniel 2:6

Mmomu si bɛ́kana na bɛ́su-mi kɔna kɔmmɔ ku kuna kalɔ budie ni, bɛdubo lɛyuƒɔla bonwu bɔkɛ na bekyuli bete-mii ɔbu geen. Anwuɔsu ɔƒaani ni, bɛsu-mi kɔna kɔmmɔ ku kuna kalɔ budie.”

Daniel 3:1

Ɔga Nebukadnesar údie lɛdi ɔnii batu sika ugyiedi baƒiɔ lɛtabi lɛdi na nina bɔkuku bɔdi lɛgba bɔka liti ku aavlene na nina bɔbɛbɛ bɔdi lɛgba bɔka yaalenwi. Na ɔ́ya na béti-ni bálɛ kesii kani baalɔ banii Dura Kɔwɛ na mmɔ ude Babilon ɔma unengudi ɔmmɔ kudɔ.

Daniel 3:12

Ati, áƒuna nkyuli ɛtɛ badi na kesii kani na káƒɔ kuye sɔsɔ na Babilonƒuɔ kalɛkɛ kani lɛlɔ na aadi. Ama ndi Sadrak ku Mesak ku Abednego. Nsu ni, bédie atu na ƒula litemi lɛlɔ, na balákya lili kalɔ teete ƒula baƒiɔ iye ƒula sika ugyiedi lɛtabi lɛni na bátu bényene mmɔ.”

Daniel 3:30

Na ala amɛni bɔlɛ bɔwɔlɔ kama ni, ɔga ɔ́sɔ ɔ́ƒuna Sadrak ku Mesak ku Abednego útényene kesii kani na kásɔ kákuku ketulo ƒui na Babilon lɛga kadikɔ kalɛkɛ kammɔ lɛlɔ.

Daniel 4:6

Anwuɔsu lɛ́lɔ banundane bani nkya Babilon kalɔ lɛlɔ ƒui nnii bebo mina kesii na bebedie kɔna kɔmɛni kalɔ bete-mi.

Daniel 4:9

Amu na lɛ́su-nwu nnini, “Beltesasar, ɔɔɔdi anu kani na áda etulo mina kasusu bakyane ku kelisa benengu bammɔ, mmomu baƒiɔ bayikune kedee bammɔ béte-ɔ ɔyikun sɛsɛɛ ɔni na aakana na eeti taakɛ ala ani na ebo ɔkplu geen muedi kakwɛ, na aakana-nya, na eedie akɔla ala budie taatina abɛdi muedi kalɔ. Anwuɔsu se kɔtu na enu mina kɔna kɔni na lígye na edie-ku kalɔ ete-mi.

Daniel 5:11

Ukyuli ɔdi ɔkya ƒula lɛga kadikɔ kemmo na baƒiɔ kedee béte-nwu ɔyikun sɛsɛɛ ɔdi. Uwi ɔni na ƒ'ɔti Nebukadnesar ɔdi ɔga ni, uwi ɔmmɔ ƒui na bagyi ka ukyuli ɔmɛni ɔdi ɔnundane na ɔgyi lɛla, na ɔɔnu ala taati pla pla geen aani baƒiɔ bammɔ alati kani. Anwuɔsu na ƒ'ɔti úti-nwu únyene bevone bani mɔɔtɛmiku bekpine ayu ku ama bani mɔɔnu ayabi na beebó like mmɔ ƒui kenye.

Daniel 5:16

Nsu básu-mi ka awɔ agyi lɛla biala na aakɛ́ ala ani na ebo ɔkplu geen muedi kasusu. Na ɔƒɛni ni, si ákana na áka ala amɛni na édie-nya kalɔ lɛnɔ éte-mi ni, adubo bunwini ukyuli ɔtɛdi ɔni ndubunye kenyekɔ kenengudi na ubo ɔyikun geen lɛnɔ na mina lɛga kadikɔ. Na adubo awu ɔni náƒɔ kuye geen butaakya na akya sika ugyiedi kɔsɛɛ ɔkwɛ.”

Daniel 5:29

Mmɔ kani ni, Belsasar údie lɛdi ɔnii beti Daniel benyene ɔyikun kenye katɛdi lɛlɔ na nwuna lɛga kadikɔ na beti awu ɔni náƒɔ kuye geen mmɔ bakya-nwu na bakya-nwu sika ugyiedi kɔsɛɛ ɔkwɛ.

Daniel 5:7

Amu na ɔga ɔmmɔ ɔ́kpali nwuna bevone bani mɔɔtɛmiku bekpine ayu ku ama bani mɔɔnu ayabi na beebó like ɔnii bebo. Na ɔ́su banundane bamɛni ɔnini, “Ukyuli ɔni ndubɔkana ala amɛni bɔka na udie-nya kalɔ ute-mi ni, ɔdubunwini ukyuli ɔtɛdi ɔni ndubɔkɛ kenyekɔ ku ɔyikun butulo ƒui na mina lɛga kadikɔ. Na ɔdubo awu ɔni náƒɔ kuye geen butaakya na ɔkya sika ugyiedi kɔsɛɛ ɔkwɛ.”

Daniel 8:27

Amu na ala amɛni ƒui kama ni, lɛlɔ líse lítu-mi geen na lɛ́bla kpɛtɛ kpɛtɛ ɔni na bɔtɛ kani na mɔɔtɛ na ńsɔ ńtakana mina ɔga ɔmmɔ kabla kadi bɔta bɔbla uwi gyɔlɔɔ ɔdi kemmo. Na ala ani na lɛ́nu mmɔ ékpoku-mi geen, nsu eeebo-mi kalɔ bunu bɔdi nwaa lɛni.

Bumomo Bɔka 24:11

Ɔƒɛni gyu lɛgba na atɔlɔ eteesie ƒula ɔma! Líse kenye ka nka mete-ɔ lɛyuƒɔla nsu Unwoti únye útile-ɔ ka akɛ lɛyuƒɔla lɛmmɔ!”

Samuel 1 17:25

Na uwi ɔni náavi kemmo ƒui ni, Israelƒuɔ bamɛni bátaasu lɛlɔ banini, “Bɛnu kalɛ na ukyuli ɔmɛni uusié teebo teebedumi-bu bɔdi. Nsu Ɔga Saul ɔ́ɔsu ka ɔdubuti nwuna ubidi ulekubi bute ukyuli ɔni makana Ƒilistini ɔmɛni bɔdu na uti. Na ɔni nsɔ nsia lɛnɔ ndi ka ukyuli ɔmmɔ ku nwuna ɔtɔ kemmo bekyuli ƒui basɔ baaadubo kalɔ kammɔ kemmo kuyii kɔdi butaaƒɔ teete ɔga. Na ɔmmɔ kama ɔga ɔmmɔ ɔdubute ukyuli ɔmmɔ ala pii.”

Samuel 1 2:8

Anwu mɔɔtalaku bawabane katɔ na baalɛ́ ɔtumu akɔ, na bani mɔɔyaki ala mmɔ baata ntɔ kewikɔ, na beelie kuliekɔ kunengudi kɔni bagabi beelie. Unwoti nése kalɔ kammɔ ƒui lɛtabi ɔka kalɔ. Na nwuna lɛlɔ na ɔ́tu kayawi ƒui ɔ́lɛ na kadi nwuna kadi.

Samuel 1 25:2

Ɔlakɛne ɔdi ɔ́kya Karmel ɔma kemmo na Maon kalɔ kakwiidi kemmo mmɔ, na ubo egulabi geen. Ubo bese apim unwi ku baƒonu mpim ɛtɛ. Na úteekulo-ma linwini na Karmel mmɔ.