Daniel 2:47 - Katɔti Ɔku Kedee

⁴⁷ Na ɔga ɔmmɔ ɔ́su ɔnini, “Ɔƒɛni na lɛ́ti ka ƒula Katɔti utulo baƒiɔ bayikune bani ƒui nkya. Ɔsika anwu néte-ɔ ɔyikun na édie abɛla amɛni kalɔ.”

Daniel 2:47 ပူးပေါင်းရင်းမြစ်များ

Ala Kalɔ Buse 41:39

Mmɔ na Ƒarao ɔ́su Yoseƒ ɔnini, “Ka awɔ na Unwoti Katɔti údie ala amɛni ƒui ɔ́tina ni, naaabu nnii ukyuli bamba ɔdi ɔkya na ɔ́da anu na ɔɔnu ala kemmo kaduɛ aani ƒula kalɛ.

Baga 2 5:15

Ɔmmɔ kama Naaman ku nwuna bekyuli bani ƒui nsiaku-nwu básɔ bénwini bésie Katɔti ukyuli ɔmmɔ kudɔ. Na úténye-nwu anumi na ɔ́su-nwu ɔnini, “Ɔƒɛni na lɛ́nu lɛ́ti ka Katɔti ɔdi uuubo kayawi uuutulo Israel lɛti pɛ.” Na úvele-nwu ɔnini, “Ƒɔ etela amɛni siku ƒula kabla ɔblane kudɔ.”

Hiob 12:19

Ɔɔbɔku bakpane teedie bana kunyekɔ. Na bayikune bani náƒɔ lɛnyi ni, uukpeli-ma taava kalɔ.

Kɔgya 136:2

Bɛgya benwoti ƒui Unwoti enu. Ɔsika ɔɔyɔ́-bu uwi ndi uwi.

Kɔgya 136:3

Bɛgya Unwoti ɔni ntulo ƒui enu. Ɔsika ɔɔyɔ́-bu uwi ndi uwi.

Kɔgya 72:11

Na baga ƒui bakya lili kalɔ bete-nwu. Na kadi ƒui babla-nwu kabla.

Kɔgya 82:1

Unwoti Katɔti ɔ́yu úlie kayaa bayikune ntɛ na ɔ́tɛku-ma litemi na katɔ mmɔ ɔnini,

Kɔgya 96:4

Ɔsika bula Unwoti úbomo na nwuna lɛnyi lɛ́kɔ katɔ, anwuɔsu na ɔlɛka bumwi-nwu na bɔyia-nwu butulo baƒiɔ ƒui.

Esekiel 26:7

“Babilonƒuɔ Ɔga Nebukadnesar ndi ɔga ɔni mbo ɔyikun utulo ƒui na kayawi. Na anwu kani mbo bapɔnkɔ ku bapɔnkɔ kɛɛkɛ ku bekpone bapɔnkɔ beliene utulo ƒui.

Daniel 11:36

“Ɔga ɔmmɔ ni, lɛla lɛni mɔɔyɔ́-nwu kaƒɔ na ɔdubo butaabla. Na ɔdubo lɛlɔ katɔ bɔtalaku na ɔtina ka ubo kenyekɔ utulo baƒiɔ ƒui. Na ɔdubo Katɔti ɔlati buteedumi. Na geen ni, lɛla biala lɛdubo bɔsia kalɛ na ɔɔwia wetédu uwi ɔni na kɔnyi kɔni na Katɔti úti ɔ́kya anwu ɔlati ku nwuna bekyuli kɔ́yɔ-nwu.

Daniel 2:19

Usien ɔmmɔ ni, Katɔti údie ɔga ɔmɛni kɔna kɔmmɔ ɔ́tina Daniel na kɔyu kemmo ala bɔnu kemmo ku kuna kalɔ budie. Anwuɔsu úmwi Katɔti ɔni nli mɔɔdi lɛlɔ ɔ́si katɔ kakaaka ƒui ɔ́su ɔnini,

Daniel 2:22

Awɔ muudie abɛla ani kemmo nágyu kalɔ, ɔsika kesii kani nse suu ƒui muedi ni, ɔdi bukeye ute awɔ.

Daniel 2:28

Nsu Katɔti ɔni nli mɔɔdi ala ƒui lɛlɔ ɔ́siku katɔ kakaaka ɔdubɔkana na udie abɛla amɛni keyi. Na uwi ɔni na atɛ alɛɛ ni, ɔ́tina-a ala ani ndubo abalɛ uwi ɔni ndubo.

Daniel 2:30

Na mɔɔyɔ́ ka anu ati ka ɔɔɔdi ɔni na ami náda anu ntulo bekyuli bakladi ƒui ɔsu na údie ala amɛni ɔ́tina-mi. Mmomu ɔ́bla ɔmɛni kalɛ na enu ala ani na ánu kalɔ.

Daniel 2:37

Ɔga Ɔbune, awɔ ndi ɔga unengudi ƒui ɔmmɔ na Katɔti úte-ɔ ɔyikun sɔsɔ, na ɔ́ya na bekyuli baabu-ɔ.

Daniel 3:15

Ɔƒaani ni, ndubɔya na bedie lɛnu na bagya agyala bete-mii. Na si bɛ́kya lili kalɔ bímwi mina lɛtabi lɛni na lɛ́tu ni, lɛla biala lɛdubo buse buɛɛ bute-mii na ɔsa. Nsu si bíni na bítabla lɛni ni, badubo-mii bubo bɔkya lɛgyavonku kemmo, na baƒiɔ badi baaadubo-mii bɔkana bɔƒɔ bɔsiku mina enu kemmo.”

Daniel 3:28

Amu na Ɔga Nebukadnesar ɔ́su ɔnini, “Bemwi bakloƒu bamɛni Katɔti ka úmene nwuna katɔ batu na bébedie nwuna kabla bablane! Báƒɔ bana Katɔti bádi, na béni ka badi mina ɔda bubo lɛlɔ. Sɔsɔ ni, báƒuna ka bekpi betulo ka bemwi iye bakya lili kalɔ bete baƒiɔ badi amu ntu bana Katɔti lɛti.

Daniel 3:29

Na mɔɔsu geen ka lɛɛɛdubo kuƒi bute na bekyuli bani nási kadi ƒui akɔ ku adi ƒui batɛmine akɔ ɔdi ɔsu lɛla lɛdi iye ɔtɛmi uwi-ma. Si ɔdi ɔ́bla lɛni ni, ndubɔya na bekulo-nwu eku eku na babwɛ-nwu kaduli kɔkɛ kɔkɛ. Ɔsika baƒiɔ bayikune badi beeebo ɔyikun ɔni na baƒɔ ukyuli ɔdi ngba lɛni.”

Daniel 4:17

“ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Daniel 5:11

Ukyuli ɔdi ɔkya ƒula lɛga kadikɔ kemmo na baƒiɔ kedee béte-nwu ɔyikun sɛsɛɛ ɔdi. Uwi ɔni na ƒ'ɔti Nebukadnesar ɔdi ɔga ni, uwi ɔmmɔ ƒui na bagyi ka ukyuli ɔmɛni ɔdi ɔnundane na ɔgyi lɛla, na ɔɔnu ala taati pla pla geen aani baƒiɔ bammɔ alati kani. Anwuɔsu na ƒ'ɔti úti-nwu únyene bevone bani mɔɔtɛmiku bekpine ayu ku ama bani mɔɔnu ayabi na beebó like mmɔ ƒui kenye.

Amos 3:7

Na Katɔti ulábla lɛla lɛdi ntu ɔ́ka nwuna kenye udiene bɔsu.

Korintoƒuɔ 1 14:25

Na anwu ɔlati ndubudie nwuna ala abɛdi keyi na ɔdubɔyu ɔtɛ kalɔ na umwi Katɔti na udie kenye ɔnini, “Sɔsɔ ni, Katɔti ɔkya-mii akɔ!”

Lɛkpa Ulu 10:17

Ɔsika bina Unwoti Katɔti ubo ɔyikun utulo ɔyikun biala na ɔlɛka buti ɔbu bute-nwu geen. Na ɔdi Unwoti ɔni na ulánu anumi taabla lɛla lɛdi na ulabɛ taaƒɔ lɛla lɛdi ukyuli kudɔ.

Timoteo 1 6:15

Na Katɔti ɔdubɔya na Yesu Kristo wasɔ webo na uwi ɔni námanku lɛlɔ. Katɔti Ɔyɔne ɔmɛni lɛti mɔɔdi lɛla biala lɛlɔ, na anwu ndi bagadine ƒui Ɔga. Na lɛla biala lɛɛlɔ-nwu lɛnii Unwoti.

Yosua 22:22

“Unwoti Katɔti ndi Katɔti Ɔyikune Ƒui. Na anwu ndi Unwoti, na ɔgyi lɛla lɛni ɔsu na bɔ́bla lɛla lɛmɛni. Na abu lɛnɔ bɔɔyɔ́ ka amii lɛnɔ bɛti lɛla lɛni ɔsu na bɔ́tu lɛkpabi lɛmɛni. Na si bɔtu na bɔ́tu-nwu ka buuti bɔta bunye Unwoti lɛlɔ iye ka bɔɔlɛ́-nwu kama ni, bibo kuƒi ka bɛdu-bu.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”

Budie Taatina 19:16

Na bénweni lɛnyi lɛdi básia nwuna awu lɛlɔ ku nwuna libuili kakɛ banii BAGA ƑUI ƆGA KU BATI ƑUI ƆTI