Daniel 2:34 - Katɔti Ɔku Kedee

³⁴ “Ɔƒɛni uwi ɔni na enye aanu ni, ánu ka lɛtabi lɛdi na bánwi básiku abi lɛlɔ, na ɔɔɔdi ukyuli ɔyawine nánwi-ni lɛ́si líbayu ukyuli ɔvɔdi ɔmɛni lɛgba na úbo abuala ku lɛti lɛmmɔ úgyingya.

Daniel 2:34 ပူးပေါင်းရင်းမြစ်များ

Kɔgya 118:22

Lɛtabi lɛni na batune béni báva ni, ani nébenwini lɛtabi lɛni náƒɔ kuye lítulo na atabi ƒui akɔ.

Yesaia 28:16

Unwoti ɔnini, “Binu! Lɛ́ƒuna lɛtabi lɛni náƒɔ kuye na Sion, na ɔdi lɛtabi kpakplaa lɛni mabala kowodu likpo. Na ukyuli biala ɔni maƒɔ madi ni, enu alaƒɛ-nwu kudii.

Yesaia 60:12

Na lɛga kadikɔ iye kadi bani néni banii balakya-mii kalɔ na babla-mii kabla ni, badubɔyii udu na ɔdi ɔsɔ ulénu-ma kɔku.

Yesaia 8:9

Bibo kekpo kudu amii kadi bekyuli, na bibile ala kalɛ na bɛkana na bɛdubo bɔyii udu! Binu amii ɔlɔgyu kadi ƒui bekyuli. Bɛklibi lɛlɔ bite kekpo, nsu bɛdubo bukpi!

Esekiel 32:28

“Badubo amii Egyipteƒuɔ lɛlɔ bɔdi buɛ buɛ na badubo amii lɛnɔ bava bubunku bekyuli bani nékpi na kekpokɔ na udu ɔmɛni kemmo.

Esekiel 47:5

Ɔ́sɔ ɔ́kɔku lɛgba budie eti leevu ku liti ku leevu ɔ́yula na ketu kammɔ kasɔ kaladia lɛgba bɔkya ntu bɔkpi na ákpi.

Daniel 2:33

Na ɔ́sɔ ɔ́si mmɔ úbo nwuna anikpo ni, ɔdi abuala kpakplaa sɔɔn na nwuna ɔgba ɔkladi ku kanintɔ ƒui kadi abuala kpakplaa ku lɛti kasala.

Daniel 7:27

Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Daniel 8:25

Na ɔkɔ ɔni na ɔdubo butaanyi taatɔlɔ bekyuli ɔdubɔya na ɔdi lɛlɔ na ɔƒɔ lɛnyi geen. Ɔdubo bekyuli pii bɔdu kɔnakunwi na ukpoku Katɔti kayawi ƒui lɛlɔ ɔdine utulone ƒui. Nsu Katɔti ɔdubo-nwu lɛlɔ bɔdi na ususu-nwu ɔbla kpɛtɛ kpɛtɛ.

Sakaria 12:3

Nsu ndubo Yerusalem bɔbla na unwini lɛtabi bonwu lɛni na ukyuli biala makali ɔnii ɔɔgyú-ni ni, lɛdubɔyu-nwu na ukpi.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Mateo 16:18

Anwuɔsu mɔɔsu-ɔ ka awɔ ndi Petro ɔni kalɔ ndi lɛtakpɛ. Na lɛtakpɛ lɛmɛni lɛlɔ na ndubuti mina baƒɔtaadine lɛtu linyine aani ɔtɔ kalɛ. Na kukpi ɔyikun muedi ulakana-ma lɛlɔ bɔdi.

Yohane 1:13

Na ubi bɔdi bɔmɛni bɔɔɔkɛnku kaba kemmo kɔwɔ lɛlɔ. Na bɔɔɔdi ɔnana ku uleku kɔwɔ kemmo na bɔ́si. Na bútasi ɔnana ubi bɔwia kasusu kemmo lɛnɔ. Mmomu ni, Katɔti ubi bunwini bɔmɛni bɔ́si Katɔti ɔlati kudɔ.

Batalane Kabla 4:11

Na Yesu ɔmmɔ lɛlɔ na Bunweni Kedee bɔɔsu taasiku bɔnii, “ ‘Lɛtabi lɛni na amii batune bíni bɛ́va ni, ani nébo líbenwini lɛtabi lɛni náƒɔ kuye lítulo na atabi ƒui akɔ.’

Korintoƒuɔ 2 5:1

Na si bula ɔlɔna ɔni nse aani kevo kani kemmo bulie na kayawi kamɛni kemmo kébie ni, bubo ɔtɔ na Katɔ Ɔga Ɔma. Na ɔtɔ ɔmmɔ ni, anwu ɔlati néti nwuna enu ɔ́tu-nwu, na ɔdubunye uwi ƒui.

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.

Petro 1 2:7

Na lɛtabi lɛmɛni lɛ́ƒɔ kuye geen líte amii bani náƒɔ-nwu bɛ́di. Nsu bekyuli bani nátaƒɔ-nwu bátadi ni, bati banii, “Lɛtabi lɛni na batune béni báva ni, ani mmomu nébenwini lɛtabi lɛni náƒɔ kuye litulo ƒui.”

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”